Поиск

fl. Termoq feʼlining birgalik nisbati.

fl. 1. Sochilib yoki toʻkilib yotgan narsalarni qoʻl bilan birma-bir olib toʻplamoq, yigʻmoq.

Soylikdan mayda tosh termoq. Oʻtin termoq.

Ertalab Begoyim: Gʻulomjonlarning qantak oʻrigi toʻlib yotibdi, terib kelgin, deb tayinlovdi. — M. Ismoiliy, Fargʻona tong otguncha

Men yoshlikdan otamga qarashdim, poda boqdim, mashoq terdim. — Oybek, Tanlangan asarlar

2. Don, meva, gul va shu kabilar oʻsimlik hosilini birma-bir olib toʻplamoq, yigʻmoq.

Gul termoq. Yongʻoq termoq. Mosh termoq. Olcha termoq.

Paxta tersang, toza ter, Chanogʻida qolmasin. — Qoʻshiqlar

Bahor keldi elimizga — Koʻm-koʻk boʻldi bogʻ, dala. Sevinch toʻlib dilimizga, Terib keldik gullola. — I. Muslim

Toqqa chiqib terganing Pista bilan bodommi? — Qoʻshiqlar

3. Maʼlum tartibda ustma-ust, yonma-yon yoki birin-ketin joylamoq, oʻrnashtirmoq, taxlamoq.

Kitoblarni tokchaga termoq. Omborga qovun terib qoʻymoq. Savatga non termoq. Yashiklarga olma termoq.

Nigor oyim oshxonada mantilarni qasqonga terib, qozonga uyar, Raʼno boʻlsa, ayvonda kichkina ukalari orasida oʻtirar edi. — A. Qodiriy, Mehrobdan chayon

4. Narsalarni teshib yoki teshigidan ip, sim va shu kabilar oʻtkazib, qator, yonma-yon joylashtirmoq, tizmoq.

Ipga munchoq termoq.

Hayotxon bechora ip eshib, marvaridlarni terishga oʻtirdi. — M. Ismoiliy, Fargʻona tong otguncha

Eshonxon chaqqonlik bilan sixlarga kabob terardi. — Oybek, Ulugʻ yoʻl

Oʻziyam uncha-muncha marjonlardan emas, un ikki shoda-ya! Munchani terguncha, yuraging qon boʻlib ketadi. — M. Ismoiliy, Fargʻona tong otguncha

5. Narsalarni joyidan, orasidan bir-ma-bir yulib, ajratib olib tashlamoq.

U [Mulla Shamsiddin] eshik oldidagi supada, oldida bir gʻalvir mayiz, choʻpini terib oʻtirgan edi. — A. Qahhor, Bashorat

Sigirning qulogʻiga yana kana tushibdi! Kanadan ham koʻra sigir uning [Baqoyevning] achchigʻini keltirar edi: kanani teray desa, qoʻymaydi, boshini silkiydi, pishqiradi. — A. Qahhor, Adabiyot muallimi

6. plgrf. Bosish, nashr etish uchun tipografik belgi va harflarni tegishli tartibda joylashtirib, biror matn hosil qilmoq.

Eʼlonni yirik harflar bilan termoq.

7. Ayrim belgi yoki raqamlarni yonma-yon, birin-ketin olib, keltirib, biror butun-lik hosil qilmoq.

Laʼlixon gaplashish uchun telefon oldiga bordi, trubkani qoʻliga olib, kerakli nomerlarni tera boshladi. — Oydin, Koʻngli toʻldimi, yaxshi yigit

8. Saralamoq, tanlamoq.

Futbol komandasiga kuchli oʻyinchilar terib olindi.

Polklardan ajratib, terib olingan hujumkor otryadlar artilleriya otishmalaridan soʻng dushman ustiga tashlandi. — Nazarmat, Joʻrlar band sayraydi

9. Ketmon, tesha, bolta kabi asboblar yuzini bolgʻalab tekislamoq, yoymoq yoki oʻtkirlamoq.

Ketmon yuzini termoq. Tesha tigʻini termoq.

Ter bezlari ajratib chiqaradigan tiniq suyukdik

Badanidan ter chiqdi. Terga botmoq. Peshonasini ter bosdi. Aʼzoyi badanidan ter quyilardi. Ter bez/tri

Uning yelkasiga va turtib chiqqan beliga terdan namiqqan koʻylagi yopishib qolgan — S. Anorboyev, Oqsoy

Peshonasidan doʻlday oqayotgan terlarini oʻng qoʻli bilaan halloslab artayotgan mingboshiga Soli sovuq jiydagul piyolada koʻk choy tutdi — M. Ismoiliy, Fargʻona tong otguncha

узбекскийvodiyрусскийдолинаанглийскийvalley

Yazï tay terä yeri töšändi yadïb Tekislik, togʻ, vodiylar toʻshanib yoyildi – Раскинув зеленое покрывало, распростерлись равнины, горы и низины – Spreading a green blanket, the plains, mountains and lowlands

ot 1. 1 Odam va hayvon tanasining tashqi qoplami, tana aʼzolarini tashqi taʼsirlardan himoya qiluvchi va turli fiziologik vazifalarni bajaradigan poʻsti.

Teri kasalliklari. Quyonning terisini shilmoq.

Tortqilaganda, uloqning terisi ayrilib ketmaydi. Boʻlmasa, tort-tortda uloq butun qoladimi! — T. Murod, Ot kishnagan oqshom

2. Molning, hayvonning shilib olingan poʻsti.

Shu yerda ishlaydigan odamlardan biri, yoʻqchilik vajidan, bir kuni bola-chaqasi bilan otning terisidan shoʻrva qilib ichibdi. — A. Qahhor, Millatchilar

Xon borib, arslon terisiga oʻtirdi, Arslonbekni oʻzining oʻng tomoniga oldi. — A. Qodiriy, Mehrobdan chayon

3. Mol poʻstidan maxsus ishlov berib tayyorlangan material; charm, koʻn.

[Shokir ota] Teriga suv purkaydi va koʻva bilan doʻq-doʻq urib, charmni tekislaydi. — Oybek, Tanlangan asarlar

Uyda bir oz teri bor. Ammo tagcharm yoʻq. — Oybek, Tanlangan asarlar

4. kam qoʻll. Poʻst, poʻchoq.

Terisi qalin qovun.

Bogʻdagi anorlar terisiga sigʻmay, tars-tars yoriladi. — Yo. Shukurov, Uch savol