fl. 1. Biror belgi-xususiyati, xislati va shu kabilarga koʻra ajratmoq, belgilamoq.
Qovun tanlamoq. Koʻyning semizini tanlamoq.
Polvon uchinchi dafʼa keltirilgan toshlar ichidan bir toshni tanlab oldi-da, yaxshilab artishga va bir tomonini yoʻnishga buyurdi. — A. Qahhor, Koʻr koʻzning ochilishi
Unga qiz tanlash, qishloqning eng birinchi qizini topib berish onaning ishi emasmi? — I. Rahim, Ixlos
yosh tolga chiqib olgan yigit boltacha bilan silliq shoxlarni tanlab kesardi. — Oʻ. Hoshimov, Qalbingga quloq sol
2. Maʼqulini belgilamoq, maʼqul topmoq, Oʻzi uchun maʼqul deb bilmoq.
Kasb tanlamoq. Eshakning tanlagani — — shoʻra. Tan-lagan yoʻlidan qaytmaslik.
Bogʻning eng tubida, serdaraxt va pastqamlikda kafe bor. Ahmad shu kafeni tanladi. — F. Musajonov, Himmat
3. Umuman, belgilab, ajratib olmoq.
— Qayoqqa boʻlardi, uyga-da, — qoʻrslik bilan javob berdi chol. — Har kim oʻz molini tanlab olsin, degan buyruq chiqibdi-ku! — S. Ahmad, Hukm
- Tanlab (yoki tanlab-tanlab) , tozisiga uchramoq Tanlab-tanlab, eng yomoniga, nobopiga uchramoq.