Qidiruv

sft. 1. Talabga, vaziyatga, qonun-qoidaga va shu kabilarga mos, muvofiq; shu jihatdan kerak, loyiq, lozim boʻlgan.

Tegishli xulosa chiqarmoq. Tegishli choralarni koʻrmoq. Tegishli hujjat koʻrsatmoq.

Bu xabarni professorga bildirdim, undan tegishli konsultatsiya oldim. — Oydin, Uyaldi shekilli, yerga qaradi

Elmurod ham uning feʼlini bilib, har bir savoliga tegishli javobni berib turar edi. — P. Tursun, Oʻqituvchi

Paxtakorlarning hamisha oʻz soʻzlarining ustidan chiqishi uchun tegishli sharoit ham yaratib berilishi lozim. — Gazetadan

2. Kimsa yoki narsaga qarashli, aloqa-dor, taalluqli boʻlgan.

Ularning [xotinlarning] chagʻir-chugʻur aralash qahqahalari hovlini yangratadi. Gulnorga tegishli toʻrdagi bir uy, bir ayvon jimjit. — Oybek, Tanlangan asarlar

Boʻston, bu gap senga tegishli. — S. Zunnunova, Yangi direktor

Abdulaziz, oʻgʻillari otlarni sugʻorib, aravalarni shay qilib qoʻyganini, karvonsaroy sohibi ham unga tegishli odam ekanini aytdi. — Mirmuhsin, Meʼmor

— Dadam har kishining oʻziga tegishli gapni aytadilar, — dedi Onabibi Bozor-qulga. — A. Muxtor, Chinor

3. Daxli boʻlgan, muayyan, belgili.

Senlar bilan tegishli joyda gaplashaman, ertagayoq domla-imomlar bilan orani ochdi qilaman. — S. Karomatov, Hijron

Tegishli yuqori tashkilotga yetib borgan igʻvoni tekshirish uchun zudlik bilan turt-besh kishidan iborat komissiya joʻnatildi. — E. Usmonov, Yolqin

Sessiya, shuningdek, xalq deputatlari tegishli Kengashi deputatlarining kamida uchdan ikki qismining tashabbusiga binoan ham chaqirilishi mumkin. — Gazetadan

4. Oʻziga yarasha, lozim boʻlgan; kerakli.

Tekinxoʻr va bezorilar odil sud tomonidan tegishli jazosini oldi. Gazetadan. Soib Ismoilovning jasoratidan ruhlangan jang-chilarimiz dushman hamlasiga tegishli javob berdilar. — T. Rustamov, Mangu jasorat

fl. 1. Bir-biriga yoki bir narsaga bevosita yonma-yon, uchma-uch kelib taqalmoq, yopishmoq, urinmoq.

Shaftolilar mevasining koʻpligidan yerga tegib yotibdi. Parda yerga tegib turibdi. Kekkayganga kekkaygin, boshing koʻkka yetguncha, Enkayganga enkaygin, boshing yerga tegguncha. — Maqol

Bir mahal kimningdir qoʻli yelkasiga teggandek boʻldi. — S. Ahmad, Yulduz

Dilshod musicha iniga qoʻl choʻzganda, soʻri orasidan oʻtkazilgan elektr simiga tegib, yerga qulagan edi. — Gazetadan

U ihrab-sihrab yonboshiga oʻgirilgan edi, oʻpkasiga shamol tegib, yoʻtal tutdi. — Mushtum

2. Zarb bilan urilmoq.

Mevali daraxtga tosh tegar. — Maqol

Xotin chars bedanaday patillab, qochmoqchi boʻlganida, yuzini karnaygulning poyasiga urib oldi: yuzi butoqqa yomon tegdi, koʻngli ozdi. — A. Qahhor, Mayiz yemagan xotin

Toʻp borib, Buviniso xolaning koʻchaga qaragan derazasiga tegib, bir koʻzini chil-chil qildi. — R. Fayziy, Sen yetim emassan

Nemis mukkasi bilan yiqildi. Uning avtomati Bektemirning qoʻliga qattiq tegdi. — Oybek, Quyosh qoraymas

3. Tomib, sachrab, surkalib iz, dogʻ qoldirmoq, yuqmoq.

Paltongizga boʻyoq tegibdi.

