Qidiruv

2. Biror narsa ichiga damlangan havo; dam

Ballonning yeli chiqib ketibdi

Otabek oʻn besh daqiqalardan soʻng, ichiga yel qamalgan pufakdek, "uff" etib yuborgach, oʻrnidan turdi — Abdulla Qodiriy, Oʻtgan kunlar

3. Ichakda hosil boʻladigan havo, gaz

Qabziyat ortdida, qabziyat.. Shu vaqt bir yel yurishsa, koʻzim ochilarmidi — Abdulla Qodiriy, Obid ketmon

ot 1. Daraxt tanasidan silqib chiqib, qotib qolgan yopishqoq shira.

Mastonbibi konvertni oʻrik yelimi bilan yopishtirib, boyagidek qilib qoʻydi. — S. Ahmad, Qadrdon dalalar

2. Ulash, biriktirish uchun ishlatiladigan yopishqoq modda; kley.

Duradgorlik yelimi. Yelim pishirmoq.

Parcha-parcha xaritalarni yelim bilan yamab, koʻk, qizil chiziqlar chizib qoʻyilgan joylarini koʻrsatdi. — I. Rahim, Chin muhabbat

3. koʻchma Xiralik qilib yopishaveradigan; shilqim.

Bu toifa odamlardan qochib qutulmasang, boshqa yoʻl bilan qutulib boʻlarmidi. Yelim-ku, yelim ular. — S. Ahmad, Hikoyalar

Nodirbek oʻlgudek shilqim, yelim, yopish-qoq yigit ekan. — M. Qoriyev, Oydin kechalar

4. s. t. Baʼzi buyumlarni ishlash, yasash uchun qoʻllanadigan sunʼiy modda; sellyuloza.

Yelim paqir.

Lekin Oʻljayev yopishgan yeridan uzib oʻrgangan, yelim qoshiq odam ekan — Mushtum

Mulozim yigitning yelim patnisda issiq kofe keltirganini ham sezmadi. — S. Siyoyev, Yorugʻlik

ot Urgʻochi sutemizuvchi hayvonlarning sut ajratish aʼzosi, sut bezi; emchak.

Ogʻizginangda oʻting bor, Yelinginangda suting bor. — Boychechak

Podadan qaytayotgan ona qoʻylarning maʼrashlari, yelini chatnab turgan govmish sigirlarning lapanglab yurishlari — A. Ubaydullayev, Hayot oqimi

fl. 1. Yelikish kasali bilan ogʻrimoq.

Bolaning milki yelikibdi.

2. Pufakka oʻxshab shishmoq.

Uning koʻz tomirlariga qon yugurgan, yuzi soʻlgʻin, rangi zahil, qovoqlari yelikkan edi. — Y. Muqimov, Olov va nihollar

ot s. t. Yopishqoqlik, suyuqlik, shilqimlik.