Қидирув

от 1. Мардлик, ботирлик довюраклик.

Жангчининг қаҳрамонлиги.

Қаҳрамонлик кўрсатмоқ.

Иш номардларча милтиқ урушидан, эски қаҳрамонлик достонларидагидек, мардларча қилич била) чопиш ханжар ва найза билан суқишга ўтди. — С. Айний, Қуллар

2. Қаҳрамонларга хос иш, ҳаракат, мардлик, жасорат намуналари.

Газета хабарлари, каналдаги бўлган қаҳрамонликлар, мардликлар Жумақул отанинг диққатини жалб қилди. — Ш. Сулаймон, Ота, ўғил.

от 1. Шижоати, довюраклиги, ботирлиги билан шуҳрат қозонган, жонбозлик, мардлик қилиб, ўзини кўрсатган шахс.

Ўлимдан қўрққан киши қаҳрамон бўлолмайди. — А. Қаҳҳор, Олтин юлдуз

Қўшиғимга илҳом берган қиз, Олам-олам ҳайдаб қўйди ер. Ким кўрса ҳам уни, шубҳасиз, Пахтазорнинг қаҳрамони дер. — Т. Тўла.

2. ад. Бадиий асарнинг бош иштирокчиси.

Роман қаҳрамони. Филм қаҳрамонлари

Ҳамма, биринчи навбатда, ҳикоямизнинг қаҳрамони Ёдгорни табриклар эди. — С. Айний Дохунда.

3. Умуман, бирор воқеа-ҳодиса ва шу кабиларнинг содир бўлишига сабаб бўлган ёки унда асосий рол ўйнаган шахс.

Юқорида Отабек томонидан олинган мактубнинг ҳақиқати мана шу ёʻсин хиёнатнинг натижаси эдики, биз энди хиёнат қаҳрамонлари била) ўқувчини таништирамиз. — А. Қодирий, Ўтган кунлар

4. Қаҳрамон (эркаклар исми).

Қаҳрамонларга хос равишда; қаҳрамонлик билан қаҳрамонларча.

Қаҳрамонона жанг қилмоқ. Қаҳрамонона кураш.

↑ heroisch, heldenhaft

Қаҳрамонларга хос равишда.