«yashirinmoq» boʻyicha 24 ta natija: Izohli
fl. 1. Yashirmoq feʼlining oʻzlik nisbati.
Ovchi daraxt orqasiga yashirindi.
Gulnor koʻrpaning bir chekkasini boshiga tortib yashirindi. — Oybek, Tanlangan asarlar
2. Koʻzdan xoli, nomaʼlum holda boʻlmoq.
Inson uning [togʻning] metin bagʻrida yashiringan xazinalarga qoʻl solgan. — S. Ahmad, Togʻlarda
Axir, bu duolar, rivoyatlar niqobiga yashiringan zulmdan, jafolardan biz shoʻring qurgʻurlar kimga dod deymiz. Hamza, — Boy ila xizmatchi
fl. 1. Birov bilmaydigan, koʻrmaydigan yoki topa olmaydigan joyga qoʻymoq, berkitib qoʻymoq.
Kalitni yashirmoq. Pulni yashirmoq.
Yoʻlchi uchun keltirilgan tugunchak yodiga tushdi. Uni paranjiga oʻrab, taxmonning burchagiga yashirib qoʻygan edi. — Oybek, Tanlangan asarlar
Odamlar molini yashirsa, biz mana, koʻrib turibsizlar, bir dona gugurt choʻpini ham ostonadan tashqariga chiqarmadik. — A. Qahhor, Qoʻshchinor chiroqlari
Qushbegi javob berish oʻrniga, maktubni olib, koʻrpacha ostiga yashirdi. — A. Qodiriy, Oʻtgan kunlar
2. Koʻrinmaydigan holatga olmoq; pana qilmoq, berkitmoq.
Birovdan yuzini yashirmoq. Roʻmol uchi bilan ogʻzini yashirmoq. Bir qoʻlini orqasiga yashirmoq.
Raʼno oʻziga qarab kelguvchi Anvarga yer ostidan kulumsirab olgach, bir oz koʻrinib turgan oyoq uchlarini sariq atlas koʻylagi bilan yashirdi. — A. Qodiriy, Mehrobdan chayon
Yashiray deb koʻz-da yoshini, Quchib oldi qizning boshini. — E. Raxim
Ellikboshi olomonga qayrilib, bir qoʻli bilan shish koʻzlarini yashirgan holda, ikkinchi qoʻlini musht qilib, doʻq urdi. — Oybek, Tanlangan asarlar
3. koʻchma Maxfiy saqlamoq, sir tutmoq.
Ismini yashirmoq. Maqsadini yashirmoq. Sevgisini yashirmoq. Gʻazabini yashirmoq. Sirini yashirmoq.
Ular har ikkovlari ham hayajonlarini yashira olmay, bir-birlariga tikilib qolishdi. — M. Jaloliddinova, Keyinroq
Jonfigʻon buni [ishlamasligini], albatta, talay vaqtgacha xotinidan yashirib yuribdi. — A. Qahhor, Jonfigʻon
Kasalingni yashirsang, oʻrtoqjon, isitmasi oshkor qiladi. — N. Safarov, Hayot maktabi
YASHIRIN 'oʻzgalarga bildirmay’, 'maxfiy’. Bu yer ya sh i r i n oʻldiriladigan bandilar kushxonasi edi (Sadriddin Ayniy). Bu soʻz qadimgi turkiy tilda ’oʻzga koʻrmaydigan joyga qoʻy-’ maʼnosini anglatgan yashur-feʼlidan ’holat’ maʼnosini ifodalovchi -u qoʻshimchasi- n i va qadimgi vosita kelishigining -n qoʻshimchasini Qoʻshib hosil qilingan (ЭСТЯ, IV, 161); oʻzbek tilida a UNlisi ä unlisiga, u unlilari i unlilariga almashgan: (yashur- + u = yashuru) + n = yashurun > yäshirin
1. sft. Boshqalarga maʼlum boʻlmagan, boshqalardan sir tutilgan; maxfiy. yash
Yashirin yoʻl. Yashirin gap. Yashirin qochmoq
yoʻl-yoʻlakay unga bu yashirin toʻgarak haqida baʼzi gaplarni aytib berdi — S. Ahmad, Hukm
