Изоҳли луғат
· яна 4 та луғатда
1. Ўйилган, ўпирилган жой, тешик, ёриқ.
Рахналарига янтоқ ва шох босилган паст деворли ҳовлиларнинг бузилган уйлари ташқаридан кўриниб турар эди. — С. Айний, Қуллар
[Отабек] Хароба иморатларнинг ўрта бир еридаги рахнадан ошиб тушиш қулайроқ бўлгани учун, шунинг остига шумшайиб ўтирди. — А. Қодирий, Ўтган кунлар
2. кўчма Путурдан кетган, бўшашган жой, нозик ер.
- Рахна солмоқ Путур етказмоқ, тагидан зил кетказмоқ. Охир-оқибатда у интизомни мустаҳкамлашга эмас, аксинча жамоаларнинг қонунчиликка бўлган ишончига рахна солади — ГазетаданМен қатъий ишонч билан айта оламанки, бу кимсалар пок ниятли, эътиқоди мустаҳкам халқнинг маънавиятига, унинг тинч ҳаётига, бунёдкорлик ишларига асло рахна сола олмайди. — ГазетаданОббо, Қоработир бўлиб қолдинг шекилли. Бировнинг севгисига рахна солишинг қолувди. — Ў. Ҳошимов, Қалбингга қулоқ сол
- Юракка рахна солмоқ Юракни яраламоқ, юракни доғ қилмоқ. Мақсад — юракларга солишдир рахна, Мудҳиш қабилликнинг кирдикоридан. — Ж. Жабборов