Поиск

olm. 1. 1 Oʻzidan kichiklarga yoki yaqin kishilarga murojaat tarzida yoki ularning nomi oʻrnida ishlatiladigan soʻz.

Sen menga mana bu xatni oʻqib ber.

Sen — Pushkinning sevgan malagi, Sen — Gyote orzu etgan qiz. — A. Oripov

Sening taningga oʻq ham botmaydi, nayza ham. — A. Qahhor, Bos tepkini

2. s. t. (koʻplik shaklida) Tinglovchiga nisbatan mensimaslik, bepisandlik kabi maʼnoni bildiradi.

[Fotima:] Hali shoshmay tur, senlarga bir jazo beraylik, boshqa diyonatsizlarga ham ibrat boʻlsin. — Hamza, Tanlangan asarlar

3. Jonsiz narsalarga murojaat tarzida yoki ularning nomi oʻrnida ishlatiladi.

Ajal, sen nayzangni sanchdingmi chindan Oʻzbek sheʼriyatin pahlavoniga? — A. Oripov

Ruhimda bir maʼyuslik sokinlik uygʻotganda, Men seni esga oldim, birinchi muhabbatim. — A. Oripov

ot AQSh, Kanada, Niderlandiya va boshqalar ayrim mamlakatlarda shu mamlakatlar asosiy pul birliklarining yuzdan biriga teng boʻlgan tanga pul.

ot Kishilarning ayrim huquqlardan, xususan vakolatli hokimiyat organlariga saylash va saylanish huquqidan foydalanishiga ruxsat beruvchi, yoʻl qoʻyuvchi shartlar.

Mulk senzi. Saylov senzi.

Turli davlatlar konstitutsiyaviy tajribasida saylov senzlarining har xil turlari mavjud. — Gazetadan

ot Oʻtlarni soʻlitib, shibbalab, vitaminlarga boyitilib tayyorlanadigan mollar ozuqasi.

Senajni pichan va silos uchun foydalaniladigan barcha turdagi oʻtlar va ularning aralashmasidan tayyorlash mumkin. — OʻzME

ot 1. tar. Qadimgi Rim davlatida: oliy hokimiyat organi.

2. tar. Rossiyada: 1711-1917 yillarda qonun chiqaruvchi va davlatni boshqaruvchi oliy davlat organi.

3. Ayrim mamlakatlarda, jumladan Oʻzbekistonda, parlament yuqori palatasining nomi.

Oʻzbekiston Respublikasi Oliy Majlisi Senatining (jami 100 senator) vakolat muddati 5 yil. — OʻzME

ot Texnik vositalarning yorugʻlik, tovush, bosim yoki boshqa tashqi taʼsirni ilgʻay oladigan va shunga yarasha munosabat bildiradigan qismi.