ахборот

axborot

11 та луғатда учрайди ЖСОН Шеваларда Барча қидирув натижалари

Изоҳли луғат

ахборот

от 1. Иш, воқеа-ҳодисалар ҳақида тушунча берувчи хабар, маълумот.

Мажлисда сўзга чиққан парламент қўмиталарининг раислари ахборот бердилар. — Газетадан

2. Радио эшиттириши, телевидение кўрсатувида махсус информацион дастурнинг номи.

Консерт, кино, Ахборот майли-я, спорт-у об-ҳаво маълумотигача кўради. — С. Нуров, Нарвой

3. Вақти-вақти билан чиқиб турадиган баъзи тўпламларнинг номи.

Фанлар академиясининг ахбороти.

Ўзбекча-туркча изоҳли луғат

АХБОРОТ

1. Хабар, маълумот.HABER

2. Вақти-вақти билан чиқиб турадиган баъзи тўпламларнинг номи.BÜLTEN

Ахборот-коммуникация технологиялари изоҳли луғати

ахборот

1. Тақдим этилиш шаклидан қатъий назар шахс, предмет, далил, воқеа, ҳодиса ва жараёнлар ҳақидаги маълумотлар.инглизчаinformationрусчаинформация

2. Далил, воқеа, ҳодиса, предмет, жараён каби обектлар ҳақидаги билим (маълумотлар) ҳамда тушунчалар ёки буйруқлар.

3. Маълум хос матнда аниқ маънога эга бўлган тушунчаларни ичига олувчи далил, воқеа, ҳодиса, предмет, жараён, тақдимот каби обектлар ҳақидаги билим (маълумотлар).

4. Қизиқиш уйғотиши мумкин бўлган ва сақланиши ва қайта ишланиши лозим бўлган жами далил ва маълумотлар. Китоб матни, илмий формулалар, банк ҳисоб рақамидан фойдаланиш ва тўловлар, дарс жадвали, ўлчаш мажмуаларининг ер ва фазо стансияси ўртасидаги масофа тўғрисидаги хабарлар ва ҳ.к. ахборот бўлиши мумкин. Ҳисоблаш машинаси иши учун зарур бўлган ахборот қайта ишланиши лозим бўлган маълумот ва дастурдан иборат бўлиб, дастур ушбу маълумотлар билан нима ва қайси тартибда бажарилиши лозимлигини белгилайди (ёки фойдаланувчига белгилаш имконини беради). Ахборот нур, товуш ва радио тўлқинлари, электр токи ёки кучланиши, магнит майдони, қоғоздаги белгилар шаклида яратилиши ва ташилиши мумкин. Умуман олганда, хоҳлаган моддий тузилма ёки энергия оқими ахборотни ташиши мумкин. Ахборотдан фойдаланиш кўламлари жамият ривожланиши даражасини белгилайди.

5. Турли обектларнинг ўзаро ишлашида рўй берувчи акс этиш жараёнининг актив ҳаракатларни таъминлаш учун яроқли натижалари. Шунингдек, биров, бирор нарса тўғрисидаги маълумотлар.

6. Акс этган хилма-хиллик.

Фавқулодда вазиятлар луғати

Ахборот

лот. informatio – тушунтириш, баён этиш

1. одамлар томонидан оғзаки, ёзма ёки бошқа усул билан (шартли сигнал, техника воситалари ва ҳ.к. ёрдамида) бериладиган маълумотлар, шунингдек ушбу маълумотларни бериш ва олиш жараёнининг ўзи

2. одамлар, инсон ва мураккаб техника воситалари (автомат, робот техникалари), техника тизимлари ичида ва улар ўртасида маълумот алмашиш, ҳайвонот ва ўсимликлар дунёси ўртасида сигнал алмашиш, ҳужайрадан ҳужайрага, организмдан организмга белгиларнинг берилиши.

Русча-ўзбекча ва ўзбекча-русча луғат

ахборот

известия, сообщения, информация.

Инглизча-ўзбекча, ўзбекча-инглизча луғат

ахборот

н report, information, communication, news