ot 1. Albatta amalga oshirish koʻzda tutilgan, jazm etilgan qatʼiy niyat; azm-qaror, ahd.
Uydan chiqishdanoq uning [ Otabekning] qasdi bu kunni dalada oʻtkazmoq edi. — A. Qodiriy, Oʻtgan kunlar
U Munisxondan uni sovitish qasdida edi. — A. Qahhor, Sarob
2. Haqorat, yomonlik uchun javob qaytarish (hisoblashish) niyati; adovat, oʻch, alam.
Qasd qilmoq. Birovga qasd qilma.
Sen jinni boʻldingmi? Yo menda boshqa bir qasding bormi? — Latifalar
Mening fashizmdan boʻlak hech kimda qasdim yoʻq. — Uygʻun.
Shermuhammadning esa xotin joʻnidan menda qasdi bor. — K. Yashin, Hamza
- Qasd qilmoq Biror niyatda boʻlmoq, maqsadni koʻzda tutmoq. Ertadan boshlab beparvoroq boʻlishga qasd qildim. — S. Siyoyev, YorugʻlikAgar Gʻulomsher qasd qilsa, har qanday ishning uddasidan chiqishiga hamma ishonar edi. — Oybek, Nur qidirib
- Joniga qasd qilmoq (yoki etmoq) Oʻldirish, yoʻq qilish uchun harakat qilmoq, suiqasd qilmoq. Botiralining joniga qasd qilgan kim boʻlsa ham, yurtning qargʻishiga qoldi. — H. Gʻulom Mashʼal.
- Joningda qasding bormi? Joningdan toʻydingmi? Jondan bezor boʻldingmi? Oʻlging keldimi? Joningda qasding bormi, buncha aroqning ketidan quvmasang. — Mushtum
- Qasdiga tushmoq Payiga tushmoq, oʻch olish, yoʻq qilish va shu kabilar uchun harakat qilmoq. Dushman tushar davlatlining qasdiga. — Oysuluv
- Qasdida boʻlmoq 1. Biror maqsadda, niyatda boʻlmoq; Uyingiz orqasini teshib, Kumush qasdida boʻluvchi ham shu battol Homid ekan. — A. Qodiriy, Oʻtgan kunlar