ot 1. Qoʻlning tanaga yaqin qismi.
Ahmadjon uni darhol tortib olib qarasa, oʻng qoʻli yelkasidan uzilgan. — A. Qahhor, Oltin yulduz
Aravakash yelkasini gupchakka tirab itarsa ham, ot toʻrt oyogʻi yerga mixlanganday, qimir etmasdi. — Oybek, Tanlangan asarlar
Har yelkasida menday bolalardan ikkitasi oʻtirsa boʻlar. — S. Siyoyev, Yorugʻlik
2. Tananing ikki yelka, kurak qismi, kift.
Salimboyvachcha oʻz yoniga bir xotinni oʻtqazdi U yelkasi keng, koʻkrakdor, loʻppi yuzli edi. — Oybek, Tanlangan asarlar
3. koʻchma Kiyimning yelka ustida turadigan qismi.
Koʻylakning yelkasi toʻgʻri kelmadi.
4. koʻchma Zimma, gardan.
Terimni mashinalar yelkasiga yuklaganmiz. — A. Ahmadjonov, Ish boshi
5. tex. Richagning tayanch nuqtasidan kuch qoʻyilgan nuqtasigacha boʻlgan qismi.
Yelkasini toʻgʻrilab olmoq.
- Yelkasi yerga tegmagan
- Yelkaga minib olmoq Yelkamga [xoʻjayinlar] xoʻp minishdi. Endi bas! — Oybek, Tanlangan asarlarMusulmonqul el yelkasiga mindi — A. Qodiriy, Oʻtgan kunlar
- Yelka(si)ga ortmoq (yoki yuklamoq) Ish yoki vazifani biror kimsa yoki narsa zimmasiga oʻtkazmoq. Hamma ishni oʻrinbosari yelkasiga yuklabdi.
- Yelkamning chuquri koʻrsin Bundan keyin umrbod koʻrmay. Zunnunxoʻjaning uyini yelkamning chuquri koʻrsin. — A. Qahhor, Qoʻshchinor chiroqlari
- Yelkasini qismoq 1. Sovuqdan yoki ruhiy azobdan boshini yelkalari orasiga olmoq. Yormat koʻchadan keldi, yelkasini qisib, tanchaga oʻtirdi. — Oybek, Tanlangan asarlar;— Akang uyga ketdimikin? — deb soʻrashdi Davlatyordan. U yelkasini qisdi, chunki bilmas edi. — P. Tursun, Oʻqituvchi
- Yelkasidan safar oyi koʻrinmoq Juda nochor ahvolga tushmoq, puturdan ketmoq, xarob boʻlmoq. E, sen, yelkangdan safar oyi koʻrinib qopti-yu, yana menga tik gapirasan-a, gadoyvachcha! — K. Yashin, Hamza