Qidiruv

«qol» boʻyicha 1138 ta natija

Filtr

Boʻlim

Lugʻatlar Ertaklar Shevalar

Lugʻat turi

Izohli Tarjima Terminologik Frazeologik

Tildan

Oʻzbekcha Ruscha Inglizcha Qoraqalpoqcha

Tilga

Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha Forscha

Lugʻat maqolalari

294 ta

qoʻl

Izohli lugʻat · yana 8 ta lugʻatda

ot 1. Odamning barmoq uchlaridan yelkasigacha boʻlgan qismi, aʼzosi.

Baquvvat qoʻllar. Qoʻlni oldinga choʻzmoq. Ikki qoʻlni yuqori koʻtarmoq. Qoʻl kuchi. Bosh qashigani ham qoʻlim tegmaydi.

Yoʻlchi ikkinchi qoʻli bilan Qora Ahmadning bir qoʻlini orqaga qayirdi. — Oybek, Tanlangan asarlar

2. Shu aʼzoning bilakdan barmoqlar uchigacha boʻlgan qismi; panja.

Qoʻl bilan silamoq. Qoʻl bilan ushlamoq.

Yoʻldosh orqadan asta kelib, Elmurodning koʻzini ikki qoʻli bilan bekitdi. — Shuhrat, Shinelli yillar

Qozi domla qoʻllarini yuvib turib, dasturxonga koʻz yugurtirdi. — M. Ismoiliy, Fargʻona tong otguncha

3. Ish-mehnat bajaruvchi aʼzo (vosita) sifatida.

Qoʻlim band,

Men bu mol-dunyoni, yer-suvni qoʻlim bilan topgan emasman, aqlim bilan topganman. — A. Qahhor, Qoʻshchinor chiroqlari

Otabek bilan birga Tashkent tushib, oʻz qoʻllari bilan toʻyimizni oʻtkazishingizga ishonib Yusufbek hoji. — A. Qodiriy, Oʻtgan kunlar

4. s. t. Hayvonlarning oldingi oyoqlari.

Qoʻyning qoʻli va soni. Qoʻl goʻshti.

5. s. t. Barmoq.

Oʻrta qoʻl. Besh qoʻl baravar emas. — Maqol

6. Har kimning oʻziga xos yozuv usuli, uslubi, yozuvi, xati va uning ifodasi.

Qutidor qizining maqsadiga tushunib, ikki turli qoʻlni darrov payqab oldi: — Vijdonsiz, iblis, — deb qoʻydi. — A. Qodiriy, Oʻtgan kunlar

[Nizomiddinov:] Xat bilmaydigan ogʻzaki guvohlar ham bor, yozib beray desam, hamma arizalar bir odamning qoʻli bilan yozilgan, degan shubha boʻlmasin. — S. Ahmad, Hukm

7. Imzo.

Dalolatnomaga qoʻl qoʻymoq. Shartnomaga qoʻl qoʻymoq.

Xoʻjabekov — rais, Saidgʻozi bir kichkina odam Barcha hujjatlarda Xoʻjabekovning qoʻli. — S. Anorboyev, Oqsoy

Omborchi: — Boʻta qoʻl qoʻymagan qogʻozni qogʻoz demayman, — deb katta ketvordi. — S. Ahmad, Hukm

8. Har kimning oʻziga xos ish usuli, uslubi, ishi, xatti-harakati; shuni aks ettiruvchi ifoda.

Hovlini oʻrab turgan devorlar ham yangidan urilgan, ichkarisidan hammasi ganch bilan suvalgan. Hamma yoqda aka-sining qoʻli koʻrinadi. — H. Ahmar, Kim haq?

9. Imkon, imkoniyat.

10. (3-sh. egalik hamda j.k. va oʻ.-p. k. shaklida koʻm. vaz.: qoʻliga, qoʻlida) Ixtiyoriga, izmiga; ixtiyorida, izmida.

