bachki

ot 1. Oʻsimlik tanasining, poyasining ostidan, yon-beridan oʻsib chiqqan mayda shoxchalar, nihollar.

Daraxt tanasining ostida qoʻshimcha bachkilar oʻsib chiqib, ular daraxtni toliqtirib qoʻyadi. — Sharq yulduzi

Kimningdir zaif qoʻllari bilan tol chiviqqa chala koʻtarilgan zanglarda onda-sonda charoslar qorayib koʻrinardi-yu, toklarni bachki novda bosib, gʻovlab yotardi. — A. Muxtor, Chinor

2. Koʻkligida oʻrib olishga moʻljallab ekilgan makkajoʻxori.

Bachki ekmoq. Bachki oʻrmoq.

Bachki makkapoyalar pishib yetilganiga qaramay oʻrilmayotir. — Gazetadan

Shu kunlarda oʻrilgan maydonlarda makkajoʻxori tagpoyasi tez koʻkarib, sal kunda bachkisi silosbop boʻladi. — Gazetadan

3. s. t. esk. Bolalar poyabzali.

Oʻgʻlim, besh bachkini pullab, ip, mum, sirach, lok olamiz, xoʻpmi?! — Oybek, Tanlangan asarlar

4. koʻchma Mayda, arzimaydigan, ikkinchi darajali, keraksiz.

Adabiyot bogʻimizda chilpib tashlaydigan bachki novdalar koʻpayib qoldi. — Gazetadan

Biz bachki mavzularga qarshi kurash olib borishimiz lozim. — Gazetadan

Men oʻn yildan beri, allaqanday bachki sabablar bilan bir-biridan arazlashib gaplashmay kelgan ikki qoʻshnini tanir edim. — Gazetadan

1. Oʻsimlik tanasining, poyasining ostidan, yonveridan oʻsib chiqqan mayda shoxchalar, nihollar.FİLİZ

2. Koʻkligida oʻrib olish uchun ekilgan makkajoʻxori.

n stem, stalk (of a plant), epicormic branch