Поиск

fl. 1. Sezmoq feʼlining majhul nisbati.

Zilzila yuqori qavatlarda kuchliroq seziladi.

Qumda ketayotgan kishiga ninaning ogʻirligi ham seziladi. — J. Sharipov, Xorazm

2. Aks etmoq, koʻrinmoq, bilinmoq, namoyon boʻlmoq.

Hayot oʻchoq yonidagi shoxlarni goh oyogʻi bilan bosib, goh tizzasiga urib sindiradi, uning shoshqin harakatlaridan hayajonlanayotgani sezilib turardi. — M. Ismoiliy, Fargʻona tong otguncha

Boburning Samarqandga yana yurish qilishi qatʼiy ekani uning gap ohangidan sezildi. — P. Qodirov, Yulduzli tunlar

3. Tuyulmoq, oʻxshamoq.

Sodiqning javobi uning ustidagi yukni tagʻin ham ogʻirlashtirgandek sezilib, u boshini quyiga engashtirdi va chuvak soqolini tuzatib, fikrda qoldi. — A. Qodiriy, Oʻtgan kunlar

fl. 1. Sezgi aʼzolari orqali his etmoq; tashqi taʼsirni tuymoq.

Sovuqni sezmoq. Hidni sezmoq.

Mansurning iliq qoʻllari peshonasini, sochini silayotganini sezib, kafti bilan yuzini toʻsdi-yu, unsiz yigʻlab yubordi. — Oʻ. Hoshimov, Qalbingga quloq sol

[Gavharning] Yuragi gupullab urar, shamoldan quloqlari shangʻillar, tizzasining koʻzi muzday yerga tegib turganini sal-pal sezardi. — Oʻ. Hoshimov, Qalbingga quloq sol

2. Aql-idrok bilan fahmlamoq; kuzatish, tajriba orqali his etmoq.

Keyingi vaqtlarda erining nimadandir qattiq iztirob chekayotganini Roziya sezib yuribdi. — S. Siyoyev, Avaz

Aziza kursdosh qizlarning gʻashi kela-yotganini sezgan sayin oʻzini gʻolib hisoblab, rohatlanar edi. Oʻ. — Hoshimov, Qalbingga quloq sol

3. Oldindan his etmoq, payqamoq, fahmlamoq.

Sovliq qandaydir bir yomonlik yuz berishini sezgandek bezovta maʼrar, ikki oyogʻini tinmay silkitayotgan qoʻzi tomon intilardi. — S. Ahmad, Yulduz

Bu voqeadan xabar topgan Sulton Ali mirzo oʻlim xavfi oʻziga ham yaqinlashib kelayotganini sezdi-yu, qanday qilib boʻlsa ham qochib qutulishning payiga tushdi. — P. Qodirov, Yulduzli tunlar

4. Shunday deb hisoblamoq, shunday deb bilmoq; tuyulmoq.

Lekin Yarash polvon oʻz uyida oʻzini musofirdek seza boshladi. — S. Siyoyev, Otliq ayol

Fotima birdan qaltirab, kuchsiz, darmonsiz boʻlib qolgandek sezdi oʻzini. — T. Ashurov, Oq ot

узбекскийsezmoq, his qilmoqрусскийчувствоватьанглийскийfeel

Bayatqa bu qorqu saqinčin sezip Allohga nisbatan koʻnglida qoʻrquv va xavfsirashni his qiladi

Bayatqa bu qorqu saqinčin sezip Чуствуя перед богом страх и опасение

Bayatqa bu qorqu saqinčin sezip Feeling fear of God and fear — QBK, 369₁₀

Uygun, yaraşır, bir şeye değer.UYGʻUN, MOS

conference, congress, convention

ot 1. Narsa va hodisalardagi ayrim xossalarning miyadagi inʼikosi.

Koʻrish sezgisi. Eshitish sezgisi. Sezgi aʼzolari.

Sezgi dunyoni bilishning birinchi bosqichi va tarkibiy qismidir. OʻzME. — Sen

bugun yalpi hayot kuyini, Butun sezgi, hissim bilan tinglayman. — Gʻayratiy

Qaltirarsan ajib sezgidan — R. Parfi

2. Aql-idrok bilan his etilgan, fahmlangan, payqalgan ichki tuygʻu; fahm-farosat; instinkt.

Qandaydir uzuq-yuluq fikrlar, koʻngilni gʻash qiladigan sezgilar uni chulgʻab oldi. — Oybek, Quyosh qoraymas

U onalarga xos ichki bir sezgi bilan shuncha chaqaloq orasidan oʻgʻlining ovozini — baland yigʻisini darrov ajratib olardi. Oʻ. — Hoshimov, Qalbingga quloq sol

Elmurodning koʻnglida endi cholga nisbatan boʻlgan haligi nafrat oʻchib, uning oʻrniga ayanchga oʻxshash bir sezgi paydo boʻldi. — P. Tursun, Oʻqituvchi