Kishi hurmati oʻz qoʻlida. — Maqol

[Kumush] Bu uydan chiqib ketishni, bir-ikki oylab Otabekni Zaynab qoʻliga topshirib qoʻyishni yana muvofiq koʻchmas. — A. Qodiriy, Oʻtgan kunlar

Agarda xon koʻtarish mening qoʻlimda boʻlsa edi, xon qilib Otabekni koʻtarar edim. — A. Qodiriy, Oʻtgan kunlar

Qoʻli tegmaydi Biror ishni bajarishga vaqti yoʻq; qoʻli band, ish bilan band.
Ikki qoʻlini burniga suqib (yoki tiqib)
Qayoqqa qoʻl uzatsa yetadi Imkoniyatga ega, imkoniyati katta.
Qoʻli baland
Qoʻli kalta (yoki qisqa) Imkoniyati kam, cheklangan, qurbi yetmaydigan. [Dadajon aka:] Oʻylab qarasam, doʻppi tor ekan. Kattaroq toʻy qilishga qoʻlimiz kalta ekan. — I. Rahim, Ixlos
Qoʻli uzun Har qanday narsaga yetishish, erishish imkoni bor, shunday qudratga ega. Uning qoʻli uzun edi, davlatning bir qismini dadasidan, ukasidan yashirin ishlatib, xolis oʻziga qarashli katta bir boylik orttirgan edi. — Oybek, Tanlangan asarlar
Qoʻlidan keladi Biror ishni amalga oshirish uchun imkoniyati, huquqi bor, kuch-quvvati yetadi, biror ishni qila, bajara oladi. U [Nuri] juda dadil va ayyor qiz. Uning qoʻlidan har qanday ish keladi. — Oybek, Tanlangan asarlar
Besh qoʻlini ogʻziga urmoq (yoki tiqmoq)
Gah desa (yoki deganda) qoʻlga qoʻnadigan qilib olmoq
Yolgʻiz (yoki yakka) qoʻl
Koʻngliga (yoki yuragiga, koʻksiga, qoʻltigʻiga, qoʻyniga) qoʻl solib koʻrmoq Birovning fikri yoki ichki sirini bilish maqsadida turli gaplar aytmoq, shu maqsadda gapga solmoq. Oʻktam toʻy-hasham toʻgʻrisida soʻz ochib, qizning koʻngliga qoʻl solmoqchi boʻldi. — Oybek, Oltin vodiydan shabadalar
Oyogʻi olti(ta), qoʻli yetti(ta)
Oyogʻini qoʻlga olib
Chap (yoki soʻl) qoʻl Chap tomon; chap, soʻl. Chap qoʻlga yurmoq. Chap qoʻldagi koʻcha.
Oʻng qoʻl 1. Oʻng tomon; oʻng. Oʻng qoʻlga burilmoq. Oʻng qoʻldagi uy. Oʻng qoʻldan mashina kelib qoldi.— Qayoqqa yuramiz, — dedi Sidiqjon qayrilib, uning koʻziga qarab. — Oʻng qoʻlga, — dedi xotin. — A. Qahhor, Qoʻshchinor chiroqlariBu kishi Azizbekning amiri lashkari va oʻng qoʻli boʻlgan Rayimbek dodxoh edi. — A. Qodiriy, Oʻtgan kunlar
Qoʻl bermoq Birovga ixlos qoʻymoq, uni pir deb tanimoq. Bir kun Margʻilondan bir eshon keldi. Boyimiz oʻsha kishiga qoʻl bergan ekan, yaʼni oʻsha kishining muridi ekan. — I. Rahim, Ixlos
Qoʻl kelmoq Qulay, mos, koʻngildagidek boʻlib tushmoq. Yerni begona oʻtlardan tozalashda qoʻl keladigan asbob.Dalabop qattiq trinkadan besh-olti metr olaman. Ularga judayam qoʻl keladi. — A. Ubaydullayev, Hayot oqimi
Qoʻl koʻtarmoq 1. Rozilik, xohish yoki ovoz berish ishorasi sifatida qoʻlini yuqoriga koʻtarmoq. Kimda-kim Nuʼmon hoji Qalandarov bu yerdan badargʻa qilinsin desa, qoʻlini koʻtarsin. Hamma baravar qoʻl koʻtardi. — A. Qahhor, Qoʻshchinor chiroqlariQurshovga olingan dushman qismlari qarshilikni toʻxtatib, qoʻl koʻtardilar;Nega sohibkorga qoʻl koʻtarding? Kuchingni qayerga qoʻyishni bilmayapsanmi? — J. Sharipov, Xorazm
