fl. 1. Barham topmoq, toʻxtamoq, bosilmoq; tinmoq (toʻpolon, shovqin-suron va shu kabilar haqida).
Aʼyonlar supada, odamlar yerda oʻtirib, gʻala-gʻovur tinchigandan keyin, hokim odatdagicha tilmoch orqali xalqni ogohlantirdi. — M. Ismoiliy, Fargʻona tong otguncha
Oʻsha toʻpolon tinchigandan keyin bir hafta oʻtuvdi hamki, men uy poylab qoldim. — E. Raimov, Ajab qishloq
Tinchimaydi chaqaloq dodi, Xotin quvolmaydi sharpani. — U. Qoʻchqorov, Hayajonga koʻmilgan dunyo
2. Urish, janjal, notinchlik barham topib, osoyishtalik yuzaga kelmoq, tinchlik qaror topmoq.
Oʻzim mayli, uy-ichimning Tinchi ketdi, Talay gaplar boʻldi, shukur, Tinchib ketdi. — T. Yoʻldosh, Attang
Yurt tinchisin desangiz, quymuchlariga shartta tepib, oq fotihalarini berish kerak. — Mushtum
3. Tinch tortmoq, tinchi, oromi joyiga kelmoq.
Xat kelganda, tinchir jon, Xat — juda aziz mehmon. — H. Olimjon
Uy ichi jimjit, bemor endi tinchigandek boʻldi. N. Fozilov, — Diydor
[Gulnor] Goh tinchib, goh qiynalib yotdi. — Oybek, Tanlangan asarlar
4. Biror ish, niyat va shu kabilarni amalga oshirib xotirjam boʻlmoq.
Qiz bola ota-onaga omonat, uzatib tinchiy! — S. Zunnunova, Yangi direktor
Ana shu nozik mehmon kelgach, mezbon ham tinchib, qatorga qoʻshildi. — Mushtum
— Maktabdan tinchib oldingiz, — dedi Meli polvon kulib. — Endi oʻzingizni ham bir tinchitib qoʻysak boʻlar edi — P. Tursun, Oʻqi-tuvchi
5. Ish-harakat, intilish va shu kabilarni toʻxtatmoq, undan toʻxtamoq.
Bolam, hech boʻlmasa dam olish kuni bir tinchisangiz-chi. — N. Safarov, Tanlangan asarlar
Birdan uloqchilar suv quygandek tinchib, tortish oʻrnida toʻplanib qoldilar. — A. Qodiriy, Uloqda
Qizimni tilga oldingiz, rais, toʻgʻri, oʻzi ham tinchimaydi, dangasalarga ham tinchlik bermaydi. — Sh. Rashidov, Boʻrondan kuchli
- Koʻngli (yoki yuragi) tinchimoq Bezovtaligi, xavotirligi ketib, koʻngli taskin topmoq. Sherbek qoʻliga bilet tegganidan soʻnggina bir oz koʻngli tinchidi. — S. Anorboyev, OqsoyPayt topaman. Gaplashaman. Boʻlmasa mening yuragim tinchimaydi. — P. Tursun, Oʻqituvchi
- Qulogʻi tinchimoq Behuda, boʻlar-boʻlmas gap-soʻz, ovozlardan qutulmoq, uni eshitmaydigan boʻlmoq. Shu odam mahallamizdan koʻchib ketdi-yu, qulogʻimiz tinchidi.Onaxon rastadan qayrilib, temirchilik mahallasidan oʻtgandan keyingina qulogʻi bir oz tinchidi. — A. Muxtor, Opa-singillar