Поиск

sft. 1. Shirasi oʻtkir, shirali.

Shirin qovun. Shirin ichimlik.

Shirin mevalarga oʻrgangan ogʻizlariga bu yerning nordon neʼmatlari yoqmadi. — Oybek, Quyosh qoraymas

2. Taʼmi yoqimli, mazali, lazzatli.

Shirin shoʻrva.

— Albatta, albatta, — dedi Sulaymonov jiddiy qiyofada, — masalan, baliq — koʻp yaxshi narsa, qovurilsa, qanday shirin boʻladi! — A. Qahhor, Ikki yorti — bir butun

Mening ikki onam bor, Ikkisi ham mehribon: Biri menga sut berdi, Biri esa shirin non. — Uygʻun

siz pishirgan taom shu darajada shirin, lazzatli boʻladiki — Mirmuhsin, Meʼmor

3. koʻchma Kishi huzur qiladigan, orom oladigan, lazzatlanadigan, xush yoqadigan; yoqimli, yoqimtoy.

Shirin xayollar. Shirin tush koʻrmoq. Shirin muomala. Shirin soʻz shakardan shirin. — Maqol

Muharram shirin tabassum bilan kuldi-da, bejirim labining ikki burchagini nozik toʻr tutilgan dast-roʻmolchasi bilan artib qoʻydi. — Shuhrat, Shinelli yillar

Bir ogʻiz shirin soʻz — nondek arzanda. — Gʻ, Gʻulom

U shovqin-suron ichida shunday shirin uxlardiki, bunday uyqu halol ishlab charchagan vaqtdagina boʻlishi mumkin. — Sh. Rashidov, Boʻrondan kuchli

Voy, muncha shirin boʻlmasang! Juda aqlli bolasan-da! — S. Siyoyev, Yorugʻlik

— Doʻmbillamay qolsin shu shirinlar-yey! — deguvchi edi, harbiylarni koʻrganda bir oʻrtogʻim. — Oydin, Sadagʻang boʻlay, komandir

4. Ahil, totuv.

Shirin oila.

Dunyoda bitsin urush, Yer yuzi koʻrmasin dogʻ, Gullasin shirin turmush, Tinchlik boʻlsin hamma yoq. — Q. Muhammadiy

5. Shirin (xotin-qizlar ismi).

1. Havayı veya sıvıları emmeye yarayan alet.SHPRIS

2. Vücuda ilaç vermek için kullanılan, ucu iğneli küçük pompa, enjektör.

ot tib. Bolalarda organizmning zaiflashuvi tufayli badanga mayda qizil yara-chaqa toshishi bilan ifodalanadigan kasallik.

Shirincha toshgan bola. Shirincha yarasi.

ot 1. Shirin taʼmga egalik, shiralilik, shirin ekanlik, totlilik, yoqimlilik. Tarvuzning shirinligi. Suhbatning shirinligi. Bolaning shirinligi.

Shirinligi til yorar, Hidi oʻtkir, boʻyi past. Pishganini koʻrdim-u, Yeyman, deya qildim qasd. — Uygʻun

2. Qand-qurs kabi shirin narsalarning umumiy nomi, shiravor.

U yoshligida ham shirinlikka uch edi. — Sh. Rashidov, Boʻrondan kuchli

— Toʻydan shu bolaga atab bir kaft shirinlik ham keltirmabsan, — dedi — Oʻroz. Oybek, Tanlangan asarlar

Gap unchalik qovushmayotgani uchun boʻlsa kerak, juvon choyni toʻxtatdi. Erining yordamida xontaxta ustini shirinliklardan boʻshatdi. — S. Anorboyev, Oqsoy

3. koʻchma Shod-u xurramlik, vaqtichogʻlik, xursandlik; yaxshilik.

Shirinlik bilan hayot kechirmoq. Tuy shirinlik bilan oʻtdi. [Hayitjon:] Undan kura, shirinlik bilan, oʻynab-kulib javob ber-qoʻy. Hamza, — Paranji sirlari

sft. Gapi, soʻzi kishiga yoqadigan, yoqimli gapiradigan; shirinsuxan.

Shirinsoʻz yigit.

U odamlarning hammasi ham muloyim, sermulozamat, sertaʼzim, shirinsoʻz boʻlar edi. — A. Qahhor, Sarob