от 1. Амалга оширилиши, ҳал қилиниши лозим бўлган, кўзда тутилган мақсад, мақсадли иш.
Миллатни уйғотиш — уйғонганларнинг вазифаси. — Чўлпон, Кеча ва кундуз
Иккинчи жуда муҳим вазифа — халқ истеъмоли молларини ишлаб чиқаришни ривожлантириш. — Газетадан
Эндиги муҳим вазифа — ўрим-йиғимни ғоятда қисқа фурсатда уюшқоқлик билан ўтказиш — Газетадан
2. Зиммада бўлган муайян иш, ишлар.
Руслан билан Нормат кўчага чиққанларида, ўз вазифаларини бажарган партизанлар буғдойпояга қайта бошлаган эдилар. — И. Раҳим, Чин муҳаббат
Сиз қишлоқда бўлганингиз сабабдан, келгунингизча ишлар тўхтаб қолмасин, деб вазифамдан ташқари ишларга уриндим. — А. Қодирий, Меҳробдан чаён
Тоға, Сизнинг вазифангиз — меҳмонни истаган одам билан гаплаштириш, истаган ерига олиб бориш. — Гулдаста
3. Доим амалга ошириш, амал қилиш, бажариш лозим бўлган иш; бурч.
Эр топганини саранжом-саришта қилиш — хотиннинг вазифаси. — Муштум
Унинг \элнинг] овозига қулоқ солмоқ, шикоятларини сабр-тоқат билан тингламоқ вазифамиздир. — Ойбек, Навоий
4. Бажариш учун берилган, топширилган иш; топшириқ.
Эртаси куни [Элмурод] ўз шогирдларига вазифа бериб қўйди-да, аёлларнинг ўқишини кўришга келт. — П. Турсун, Ўқитувчи
Ўқитувчи уй вазифаларини бера бошлади. — Ў. Усмон, Сирли соҳил
5. Бирор нарса бажарадиган иш, хизмат.
Товуш тўлқинларини тутгич вазифасини ўтовчи қулоқ супраси табобатда катта аҳамиятга молик экани Шарқ тиббиётида қадимдан маълум. — Фан ва турмуш
Ётоқ-хонада истиқомат қилувчилардан ҳар бирининг китоб ва дафтарлари кечаси ўзига ёстиқ вазифасини ўтар эди. — С. Кароматов, Олтин қум
6. Хизмат лавозими, мансаб, амал доирасида бажариладиган ишлар мажмуи.
Директорлик вазифаси.
Комиссия ёш ўқитувчиларни бирма-бир чақириб суҳбатлашишга ва уларнинг қаерда қандай вазифада ишлашини белгилаб беришга киришди. — П. Турсун, Ўқитувчи
Вилоят халқ депутатларидан беш киши., жиддий камчиликлари учун ўз вазифаларидан бўшатилдилар. — Газетадан