Qidiruv

sft. 1. Qadr-eʼtibori yoʻq, hech kim hurmat qilmaydigan, nazarga ilmaydigan.

Qadrsiz kishi. Qadrlasang, qadring oshar, qadrsizdan hamma qochar. — Maqol

2. Hech qanday qimmati, ahamiyati, qadri yoʻq, hech narsaga arzimaydigan.

Qadrsiz narsa.

Xotinlarning mehnati ayniqsa qadrsiz, suv tekin boʻlishini oʻshanda bildim. — Oybek, Tanlangan asarlar

ot 1. Jamiyatda, kishilar oʻrtasida tutgan oʻrin, oʻzga(lar) tomonidan boʻlgan hurmat, eʼtibor.

Oʻz qadrini bilmagan birovning kadrini bilmaydi. — Maqol

Daryo suvini bahor toshirar, Odam Kadrini mehnat oshirar. — Maqol

Oh, ona tuprogʻim, oʻsgan joylarim Koʻnglimda saqlanar hurmating, qadring. — Mirtemir

Kishining qadri amali va unvoni bilan emas, vataniga, xalqiga qilgan xizmati bilan oʻlchanadi. — Shuhrat, Shinelli yillar

Oftob oyim qizining qadrini bunchalik arshlargacha koʻtarmoqda boʻlgan yigitga oʻzida yoʻq cheksiz muhabbat, poyonsiz ehtirom sezmoqda. — A. Qodiriy, Oʻtgan kunlar

2. Hayotda tutgan oʻrin; ahamiyat, muhimlik holati.

Zar kadrini zargar bilar. — Maqol

Gazlamaning kadri juda oshib ketdi. Ertalabki narx kechga toʻgʻri kelmaydi. — Oybek, Tanlangan asarlar

U tomonlarda mevaning kadri baland deyishadi, rostmi? N. Safarov, Hayot maktabi. Biz hamma narsaning kadrini oʻzi yoʻqolgandan keyin bilamiz. — Oʻ. Hoshimov, Nur borki, soya bor

depreciation, loss of value, devaluation

fl. 1. Obroʻ-eʼtiborini, qadrini yoʻqotmoq, nazardan qolmoq.

Endi senga qadrsizlangan boʻlsalar, ammo bizning qoshimizda ularning qadr-u qimmatlari yuqori. — A. Qodiriy, Oʻtgan kunlar

2. Qiymatini, ahamiyatini yoʻqotmoq.

Pulning qadrsizlanishi. Valyutaning qadrsizlanishi.

fl. Qadrsizlanmoq feʼlining orttirma nisbati.

fl. Qadrsizlantirmoq feʼlining majhul nisbati.