«yechinishmoq» boʻyicha 16 ta natija
fl. Yechinmoq feʼlining birgalik nisbati.
fl. 1. Bogʻichini, bogʻini yozmoq, boʻshatmoq.
Belbogʻni yechmoq.
Chiy eshikning bogʻichini yechib koʻtarganida, ingrash yana eshitildi. — A. Muxtor, Qoraqalpoq qissasi
Havo hali isimagan boʻlsa ham, xomsemiz hokim formasining koʻkrak tugmalarini yechib tashlab, yelpinishga tutindi. — M. Ismoiliy, Fargʻona tong otguncha
2. Oʻrimini yozmoq.
U [Kumush) bu kechasi koʻrgan baʼzi tushlarini Ota-bekning bu kun kelishiga yoʻydi-da, ertalabdan turib, sochlarini yechdi. A. — Qodiriy, Oʻtgan kunlar
3. Kiyilgan kiyimni joyidan, egnidan olmoq.
Toʻnni yechmoq. Koʻylakni yechmoq. Etikni yechmoq.
Malla kishi yangi buzi kavushini dahlizda yechib, chap yoqdagi kattakon xonaga kirdi. — M. Ismoiliy, Fargʻona tong otguncha
Koʻprik ustida baland poshnali tuflisini yechib olgan bir ayol mashinaga qoʻl koʻtardi. — S. Ahmad, Ufq
Nasiba uning noskisini yecha boshladi, — A. Qahhor, Ogʻriq tishlar
4. Qoʻyilgan, solingan, bogʻlangan nar-sani olmoq, undan xoli qilmoq, boʻshatmoq.
Uchinchi aravaga ortib olingan bedadan tashlab, egar-jabduqlarini, yuganlarini yechib qoʻyishdi. — Mirmuhsin, Meʼmor
Saldan keyin eshakday keladigan ikki itini yechib yubordi. — S. Siyoyev, Avaz
5. Matematik misol, masala kabilarni ishlamoq, yechimi (javobi)ni topmoq, belgilamoq.
ikki bola: biri qiz, biri yigitcha masala yechish bilan ovora. — A. Muxtor, Chinor
6. koʻchma Maʼnosini ochib bermoq, yechimini belgilamoq; hal qilmoq.
Shayboniyxon bu tugunni ham sulton va aʼyonlarga yoqadigan bir ustalik bilan yechganidan koʻpchilik mamnun edi. — P. Qodirov, Yulduzli tunlar
Bu muammoni keksa bir jangchi yechib berdi. — A. Qahhor, Oltin yulduz
Ammo qanchalik mushkul ish boʻlmasin, jumboqni yechamiz. — S. Karomatov, Oltin qum
ayn. Yechiq.
ot 1. Yechish; yechilish.
Bogʻlashda kurmak solsang, oson boʻlar yechimi. Bir nogahon gunohning oson boʻlar kechimi. — Qoʻshiqlar
2. Masala, muammo va shu kabilarning javobi.
Masalaning yechimi.
Mening odatim, hamma ishni, chigalni oldindan obdan oʻylab, yechimini koʻzimning oldiga keltirib olaman. — R. Rahmon, Sizning yoshingizga kiraylik
3. ad. Asarda voqealar rivojidagi, qahramonlar oʻrtasidagi qarama-qarshilikning hal boʻlishi, tamomlanishi.
Romanning yechimi.
Zotan, har bir asarning tuguni bilan birga yechimi ham bor-ku. — J. Abdullaxonov, Toʻfon
Bogʻlanmagan, yechilgan, bogʻdan boʻshatilgan.
Yechiq mol. Yechiq qop.
Qoʻl-oyoqlari yechiq bandilar bogʻlanib, qoʻraga qamaldilar. — S. Ayniy, Qullar
Boʻyni bogʻ-liq ham emas, yechiq ham emas: qamoq boʻlmasa ham, qamoqqa oʻxshaydi. — Oybek, Tanlangan asarlar
