Қидирув

от 1. Миниб юриладиган ҳайвон.

Регистон олдидан ўтадиган ёʻловчилар уловларидан тушиб, арк дарвозасига қараб таъзим қилар эдилар. — С. Айний, Қуллар

2. Умуман, ишчи ҳайвон.

Сувнинг бошида бўладиган бақақуруллоқликлар ҳам ўзи ёки уловининг жонини койитгиси келмас эди. — А. Қаҳҳор, Қўшчинор чироқлари

Бугун уловимиз қўш-ҳўкиз эмас, Қудратли техника қўлимизда, бас! Б. Бойқобилов.

3. кўчма Умуман, ёʻловчи, юк ташиш воситалари.

Самолёт — бебаҳо улов. Мана у парвозга кўтарилди. — Н. Сафаров, Оловли излар

шв. (у — чўзиқ) Ўғил.

Бежой билдим, тўрам, Ёдгор улингни, Аймоқнинг юртига талаб қилибди; Қандай жўнатасан жон-у дилингни?! — Ёдгор

Армон билан мен улдан айрилдим дер, Кетганингни, болам, билмай қолдим дер. — Равшан

тақсимламоқ, улашмоқрусчаделить, разделитьинглизчаdivide, distribute

Čïγайқа üлäди бу бўз ҳам айï Камбағалларга бўз ва ипак матолар улашди – Раздал бедноте бязь и шелка – Ҳе ҳандед оут коарсе калико анд силк то тҳе поор

фл. 1. Ип, арқон, тасма ва шу кабилар нарсаларнинг учларини бир-бирига боғлаб бириктирмоқ.

Отнинг тизгинига арқон улаб беринглар, ўзим ҳайдаб кетавераман. — А. Қаҳҳор, Асрор бобо

— Шошманглар, шошманглар, — деди дуторнинг ипини улаётган Мели полвон. — П. Турсун, Ўқитувчи

Тоҳир иккала белбоғини бир-бирига улаб, бир четини белига боғлаб, кўприкнинг тагига осилиб тушди. — П. Қодиров, Юлдузли тунлар

2. Бутунлаш мақсадида ямаш, пайвандлаш ва шу кабилар ёʻл билан бириктирмоқ.

Даҳлизда Ҳасанали узилган от асбобларини улаб тикар эди. — А. Қодирий, Ўтган кунлар

Ёʻлда чанғароғи синган экан, шуни улаймиз деб уриниб қолдик. — Ш. Холмирзаев, Ёʻллар, ёʻлдошлар

Қулоч етмас баҳайбат қувурларни бир-бирига улаш ишлари кетяпти. — Газетадан

3. кўчма Туташтирмоқ, боғламоқ.

Ғишт-кўприк иккита катта кўчани бир-бирига улайди. — Шарқ юлдузи

4. қ.х. Пайванд қилмоқ.

Гилосни олчага уламоқ. Наъматакка атиргулни уламоқ.

5. кўчма Биридан кейин бошқасини қўшиб, узлуксиз давом эттирмоқ.

Ишни ишга уламоқ. Куйни куйга уламоқ. Кунни тунга уламоқ.

У ҳар тўғрида тинимсиз гапириб, гапни гапга улаб юборди. — О. Ёқубов, Тилла узук

Абдураҳимов сигаретнинг тутунини тутунига улаб чекаркан, ўзидан ўзи гапира кетди. — Муштум

[Низомжон] Кечалари юлдуз тўла осмонга тикилиб, тунни тонгга улаб, қушлар наъмасидан, сувлар шилдирашидан кўнглига аллақандай юпанч изларди. — С. Аҳмад, Уфқ

6. Алоқа, боғланишни тикламоқ, туташтирмоқ.

Алло, менга Бухорони улаб беринг. — Т. Алимов, Хушбичим йигит

Кейин телевизорни токка улади. — Т. Ашуров, Оқ от

сфт. 1. Улови бор.

Уловли хўжаликлар.

Дурустроқ ҳосил олсам, келаси йил уловли бўлар эдим. — А. Қаҳҳор, Қўшчинор чироқлари

2. Улов минган, улов ҳайдаган.

Шунинг учун ҳам ёʻл устидаги бу чойхонада бирон уловли ёʻловчи учратармиз, деган мақсад билан эрталаб барвақт келиб ўтирган эдик. — Н. Сафаров, Оловли излар

от Уламоқ феълидан сифатдош.