Қидирув

фл. 1. Қизил ёки шунга яқин тус олмоқ, қизил тусга кирмоқ.

Осмон қизарди. Қулупнай қизара бошлади. Бети совуқдан қизариб кетди. Нон қизариб пишди.

Жуда чиройли бизнинг боғчамиз, Қизариб қолди гилос, олчамиз. — Қ. Ҳикмат.

Шарқ уфқи қон пуркалгандек қизарди. — С. Анорбоев, Оқсой

2. кўчма Ножўя, номақбул хатти-ҳаракати, қилмиши, айби, камчилиги ва шу кабилар учун кимса олдида хижолат тортмоқ, изза ҳолатга тушмоқ.

Модомики мендан гуноҳ содир бўлмади, текширсалар, ҳақиқат олдида ўзлари қизариб қоладилар, шундай эмасми? — Ойбек, Нур қидириб

Текин томоқ бизларга ёт; Меҳнат билан ширин ҳаёт. Ё эл билан бўлмоқ керак, Ё қизариб ўлмоқ керак. — С. Акбарий

қизармоқрусчакраснетьинглизчаturn red

Yüzi qïzdï öŋdi Yuzi qizardi, rangi xiralashdi – Его лицо покрылось краской, [затем] побледнело – His face was covered with paint, [then] turned pale

фл. Қизармоқ феълининг орттирма нисбати.

фл. Қизармоқ феълининг ўзлик нисбати.

Ҳалима опа қизариниб кулди. — О. Ёқубов, Бир фелетон қиссаси

Қизлар гуруҳида ўтирган Нафиса ўрнидан турди, қизариниб, Элчибекка қаради. — А. Мухтор, Туғилиш

фл. 1. Қизармоқ феълининг биргалик нисбати.

2. Сан-у манга бормоқ; айтишмоқ, аччиқлашмоқ.

Исломхўжа Шерназарбой билан қизаришиб олди. — Ж. Шарипов, Хоразм

Ёʻқчилик ўлсин, икковининг ҳам тори таранг, сал нарсага қизаришиб қолади. — Муштум

фл. Қизармоқ феълининг орттирма нисбати.