Поиск

fl. 1. Oʻzini yoki biror narsani tutib turish uchun (tirgak, tayanch sifatida) qoʻymoq.

Shotilarni sekin tikladilar, uchini devor qirrasiga tirab qoʻydilar. — P. Qodirov, Yulduzli tunlar

Sobir burchakka tirab qoʻyilgan dutorni olib, ikki oʻrtoq oʻrtasidagi bahsni toʻxtatishga urindi. — R. Fayziy, Choʻlga bahor keldi

Qora Ahmad bir qoʻlini yerga tirab, ohista koʻtarildi — Oybek, Tanlangan asarlar

2. Biror tomonga tutashtirmoq, qadamoq.

Pichoq tiramoq.

Hovlining kunbotar tomonida xarobalikdan ozgina berida boʻlgan boyagi yoʻlakka tirab solingan ikki darichali bir uy — A. Qodiriy, Oʻtgan kunlar

Ular [Nizomjon bilan Dildor] boshlarini boshlariga tirab, surat oldirib ham kelishdi. — S. Ahmad, Ufq

ot 1. Zayom yoki lotereyaning yutuqlari oʻyini.

Tirajda hammasi boʻlib 569600 ta pul va buyum yutugʻi oʻynaladi. — Gazetadan

2. Kitob, jurnal, gazeta va shu kabilarning bosilib chiqqan nusxalarining umumiy soni, adadi.

Gazetaning tiraji. Kitobning tiraji.

Nashr qilinadigan kitoblar, jurnallar va gazetalarning tiraji ancha koʻpayadi. — Gazetadan

ot 1. Narsani biror holatda suyab, koʻtarib, tutib turish uchun qoʻyiladigan tayanchiq; tirgak, tirgovuch, tiragich.

Devorga tirak qoʻymoq.

Tirak qoʻyib mahkamlangandan keyin, ungur yoqdagi uchidan yerga shovun tashlanadi. — M. Ismoiliy, Fargʻona tong otguncha

2. koʻchma Qoʻllab-quvvatlaydigan, yordam beradigan kuch; ishonchli himoyachi, tayanchiq.

U — oilamizning tiragi.

Qanchalik qiyin boʻlmasin, Nizomjon qishloqda qolishga, keksayib qolgan dadasiga tirak boʻlishga ahd qilib qoʻydi. — S. Ahmad, Ufq

Mirhaydarning baxtiga, katta oʻgʻli Mirsaid yigitcha boʻlib, otasi yoniga kirdi: Tirak boʻldi — loy iylab, charx tepdi — Mirmuhsin, Tungi chaqmoqlar

узбекскийtiralmoq, qadalmoqрусскийподпиратьанглийскийprop up

Uzun bolya söz teb tiräldi tilim Soʻzim choʻzilib ketadi, deb tilim tiyildi – Но, полагая, что будет долгим разговор, я замолчал (букв. мой язык застрял) – so that it will be a long conversation, I stopped talking (lit. my tongue was stuck)

русскийТиранаузбекскийTirana