АЛКИЛАТ

asosan izoparafin uglevodorodlardan tashkil topgan keng qamrovli benzin fraksiyasi. Motor uslubi bilan aniqlangan oktanning soni 90—95. Qaynash temperaturasi 40—180°S, zichligi 0,690—0,710 g/sm³, yod soni 0,35—0,5, oltingugurtning miqdori 0,015—0,025%, yonish issiqligi (pasti) 43,8 mJ/kg. Alkillash agentlari sifatida alkilgalogen, olefin, kislotalarning alkil efirlari va alifatik birikmalar ishlatiladi. Alkillash neft sanoatida aviatsiya va avtomobil benzinlariga qoʻshiladigan yuqori oktanli komponentlar olishda, shuningdek, yoqilgʻi va moylarga qoʻshimcha boʻlib ishlatiladigan mahsulotlarning asosini tashkil qiluvchi alkilfenol olishda qoʻllaniladi. Alkillash jarayoni olefinlarni parafin va aromatik uglevodorodlarga biriktirishdan iborat. Natijada molekula ogʻirligi nisbatan yuqori boʻlgan uglevodorodlar hosil boʻladi. Masalan: CH₃COCH₃ + CH₃I — CH₃COCH₂CH₃ + HI, C₆H₅NH₂ + CH₃Cl — C₆H₅NH₂(CH₃)Cl, C₆H₆ + CH₂=CH₂ — C₆H₅CH₂CH₃, C₂H₅OH + SO₂(OC₂H₅)₂ — C₂H₅OC₂H₅ + + C₂H₅O(OH)SO₂, C₂H₅COOH + CH₂N₂ — C₂H₅COOCH₃ + N₂, Alkilat, Alkilbenzin