Izohli lugʻat
· yana 5 ta lugʻatda
fl. Biror joyning qichishini yengillashtirish yoki bosish uchun narsa yoki tirnoq va shu kabilar bilan tirnamoq, qichimoq.
U [Qudrat] koʻzini qisib, ruchkaning dumi bilan peshonasini qashib, uzoq oʻyladi. — H. Nazir, Soʻnmas chaqmoqlar
Baqqol xaridor kutib, oppoq soqolini qashib oʻtiradi, koʻzlari oʻtgan-ketganda. — Sharq yulduzi
— Qiyin Ogʻayni, qiyin, — dedi iyagini qashib oshpaz soldat. — Z. Fatxullin, Soʻnmas yulduz
Ular [chumchuqlar] bir-birlarini quvishib oʻynashar patlarini, qanot taglarini qashib-qashib qoʻyar edilar. — M. Ismoiliy, Fargʻona tong otguncha
- Bosh qashishga (yoki qashigani) vaqt yoʻq Martenchilarning bosh qashigani vaqtlari yoʻq: ular koʻpdan kutilgan mashinalarni montaj qilishlari, ularni tezdan ishga solishlari kerak — N. Safarov, Saodatning qissasiMayli, ekkanlar ekib, tikkanlar tikaversin, boshimizni qashishga qoʻl tegmaydi-yu — Sh. Rashidov, Boʻrondan kuchli
- Boshini qashimoq Xijolatli, noqulay sharoitga tushganda yoki biror xayolga borganda, oʻy surganda, qoʻlni boshga yuborib, qashishga oʻxshash harakatlantirish holatini bildiradi. Mashrab xijolat chekib, boshini qashidi. — O. Yoqubov, Er boshiga ish tushsaGap shu yerga kelganda, Berdi Aminovichning nafaslari ichlariga tushib, koʻrsatkich barmoqlari bilan boshlarini qashib qoldilar. — MushtumBoshin qashib bir nafas, Botdi ogʻir xayolga. — Gʻayratiy