АЛКИЛАТ

асосан изопарафин углеводородлардан ташкил топган кенг қамровли бензин фраксияси. Мотор услуби билан аниқланган октаннинг сони 90—95. Қайнаш температураси 40—180°С, зичлиги 0,690—0,710 г/см³, ёд сони 0,35—0,5, олтингугуртнинг миқдори 0,015—0,025%, ёниш иссиқлиги (пасти) 43,8 мж/кг. Алкиллаш агентлари сифатида алкилгалоген, олефин, кислоталарнинг алкил эфирлари ва алифатик бирикмалар ишлатилади. Алкиллаш нефт саноатида авиация ва автомобил бензинларига қўшиладиган юқори октанли компонентлар олишда, шунингдек, ёқилғи ва мойларга қўшимча бўлиб ишлатиладиган маҳсулотларнинг асосини ташкил қилувчи алкилфенол олишда қўлланилади. Алкиллаш жараёни олефинларни парафин ва ароматик углеводородларга бириктиришдан иборат. Натижада молекула оғирлиги нисбатан юқори бўлган углеводородлар ҳосил бўлади. Масалан: Ч₃КОЧ₃ + Ч₃И — Ч₃КОЧ₂Ч₃ + ҲИ, К₆Ҳ₅НҲ₂ + Ч₃кл — К₆Ҳ₅НҲ₂(Ч₃)Кл, К₆Ҳ₆ + Ч₂=Ч₂ — К₆Ҳ₅Ч₂Ч₃, К₂Ҳ₅ОҲ + СО₂(ОК₂Ҳ₅)₂ — К₂Ҳ₅ОК₂Ҳ₅ + + К₂Ҳ₅О(ОҲ)СО₂, К₂Ҳ₅КООҲ + Ч₂Н₂ — К₂Ҳ₅КООЧ₃ + Н₂, Алкилат, Алкилбензин