Sening soqolingga teggan bir qatra shira mening fuqarolarimga bir kunlik ov-qat boʻladi. A. — Qahhor, Bashorat

Yengingizga qon tegibdi, qarang! — Mirmuhsin, Meʼmor

4. Qoʻl, kuch bilan teginmoq, ushlamoq; daxl qilmoq.

Agar tegsa, men ham tushiraman, deb lunjini poylab turibman. — H. Nazir, Yonar daryo

Bu gʻoʻzalarning shoxlab ketishi asosiy shoxning biron sabab orqasida singanligi yoki mol-hol tegganligi natijasi, bu har kimga maʼlum. A. — Qahhor, Qoʻshchinor chiroqlari

Nusratilla kirmadi. — Bir tiyiningizga tegganim yoʻq, — deb ichkari hovliga oʻtib ketdi. A. — Muxtor, Opa-singillar

Suvsar kemiruvchilarga qiron keltirgan boʻlsa ham, uy parrandalariga tegmaydi. — Gazetadan

5. koʻchma Daxl qilmoq, taʼsir etmoq.

E, senga tegib ketdimi, hali Birovlarni kamsitishga kim huquq berdi senga? — P. Tursun, Oʻqituvchi

Uning bu gapi boshqalarga ham tegib ketdi — K. Yashin, Hamza

6. Borib yoki kelib yetmoq (masalan, yuborilgan narsa haqida), topshirilmoq.

Telegramma tegdi. Xat bilan sovgʻa haliyam teggani yoʻq.

Bir necha kundan soʻng ushbu mazmundagi xat qoʻlimga tegsa ajab emas. — O. Moʻminov, Xiyobondagi uch uchrashuv

Did va ixlos bilan bezatilgan oʻn ikkita rango-rang kitobcha jurnalxonlarga borib tegdi. — Gazetadan

7. Rasamadda maʼlum hissa, ulushga ega boʻlmoq, ulushiga tushmoq, nasib etmoq.

Suv chiqadi-yu, lekin boyga yarasha chiqadi. Bu suvdan bizga tuyaning dumi yerga yetganda tegadi. — M. Ismoiliy, Fargʻona tong otguncha

Yagona stul Ahmadga tegdi. — F. Musajonov, Nozik masala

Baʼzan jon boshiga bazoʻr yarim stakandan tegadigan ichimlik suvini gul tagiga quyi-shar edi. — T. Rustamov, Mangu jasorat

8. Xotin boʻlmoq, turmushga chiqmoq.

Xoʻsh, Zargarov amaldor emas, yelkasiga arqon tashlab, bozorda yurgan hammol boʻlsa, tegarmidingiz? — A. Qahhor, Ogʻriq tishlar

Koshkiydi qoracha boʻlib tugʻilgan boʻlsam, koʻrgami, kalgami tegib, sizning soʻzlaringizni eshitmas edim! — M. Ismoiliy, Fargʻona tong otguncha

9. Baʼzi soʻzlar bilan qoʻllanib, shaxs yoki narsaga shu soʻz anglatgan narsa boʻlishini, yetishini bildiradi.

Foydasi tegmoq.

Yotoqxona binosini chor atrofdan koʻm-koʻk daraxtlar qoplagan boʻlsa ham, bizga buning nafi tegmaydi. — Guldasta

Ularning gunohini yengillashtirish kerak, xudo yorlaqab, zora bizga ham bir oz savobi tegib qolsa! — U. Ismoilov, Saylanma

Ishqilib, doʻstlariga zarari tegmasa boʻldi — boshqasidan qoʻrqmaydi. — O. Yoqubov, Er boshiga ish tushsa

1. Gipermatnli belgilash tili (HTML, WML, SGML, XML va h.k.) elementi. Matnni formatlashning qoʻshimcha imkoniyatlarini beruvchi atributlarga ega boʻlishi mumkin. Misollar: <title>, <body>, <table border=“0”>, <font color=“white”>.inglizchatagruschaтег

2. Bloglar va boshqa axborot saytlarida materiallarni mavzular boʻyicha ajratish uchun qoʻllaniladigan kalit soʻzlar. Har bir material bitta yoki koʻplab teglarga ega boʻlishi mumkin. Teglar materiallarni mavzular yoki ruknlarga koʻra aniqroq va batafsilroq tasvirlaydi.

1. tiyislilik

2. úles, pay

Kerakli, lozim boʻlgan darajada.

Biroq Ittifoq idoralarida biz keltirgan dalillarga tegishlicha quloq solishmayapti. — Gazetadan

ruschaказённыйinglizchafiscal