Qoʻl siltamoq
Qoʻl tegizmoq (yoki urmoq) 1. Faqat boʻlishsiz shaklda: qoʻl tegizmaslik Hatto isteʼmol uchun olmaslik. Ovqatga hech kim qoʻl urmadi;U [Muxammad] qaysi ishga qoʻl ursa, uni uddalay olar edi. — M. Osim, Sehrli soʻz
Qoʻl uchida yoki qoʻl uchi bilan 1. Astoydil emas, istar-istamas; shunchaki, yuzaki. Doktor uni qoʻl uchidagina koʻrdi, dori bermadi, tayinli bir gap ham aytmadi. — A. Qahhor, Qoʻshchinor chiroqlariU [Xolmat] Toʻraxonovdan haqiqiy yordam kutgan Faqat balandparvoz soʻzlar eshitdi va [toʻgʻonni] pala-partish, qoʻl uchida qurishga daʼvat qilindi. — Sh. Rashidov, Qudratli toʻlqinBu qanday gap axir, oʻzim qoʻl uchida tirikchilik qilaman-u, sening uchun shu kunimdan ham ayrilaymi? — H. Shams, Oqpadar
Qoʻl yuvmoq
Qoʻlga olmoq 1. Pora berish, aldash va shu kabilar yoʻllar bilan oʻziga moyil qilmoq. Xumparning ogʻzi-burnini moylab, qoʻlga olib boʻlmasmikin? — P. Tursun, OʻqituvchiMuxtorxonni Afgʻoniston chegarasida qoʻlga olibdilar. — A. Qahhor, Sarob
Qoʻlga tushmoq 1. Aybi, jinoiy ishi oshkor boʻlib tutilmoq. Gap tarqadi: birov tilmoch Hokim toʻraning xotini bilan qoʻlga tushib qopti, desa, yana birov tilmoch Hokim toʻraning qorovuli bilan qoʻlga tushib qopti, deyar edi. — S. Ahmad, HukmQoʻlga tushibsan, seni rosa laqillatishibdi.
Qoʻli bormaydi Istagi, xohishi yoʻq; hafsalasi yoʻq. Tutni kesishga qoʻlim bormayapti.Mol ketdi — jon ketdi, ishga ham qoʻlim bormaydi. — A. Qodiriy, Mehrobdan chayon
Qoʻli ochiq yoki ochiq qoʻl Hech narsani ayamaydigan, saxiy. Qoʻli ochiqning yoʻli ochiq. — Maqol
Qoʻli egri Oʻgʻri.
Qoʻli yupqa Kambagʻal, qashshoq. Oʻsha kunlari Malohat aya yashayotgan qishloqdan yetmish chaqirim narida qoʻli yupqaroq bir kishining xonadoniga olov tutashib yonib ketibdi. — Gazetadan
Qoʻli qichidi
Qoʻli koʻliga tegmaslik Nihoyatda tez, chaqqon harakat qilmoq, tez ishlamoq.
Qoʻlini sovuq suvga urmaydi Hech ish qilmaydi. Nusratilla roʻzgʻorda qoʻlini sovuq suvga urmaydi. — A. Muxtor, Opa-singillar
Qoʻlni bigiz qilmoq
Qoʻlni yuvib, qoʻltiqqa tiqmoq (yoki urmoq) Biror narsadan hafsalasi pir boʻlib, ixlosi qaytib, uni tark etmoq, undan yuz oʻgirmoq, voz kechmoq, qaytmoq. Baʼzilari gʻayratlari bekorga ketayotganini koʻrib, qoʻllarini yuvib, qoʻltiqqa urdilar. — M. Osim, Ajdodlarimiz qissasi
Qoʻlni qoʻlga bermoq Biror sohada bahamjihat boʻlmoq, oʻzaro birlashmoq. Qoʻlni qoʻlga berib ishlamoq.Qadrdon dalalar, mehnat tongida Qoʻlni qoʻlga berar ikki baxtli yosh. — Gʻayratiy
Harom qoʻl Birovning haqidan hazar qilmaydigan, nopok (odam haqida). Qayerdaki harom qoʻl bor, u yerda barakat yoʻq. — Oybek, Oltin vodiydan shabadalar

