Проект Hayot Foundation
О проекте
Ру
Ру

Поиск

По запросу «soyaki» — результатов: 24

Фильтр
Тип словаря
Толковый Переводной Терминологический
С языка
Узбекский Английский Турецкий
На язык
Узбекский Русский Английский Каракалпакский Немецкий Арабский Турецкий

Словарные статьи

22
soya

ot Dukkaklilar oilasiga mansub, loviyaga oʻxshash bir yillik oʻsimlik va uning oziq-ovqat sanoatida keng qoʻllanadigan doni.

Soya unidan sut, tvorog, qandolat mahsulotlari tayyorlashda foydalaniladi. — OʻzME

  • Soya solmoq (yoki tashlamoq) 1. Soya bermoq, soya hosil qilmoq, soya qilib turmoq. Shipga osigʻliq qirqinchi chiroqning qalpogʻi uy devorlarining tepa yogʻiga choʻziq soya solgan. — H. Gʻulom, MashʼalU [Aziza] quyuq soya tash-lagan daraxt ostiga oʻtirib, xayolga toldi. — Yoshlik— Kumush menga tik qarolmas, yuzlariga xijolat soya solgan edi, — dedi Kamoliddin. — T. Jalolov, Oltin qafas
  • Soya qaytdi Kun yarmidan ogʻdi, kechga qarab ketdi. Kechki payt, soya qaytganda, Anzirat xola unga [Sidiqjonga] darichaning oldidagi supaga joy qilib berdi. — A. Qahhor, Qoʻshchinor chiroqlari
  • Oftobni soyaga yetkazmay (yoki keltirmay) Bir zum ham kechiktirmay, darhol. [Xolmat:] Tasaddugʻingiz ketay. Doʻppisini olib kel, desangiz, axir biz jallod kimning ajazi yetsa, poyqadamingizda oftobni soyaga yetkazmay, boshini kesib keltiramiz-da! — Hamza, Boy ila xizmatchi
  • Soyada qoldirmoq Oʻz ustunligi bilan kimsani panada, orqada qoldirmoq. Yillar oʻtgan sari Islomxonning taʼrifi koʻp ustalarni soyada qoldirib ketdi. — M. Ismoiliy, Odamiylik qissasi
  • Soyada qolmoq Panada qolmoq, koʻzga koʻrinmay, chetda qolib ketmoq. Joʻra polvon brigadasiga andijonlik polvonlarni tanlab olgan edi, ammo birontasi Azizxonga yetolmas, uning soyasida qolib ketardi. — S. Ahmad, Ufq
  • Soyasi yupqa 1. Nozik, nimjon, zaif; [Gulchehra:] Kelin-poshshaning soyasi juda yupqa, til tekkizmanglar unga. — Oybek, Ulugʻ yoʻl
  • Soyasiga koʻrpacha solmoq (yoki salom bermoq) 1. Juda ham hurmat qilmoq, hurmatini joyiga keltirmoq. — Qoʻrqdingizmi? — deydi Abdujalil tegirmonchi oʻz daʼvosiga asos solib, — qishloq xalqi bizning soyamizga salom beradi. — A. Qodiriy, Obid ketmonU [Yaxshiboyev] keldi nima-yu kelmadi nima, bogʻ qilmoqchi boʻlsa, ana, mendan boshqa mingta bogʻbon bor, soyasiga koʻrpacha soladigan shogirdlari koʻp, mayli, oʻshalar ekib, oʻshalar koʻkartirib bera qolsin. — M. M. Doʻst, Lolazor
  • Oʻz soyasidan qoʻrqmoq (yoki choʻchimoq, hadiksiramoq, hurkmoq) Har narsadan qoʻrqmoq, juda ham qoʻrqoq boʻlmoq. Qoʻrqoq ot soyasidan hurkar. — MaqolYaxshi emas, Farmonqul aka, nega quyonga oʻxshab oʻz soyangizdan hadiksiraydigan boʻlib qoldingiz? — S. Mahkamov, Shogird
Полная статья →
soyabon

ot 1. ayn. Zontik.

Shoyi soyabon. Soyabon tutmoq.

Boʻronbek charm shapkali boshini soyabon tagiga yashirdi. — H. Gʻulom, Mashʼal

Narigi xonada dars tayyorlab oʻtirgan nevarasiga, soyabon tutib, koʻchadan tezda adasini chaqirib kelishni aytdi. — Mirmuhsin, Umid

2. s. t. Shlyapa, shapka va shu kabilarning soya beruvchi qismi.

Shapkaning soyaboni.

Bejirimgina tilla gardishli koʻzoynagi-yu ser-bar poxol soyaboni oʻziga biram yarashgan Valentina horgʻin jilmaydi. — M. Mansurov, Yombi

Roʻparasida shlyapaning keng soyaboni tagidan Xumorxonning koʻzlari yonib turardi. — A. Muxtor, Tugʻilish

3. Umuman, quyosh nuridan yoki yomgʻirdan saqlovchi har qanday qurilma, pana.

Avtobus stansiyalariga soyabonlar qurilmoqda.

Quyosh tikkaga kelib, ayovsiz qizdirayotgani uchun, har yer-har yerda soyabonlar tikilgan. — N. Aminov, Yolgʻonchi farishtalar

Shunday gashtli kunlardan birida praktikantlar, boshlarida soyabon, tepa ustida davra qurgancha, orqalarini oftobga toblab, karta oʻynab oʻtirishar edi. — M. Mansurov, Yombi

4. koʻchma Panoh, homiylik, xayrixohlik.

Togʻlar boshi xiyobon. Bir xudoyim soyabon. — Nurali

Qon yigʻlaysiz bu kun onam mehribon, Otam ekan hammamizga soyabon. — Zulfizar bilan Avazxon

  • Qoʻlini (yoki kaftini) soyabon qilmoq Qoʻlini (kaftini) peshonasiga qoʻyib, koʻzlarini quyoshdan panalamoq. Zokir ota qoʻlini soyabon qilib, shudgorning uzoq etagigacha chamalab koʻrdi. — H. Gʻulom, Zamin yulduzlari
Полная статья →

Показать все · 22 →

В определениях

2