Qidiruv

fl. 1. Yorimoq feʼlining orttirma nisbati.

Baland osilgan qirqinchi chiroqning yorugʻi chogʻroq uyning burchaklarigacha yoritgan. — P. Tursun, Oʻqituvchi

Birinchi bomba kolxoz otxonasiga tushib, alanga butun qishloqni yoritdi. — I. Rahim, Chin muhabbat

2. koʻchma Yozib bayon qilmoq, tasvirlamoq, mohiyatini ochib bermoq.

Qishloq hayotini yoritmoq.

Gʻulom Yoqubovning qahramonlik tafsiloti shu kungacha yetarli darajada yori-tilgani yoʻq. — N. Safarov, Olovli izlar

Bobur xorijiy ellar safariga chiqqanda, zamin va maʼdan haqidagi maʼlumotlarini, qisqa boʻlsa-da, yoritishga urindi. — Fan va turmush

fl. 1. Yorugʻ, ravshan boʻlmoq; charogʻon boʻlmoq.

Sham nuridan xona ichi yoridi.

Oʻrdaning charogʻchisi darboza yaqinidagi mashʼala yogʻochiga oʻt berib, butun oʻrda ichi yorib ketdi. — A. Qodiriy, Oʻtgan kunlar

2. Yorishmoq (tong haqida.

Subh azoni aytilib, sekin-sekin tong yorib bordi. — A. Qodiriy, Oʻtgan kunlar

oʻzbekchaketmoq, bormoqruschaидти, ходитьinglizchaleave

Yurï tüz oqïyïl anï sen meŋa To‘g‘ri bor, sen uni mening huzurimga chaqir – Иди, позови его ко мне – Go, call him to me

sft. 1. Yorilgan, darz ketgan.

Yoriq qovun.

2. ot Darz ketgan, yorilgan joy; tirqish, oraliq.

Devor yorigʻi.

Qozonga yopilgan tuvoqning yoriqlaridan bugʻ koʻtariladi. — S. Anorboyev, Oqsoy

Yerning yoriqlaridan vashillab gaz chiqib, yonib yotibdi. — P. Qodirov, Erk

oʻzbekchachopqir, tezkorruschaиноходецinglizchafast-running

Yorïya kewäldin tūšūb yo‘rg‘a otdan tushib – сойдя со скакуна-иноходца – descended from a fast-running horse

fl. 1. Yormoq 1, 2 feʼlining oʻzlik va majhul nisbatlari.

Toʻnkalarni kavlab, bir chekkadan yorilsa, talay oʻtin beradi [dedi Mirzakarimboy]. — Oybek, Tanlangan asarlar

2. ayn. Portlamoq.

Bomba yorildi.

Dovonda pulemyotlar tarilladi, snaryadlar yorildi. — Oybek, Quyosh qoraymas

Yaqin joyda mina yorilib, Ahmedovning yelkasi yaralandi. — T. Rustamov, Mangu jasorat

3. Bir necha qismlarga boʻlinmoq; tilinmoq; sinmoq, shikastlanmoq.

Shisha yorildi. Bosh yorildi.

Ishdan, sovuqdan yorilgan qoʻllari qamchini bazoʻr tutar edi. — Oybek, Tanlangan asarlar

Umar bilagi sinib, boshi yorilib, tuproqda behush yotardi. — S. Yunusov, Kutilmagan xazina

4. koʻchma Dardini aytmoq, hasrat qilmoq, ochilmoq.

Hayot buloq boshidagi rozi dildan keyin onasiga yorilgan, yigʻlab turib, istaklarini aytgan edi. — M. Ismoiliy, Fargʻona tong otguncha

Men uning yorilgisi kelib, toʻlib turganini sezdim-da, yoniga choʻkkaladim. — O. Yoqubov, Izlayman