Toʻliq maqola →

qolmoq

Izohli lugʻat · yana 8 ta lugʻatda

fl. 1. Boshqa joyga ketmay, bor-may, jilmay, qoʻzgʻalmay, oʻz joyida bul-mox; joyini tark etmaslik.

Uyida qolmoq. Kutubxonada qoldi. Biz bu yil ham qishloqda qoldik.

Otamlar bu yerda qolmoqchilar, sardoba qurishni oʻylayaptilar — Mirmuhsin, Meʼmor

Majlis boʻlgan joyda oʻsha gapirgan odam-u yana bir necha kishi qoldi. — A. Qahhor, Qoʻshchinor chiroqlari

2. Bor, mavjud holatda boʻlmoq; bor (inkor shaklida yoʻq holatni, yoʻq ekanlikni bildiradi).

Yonimda yuz soʻm qoldi. Uyda koʻk choy qolmabdi. Ot agʻanagan yerda jun qolar. — Maqol

Kelgusi asrga ikki qadam-gina yoʻl qoldi. — S. Ahmad, Yulduz

Qoʻqondan boshimni olib chiqib ketishdan boshqa choram qolmagan mening, aka! — K. Yashin, Hamza

3. Biror holat, vaziyat, makon (joy) va shu kabilarda mavjud boʻlmoq

Yolgʻiz qolmoq. Jim qolmoq. Vijdon azobida qolmoq. Och qolmoq. Ish chala qoldi. Qurshovda qolmoq.

Fashistlarning oʻq, xanjari-la Talay yoshlar qoldi bepadar. — Gʻayratiy

Sodiq jiyanim, basharangmi, doʻlda qolgan tappimi? — A. Qodiriy, Oʻtgan kunlar

4. Ishlatish, foydalanish va shu kabilardan xoli boʻlib saqlanmoq, ortmoq; shu tariqa keyingilar ixtiyoriga oʻtmoq, meros boʻlmoq.

Bu imorat otangizdan qolgan boʻlsa kerak? — A. Qahhor, Qoʻshchinor chiroqlari

Bir parcha yer hammadan qoladi, oʻgʻlim. Hech kim qabriga orqalab ketmaydi. — Oybek, Tanlangan asarlar

Ota-bobolardan qolgan udum bu, qizim. — K. Yashin, Hamza

5. Daxl etolmaslik, yetisholmaslik, erisholmaslik.

Oʻzimam qiziqman-da, shu yomgʻirdan qoʻrqib, maktabdan qolib oʻtirsam. — E. Raimov, Ajab qishloq

Eldan qolguncha erdan qolgan yaxshiroq, deb shuni aytsa kerak-da. — A. Qahhor, Qoʻshchinor chiroqlari

Issiq, yumshoq paxta qoplar, aravaning beshik singari tebranishi kecha uyqudan qolgan Gʻulomjonni elitdi. — M. Ismoiliy, Fargʻona tong otguncha

6. Barham topmoq, yoʻq boʻlmoq.

Shoʻxliklari qoldi. Avvalgi yoʻtalishlari qoldi. Ishonch qolmadi. Sabr-toqat qolmadi. Yurishga madori qolmadi.

Surmaxon, palapartishligingiz sira ham qolmadi, qolmadi-da! — B. Rahmonov, Yurak sirlari

7. Masofa, vaqt nuqtayi nazarida boʻlmoq, bor boʻlmoq.

Shaharga yana oʻttiz kilometr (yoʻl) qoldi. Poyezd joʻnashiga bir soat qoldi.

8. Saqlanmoq, omon qutulmoq.

Yuz oʻlimdan qolganman.

Oʻgʻrilardan bittasi tutildi qolganlari ham ushlanur, deb oʻylayman. — A. Qodiriy, Oʻtgan kunlar

9. Ish-faoliyat, foydalanish imkoniyatidan mahrum boʻlmoq.

Mariyamning baxtiga qarshi, amaki sil kasalligiga uchrab, ishdan qoldi. — Oybek, Tanlangan asarlar

Quloqdan ham qolganmisiz? Ilhom akamning ham daraklari yoʻq, deyapman! — B. Rahmonov, Yurak sirlari

Ilgari katta naychi boʻlgan, keyin koʻzdan qolib, uyga qamalgan hamqishlogʻidan ham bir oz taʼlim olgan edi. — Oybek, Tanlangan asarlar

10. Duchor boʻlmoq, giriftor boʻlmoq, yoʻliqmoq.

Baloga qolmoq. Malomatga qolmoq. Tuhmatga qolmoq. Tashvishga qolmoq.

