Qidiruv

ot Chopqi bilan chopib yoki goʻsht-qiymalagichdan oʻtkazib maydalangan goʻsht.

Yogʻli qiyma. Goʻshtni qiyma qilmoq. Ovqatga qiyma solmoq. Qiyma shoʻrva.

Bakovul ichiga qiyma tiqilgan kakliklarni olib oʻtyapti — M. Osim, Oʻtror

Oshpazlar esa, goʻshtini qiyma qilib, suyagini boshqa qilib qoʻygan edi. — I. Rahim, Tinimsiz shahar

fl. 1. Qaychi bilan boʻlmoq, qismlarga ajratmoq, kesmoq, qirqmoq.

Baxmalni qiymoq. Qogʻozni qiymoq. Tunukani qiymoq.

Qaychi olib, uch, enidan qiyasan. — O. Qoʻchqorbekov.

2. Zich, tarang tortilish, bogʻlanish va shu kabilar tufayli tana yoki aʼzo ichiga botib jarohatlamoq; oʻyib kirmoq (ip, sim va shu kabilar haqida).

Qoʻlimni sim qiyib yubordi.

Paqirlar qoʻlimni qiyib yuboray dedi. — S. Siyoyev, Yorugʻlik

3. shv. Tandan judo qilmoq, olmoq, kesmoq, chopmoq, uzib tashlamoq.

Qarchigʻayman, dushman boshin qiyaman. — Alpomish

4. s. t. Aylanma yoʻlni qoʻyib, tikkasiga yurmoq.

Burilishlarda yoʻlni qiyib oʻtmoq.

Necha togʻning tumshugʻin Qiyib oʻtib boradi. — Ravshan

5. koʻchma s.t. Ustalik bilan bajarmoq, mohirlik bilan ado qilmoq, qoyil qilmoq, oʻrinlatmoq, doʻndirmoq, boplamoq.

[Mashrabjon] Xushovoz yigit-a. Ashulani rosa qiyadi-da. — Sh. Saʼdulla, Ikki bilaguzuk

Rosa ovozi bor ekan-da, yoʻlini ham qiyar ekan. — Oybek, Tanlangan asarlar

Obbo Joʻravoy-ye, ammo-lekin gapni qiyasiz. Yolgʻonni ham rostday qilib gapirasiz. — Uygʻun, Hurriyat

6. koʻchma kam qoʻll. Kamaytirmoq, qisman nobud qilmoq, yoʻq qilmoq.

Birovning rizqini qiymoq.

Saidiy bunga ishonmasa ham, Munisxonning shu harakati uning umridan katta qiydi. — A. Qahhor, Sarob

Qoʻy, echki yoki tuya qumalogʻidan iborat goʻng qatlami

Bir joyda xazina koʻrganman.. Uch-toʻrt yillik qoʻy qiyi bosilib yotibdi — Samar Nurov, Narvon

ot 1. iqt. Tovar narxi.

2. Pulning xarid qobiliyati; muayyan bozor narxlari darajasida pul birligi hisobiga sotib olish mumkin boʻlgan tovarlar va xizmatlar miqdori.

Binokorlik ishlarining qiymati ancha kamaytirildi.

3. iqt. Tovar ishlab chiqaruvchilarning tovarda gavdalangan va unda moddiylashgan ijtimoiy mehnati.

4. Savdo-sotiqda: narx, baho.

Mollarning qiymati.

5. koʻchma Kishi yoki narsaning turmushda tutgan oʻrni, ahamiyati, qadri.

Otabekning yozgan xatini oʻqib eshitish Kumush uchun katta qiymatga molik edi. — A. Qodiriy, Oʻtgan kunlar

6. mat. Oʻzgaruvchan miqdorning maʼlum sharoitdagi kattaligi.

Iksning qiymati.

7. Oʻlchov asboblari shkalasining har bir boʻlimi ifodalagan kattalik.

8. s. t. Qimmat.

Bu kishi: — Qiymat behikmat emas, arzon beillat emas, buning tagida bir illat bordir, sabr qilaylik, -deb lanjlik qildilar. — A. Qahhor, Qoʻshchinor chiroqlari

sft. Qiyma solingan.

Qiymali mastava. Qiymali somsa.

sft. 1. iqt. Biror qiymatga ega boʻlgan.

2. s.t. ayn. Qimmatli 1, 2.

Marhamat, marhamat, qiymatli mehmon, juda yaxshi keldingiz. — M.Joʻraboyev, M. B. martabasi.