Қидирув

фл. 1. Тезлиги ошмоқ, ҳаракат тезлигини оширмоқ.

Поезд тезлаб кетди. Ёмғир тезлади.

Комилжон тезлаб келиб, Халиловга қўл узатди: — Келинг, Халилов ака. — И. Раҳим, Ихлос

2. Тез юришга ундамоқ, қистамоқ.

Куч борича отим тезлаб кўраман. — Муродхон

3. Ҳужум қилишга, уришишга ундамоқ, хезламоқ, гижгижламоқ.

Хўрозларни бир-бирига тезламоқ. Беданани тезламоқ.

4. Чархлаб, қайраб ўткир қилмоқ.

Кет-монни тезламоқ. Ўроқни тезламоқ.

5. с. т. Олов кучайиб, тезлик қилиб, оқиб, кўчиб тушмоқ (тандирда ёпилган нон, сомса ҳақида).

фл. Тезламоқ феълининг мажҳул нисбати.

фл. Тезламоқ феълининг орттирма нисбати.

акцелерация

фл. 1. Тезламоқ И феълининг биргалик нисбати.

Йигитлар болаларни тезлашиб, курашга туширишди.

2. Суръати ошмоқ, жадаллашмоқ; кучаймоқ, авжга минмоқ.

Поезд тезлашди. Ишлар тезлашиб кетди.

Шабада ҳам тезлашиб, болаларнинг сочлари ва галстуклари билан тинмай ўйнашмоқда. — Ҳ. Назир, Сўнмас чақмоқлар

Майдалаб, шивалаб ёғаётган ёмғир тобора тезлашарди. — Э. Раимов, Ажаб қишлоқ

Авазнинг қадами бир секинлашади, бир тезлашади. — С. Сиёев, Ёруғлик

3. Муддатидан олдин амалга ошмоқ, тез-рок, содир бўлмоқ.

Ўйлаб қараганда, унинг эндиги тақдири кўп жиҳатдан мана шу сафарига ҳам боғлиқ; ҳатто тўйнинг тезлашуви ҳам, тўйдан кейинги саёҳат ҳам шунга боғлиқ. — С. Анорбоев, Оқсой