U ham kishilar oldida bu baxtsiz qizining taʼnasiga qolmasin. — A. Qodiriy, Oʻtgan kunlar

Endi senlarning kasofatlaringga men qolamanmi? — M. Ismoiliy, Fargʻona tong otguncha

[ Surmaxon:] Shu kunga qolishimga siz sababchi boʻldingiz, oyi. — B. Rahmonov, Yurak sirlari

11. Biror narsadan benasib, bebahra qolmoq.

Toʻydan qolmoq. Foydadan qolmoq.

Bir yakshanba kuni Ahmadjon oshxonaga dejur boʻlib, uyqudan qoldi. — A. Qahhor, Oltin yulduz

12. (oʻrin-payt kelishigi bilan) Biror hodisaning bevosita taʼsirida boʻlmoq.

Yomgʻirda qolmoq. Oftobda qolmoq. Sovuqda qolmoq.

13. Belgilangan vaqtdan keyinga surilmoq, kechiktirilmoq, boshqa muhlatga koʻchirilmoq.

Majlis qoldi. Toʻy kelasi oyga qoldi. Qolgan ishga qor yogʻar. — Maqol

Damba masalasi keyinga qoldi. — A. Qahhor, Qoʻshchinor chiroqlari

[Yusufbek hoji:] Oʻttiz ikki tangadan soliq yigʻ, emish Bir haftadan keyinga qolmasin, emish. — A. Qodiriy, Oʻtgan kunlar

14. s. t. Yutqizmoq, magʻlubiyatga uchramoq (oʻyinda).

U mendan besh marta qoldi.

15. Bogʻli boʻlmoq, qarab turmoq (biror ish, masala va shu kabilar haqida).

Hamma ish menda qoldi. Ish pulga qarab qoldi.

[Hoji xoda:] Hamma gap oʻzingizda qolgan. — M. Ismoiliy, Fargʻona tong otguncha

16. Harakat nomiga qoʻshilib, shu ishni bajarish lozimligini, shunday vazifa, majburiyat borligini bildiradi.

Osh pishdi, faqat uni suzish qoldi.

Endi., farmonni xalqqa tushuntirish, uning kerakligini, foydasini uqtirish qoldi. — Oybek, Tanlangan asarlar

-ga qolganda Ish, gap va shu kabilarga borib taqalganda. Nega har narsaga yetgan aqling shunga qolganda oqsaydir. — A. Qodiriy, Oʻtgan kunlar
Koʻngli qolmoq
Laʼnat tagida qolmoq Kimsaning nafratiga, laʼnatiga, qargʻishiga duchor boʻlmoq.
Menga (yoki senga, unga va shu kabilar) qolsa Ixtiyor va shu kabilar menda boʻlsa; mendan soʻralsa. Senga qolsa, xudoni ham yoʻq deysan. — A. Qahhor, Yangi yerOppoq oyingga qolsa, Kumush opangni ham birga olib ketmoqchi. — A. Qodiriy, Oʻtgan kunlar
Oramizda (yoki oʻrtamizda) qolsin Sir saqlansin, hech kimga bildirilmasin. Yaxshi hamki bu gap oʻz oʻrtalaringizda qolib ketdi. — B. Rahmonov, Yurak sirlari
Orqada qolmoq 1. Boshqalardan keyinda yurmoq, sudralmoq. Bular gap bilan boʻlib, xiyla orqada qolib ketishdi. — A. Qahhor, XotinlarShunday qilib, boʻron bilan kelgan qiyinchiliklar or-qada qolib ketdi. — Sh. Rashidov, Boʻrondan kuchliU mendan uch sinf orqada qoldi. Orqada qolgan mamlakat;Soatim uch minut orqada qolibdi;
Pulning (yoki foydaning) tagida qolmoq Koʻp pul (foyda) topmoq; pulga (foydaga) koʻmilmoq.
Qola bersa Undan keyin, shuningdek. Avvali xudo, qola bersa, men uni uylantirib qoʻydim. — A. Qodiriy, Oʻtgan kunlar
Quruq qolmoq

Toʻliq maqola →

qolip

Izohli lugʻat · yana 6 ta lugʻatda

ot 1. Tikiladigan poyabzalning ichiga qoʻyiladigan va uning katta-kichikligini, shaklini belgilaydigan moslama.

Yogʻoch qolip. Qirqinchi qolip. Etikni qolipga tortmoq.

