Qidiruv

fl. 1. Koʻngilsiz, ogʻir, xavfli va shu kabilar holdan chiqarmoq, xalos qilmoq.

Azobdan qutqarmoq. Xijolatdan qutqarmoq. Ulimdan qutqarmoq. Sharmanda boʻlishdan qutqarmoq. Tilni tiygan boshni qutqarar. — Maqol

Xudo xayringizni bersin meni tashvishdan qutqaring. — K. Yashin, Hamza

2. Boʻshatmoq, chiqarib olmoq, ozod qilmoq.

Qamoqdan qutqarmoq.

[Otam bilan onam:] Toza sharmanda boʻldik. Besh-olti yilga kestirib yuborsa, seni qanday qilib qutqarib olamiz? — P. Tursun, Oʻqituvchi

3. Xalos, xorij qilmoq.

Ichkilikbozlikdan qutqarmoq. Qarzdan qutqarmoq.

fl. Qutqarmoq feʼlining majhul nisbati.

ot 1. Qutqarmoq feʼlidan sifatdosh.

2. Xalos qiluvchi, ozodlikka chiqaruvchi.

Qutqaruvchi kuch. Qutqaruvchi armiya.

fl. Qutqarmoq feʼlining birgalik nisbati.

favqulodda vaziyatlar zonasida odamlarning hayotini asrab qolish va sogʻligʻini saqlash, yuridik hamda jismoniy shaxslarning mol-mulkini, atrof tabiiy muhitni muhofaza qilish, favqulodda vaziyatlarni bartaraf etish va ularga xos boʻlgan xavfli omillar taʼsirini yoʻqotish yoki imkon qadar kamaytirishga qaratilgan harakatlar.