Қидирув

от 1. Сутканинг кун ботишдан кун чиққунгача, оқшомдан тонготаргача бўлган қисми.

Ойсиз тун. Тун капалаги. Ой тунда керак, Ақл кунда керак. — Мақол

Очил ярим тунгача кўчаларда тентираб юрди, ётоққа борса, яна тун бўйи ухлай олмай чиқишини билар эди. — П. Қодиров, Уч илдиз

[Низомжон] Кечалари юлдуз тўла осмонга тикилиб, тунни тонгга улаб, қушлар нағмасидан, сувлар шилдирашидан кўнгилга аллақандай юпанч изларди. — С. Аҳмад, Уфқ

2. Тун қоронғиси, қоронғилик.

Баҳор келди, Тун бағрида Ярқ этгандай бўлди нур. — Э. Воҳидов, Нидо

Ҳали тонг отмаган, кулранг осмон аста-секин оқара бошлаганига қарамай, хиёбонлар, кўчалар, биноларнинг пастки қаватлари тун қўйнида эди. — Ў. Умарбеков, Ёз ёмғири

Олис-олисларда ёнган юлдуздек Дардим билан сингиб кетдим мен тунга. — Х. Даврон, Қақнус

сфт. 1. Муомаласи қўпол, ёқимсиз, қўрс.

Тунд, камгап, кекса жарроҳ ҳар бир сўзни ўлчагандай, оҳиста тушунтира бошлади. — Ойбек, Навоий

Каримжон, Манзура ўйлагандек, тунд эмас экан. У шундай қизиқ гапларни топиб гапирардики, унинг сўзамоллигига Манзура қойил қолди. — Ҳабибулло, Ғунча

Эсон устол [стол] ёнига бориш билан Саидийнинг тунд гапини эшитмаган, Саидийни кўрмаган бўлди. — А. Қаҳҳор, Сароб

2. Кўриниши, чеҳраси совуқ, қиёфаси ёқимсиз.

Тунд башара.

Эшик оға икки букилиб таъзим қилар экан, юзи тунд кўринди. — П. Қодиров, Бобур

Икки кунчадан бери тунд бўлиб юрган Йигиталининг кўнгли ёришиб кетгандай бўлди. — Д. Нурий, Осмон устуни

Эрталаб ҳаво тунд, осмонни паст тушган булутлар қоплаб олган. — Ш. Холмирзаев, Бодом қишда гуллади

Тунда бўлган ёки бўладиган; тундаги, кечки.

Тунги смена. Тунги салқин.

Асаб, тунги уйқусизлик Қудратни толиқтирган эди. — З. Фатхуллин, Сўнмас юлдуз

Расулжон тунги сайрнинг ҳаётбахш таассуротидан беқиёс лаззат топиб, уйига қайтган маҳал тонг ёриша бошлаган эди. — Ж. Абдуллахонов, Хонадон

от Шимолий яримшарнинг юқори кенгликларидаги ўта совуқ иқлимли ўрмонсиз, ёʻсинлар, сийрак майда ўсимликлар билан қопланган ерлар.

от Транспорт юриши, сув ўтиши ва бошқалар мақсадларга мўлжаллаб тоғ (ер) ёки сув остидан ўйиб очилган ёʻл, ўтиш жойи.

Метрополитен туннеллари. Тоғ туннели. Туннел қазимоқ.

Ўрмонзор ёʻли худди тоғ тагидан кесиб ишланган туннел ёʻлга ўхшайди. — Н. Сафаров, Жангчи шоир