Uning katta boshi-da xuddi qolipga tortilgan mahsiday tarang turgan chust doʻppisi ham bor edi. — P. Tursun, Oʻqituvchi

2. Amaliy sanʼatda: bezak naqshni qoʻyib (tortib), bosib yasash uchun ishlatiladigan maxsus shakldagi moslama; andaza.

3. maxs. Quyma detal yoki mahsulotga shakl beradigan moslama.

Gʻisht qolipi. Sovun qolipi. Qozon qolipi. Qolipga detal quymoq.

Ayvonda sovungarning qolipiday qotib qolgan oʻrtoq Mehmonov bu soʻzlarni eshitar ekan, qoʻlini paxsa qilib, xotiniga oʻkira ketdi. — S. Abdulla, Obroʻyim toʻkiladi

4. koʻchma Andaza, shablon.

Bir qolipdagi gap. Bir qolipda qurilgan imoratlar.

Ochigʻini aytsam, ularni bir qolipda ishlashdan chekinishga majbur qilishgacha borib yetdik. — Gazetadan

5. koʻchma Had, chegara, meʼyor.

Sinfda bordir bir xil Erkatoy, haddan oshgan, Shoʻxligi suyuqlashib, Qolipdan oshib-toshgan. — H. Nazir

Odam taqdirini hal qilish uchun sizning qolipdan chiqqan savolingiz torlik qiladi. — A. Muxtor, Tugʻilish

Gʻisht qolip(i)dan koʻchdi

Toʻliq maqola →

qoʻlli

Izohli lugʻat · yana 1 ta lugʻatda

sft. Qoʻli boʻlgan, qoʻli bor.

Bir qoʻlli odam.

Yolgʻiz qoʻlli Yordamchisi, dastyori yoʻq.
Qattiq qoʻlli Qaramogʻidagi odamlarni qattiq ushlaydigan, talabchan. Qattiq qoʻlli rahbar.[Oʻktam] Koʻrinishda yuvosh, yumshoq, lekin chogʻi kelganda gʻoyat qattiq qoʻlli, irodali ekani sezilgan sekretarga, juda yaqin odamdek, sirdoshdek, uzoq tikildi. — Oybek, Oltin vodiydan shabadalar
Qoʻlli boʻlmoq Egali boʻlmoq, qoʻlma-qoʻl boʻlib ketmoq. Kitob qoʻlli boʻlib ketganga oʻxshaydi.

Toʻliq maqola →

qoloq

Izohli lugʻat · yana 6 ta lugʻatda

sft. 1. Taraqqiyot pogʻonasining quyi bosqichida boʻlgan, taraqqiyot jihatidan orqada qolgan, unchalik taraqqiy qilmagan.

Qoloq mamlakat.

2. Dunyoqarashi, ong-tushunchasi past boʻlgan; yetuk emas.

Uzlarini din va shariat muxlisi deb atab, ayrim qoloq kishilarni aldab, shilib yurgan betavfiqlardan nima kutish mumkin?! — Mushtum

Afgʻonistonning qoloq odamlarini oʻta sodda, koʻchmanchilarni esa yarim badaviy deydiganlar xato qiladi. — Mirmuhsin, Chodrali ayol

3. Hozirgi zamon talabiga javob berolmaydigan, isteʼmoldan chiqqan; eski.

Qoloq usul. Qoloq texnologiya.

4. Ishda, ishlab chiqarish rejalarini bajarishda, moddiy-texnika bazasining rivojlanishi va shu kabilarda boshqalardan orqada boʻlgan.

Qoloq xoʻjalik. Qoloqdan choʻloq yaxshi. — Maqol

Bizda musobaqa qoloqlarga koʻmaklashish yoʻli bilan umumiy yuksalishga erishishga asoslangandir. — Gazetadan

5. Darslarni oʻzlashtira olmay, boshqalardan orqada qolgan, yomon oʻqiydigan, ulgurmovchi.

Qoloq oʻquvchi.

Toʻliq maqola →

qoʻlbogʻ

Izohli lugʻat · yana 1 ta lugʻatda

ot Bolani (chaqaloqni) beshikka belashda ikki qoʻlini yoniga qilib, bilaklari va qorin ustidan tortib bogʻlanadigan enli bogʻich.

Qoʻlbogʻlarim tortasan zich, Qon yurishmas jismimda hech, Qoldim qurib xuddi xivich — Mushtum

Bizning qoʻlbogʻ, gavrapoʻsh, sumak, tuvak ham qovuslik beshik. — Chustiy

Toʻliq maqola →

Hammasini koʻrish · 294 →