2. Hali maʼlum boʻlmagan, belgi bermagan
Gripp bilan kasallanishning yashirin davriykki-uch kun boʻlib, keyin oʻtkir davri boshlanadi — "Saodat"
3. Aniq ifodaga ega boʻlmagan
Ayniqsa, nutqiy vaziyat, sharoitga qarab qahramonlar tilidan aytilgan yashirin maʼnoli soʻzlar, luqmalar drama tilida alohida oʻrin tutadi — "OʻTA"
Bu xushhol va ochiqkoʻngil ayolda koʻzga yaqqol tashlanmaydigan kuchli iroda va mustaqillik yashirin edi — F. Mu-sajonov, Himmat
4. Hech kim bilmaydigan, hech kimga maʼlum boʻlmagan
Sizni kutib turar oppoq paxtaning Bagʻrida yashirin qancha sirli rang — A. Oripov
Bu tomonda bor ekan yashirin soʻqmoq yoʻllar — "Yoshlik"
5. ayn. yashiriqcha
Uoʻtirganlarga yashirin bir nazar tashlardi — Gazetadan
ot ayn. Yashirincha.
Bir vaqtlar Nurining oʻrtaga otgan tuhmati orqasida Gulsunbibi eri Yormatdan yashiriq qizning feʼli-atvorini, yurish-turishini ochiq va bekitiq ravishda uzoq taʼqib etdi. — Oybek, Tanlangan asarlar
fl. Yashirmoq feʼlining majhul nisbati.
rvsh. Boshqalarga bildirmasdan, sezdirmasdan, maxfiy ravishda; pinhona.
Yashirincha termilmoq. Yashirincha koʻz qismoq. Yashirincha ish tutmoq. Yashirincha qarash.
Mastura sekingina yoʻrgʻalab, uyga bordi-da, onasidan yashirincha bir siqim chuvilgan paxtani qoʻyniga tiqib keldi. — P. Tursun, Oʻqituvchi
Nuri palak ostida, yosh ayollar bilan qurshalgan holda turar baʼzan yallachilarga yashirincha moʻralab qoʻyar edi. — Oybek, Tanlangan asarlar
bekin Oʻzini panaga olmoq; yashirinmoq. Oftobdan bekinmoq. Uyga bekinmoq. Sherbek ichkariga sirgʻanib tushdi-da, devor tagiga bekina qoldi. S. Anorboyev, Oqsoy Tushga kel
panala Nazardan, biror kishi yoki narsadan yashirmoq, berkitmoq. Mashinani yomgʻirdan panalamoq. Oʻzini panaga olmoq, biror narsa panasiga olmoq, orqasiga yashirinmoq. Bi
pis Oʻzini panaga olmoq; bekinmoq, yashirinmoq. U, joʻralari bilan atrofi yashil chakalak bilan oʻralgan gulzor yaqinida pisib oʻtirgancha, qushni tomosha qilardi. S. Nur
pana ot Boshqalarning nazaridan yashiradigan yoki biror narsa taʼsiridan saqlaydigan, himoya qiladigan joy, narsa, toʻsiq. Yomgʻirdan pana izlamoq. Panada turmoq. Tomning
sho‘ng‘i Suv yoki boshqa bir suyuqlik ichiga kirib botib ketmoq; choʻmmoq. Bir shoʻngʻib chiqmoq. Shoshgan oʻrdak ham boshi bilan, ham keti bilan shoʻngʻiydi. Maqol Suvon
bot Suyuqlik, sochiluvchan jism va shu kabilar ichiga yorib kirmoq. choʻmmoq. Suvga tomgan yogʻ botmas. Maqol [Shokir ota] Oldida yotgan kerakli asboblarni tez topa olmas
Zolim podshohning oltin chinori uchun Bulbuligoʻyo qushini topishga chiqqan kenja shahzoda sarguzashtlari haqida hikoya qilinadi. U oʻzining mardligi va sadoqat
yashirinmoq
yashirinmoq
yashirinmoq
