Изоҳли луғат
· яна 6 та луғатда
от 1. Одам ёки жониворнинг уруғ ёки тухумида бўладиган, маълум шароитда ривожланиб, болага айланадиган, ўз ривожланишининг бошланғич босқичидаги аъзо; эмбрион.
Одамнинг пушти. Товуқнинг пушти.
2. Кимса ёки оиланинг ўзидан аввалги авлоди ёки кейинги авлоди, авлод-аждод; насл.
— Менинг эрим тўплаган мол-дунёси икки пуштга етади, — деди Кумуш. — Т. Жалолов, Олтин қафас
- Пушти камар 1. Оталик уруғи, сперма; Менинг пушти камарим бу, суюкли ўғлим, Нурийдийдам васли учун тангрига шукур. — А. Орипов, Йиллар армони
- Пушти куйиш Бирор касаллик натижасида бола кўрмайдиган бўлиб қолиш.
- Етти пушт Етти авлод ва аждод. Етти пуштим ўтмаган отда, Бу аслида эмас катта ғам. — Шарқ юлдузиБолангдан айланай, ундай қилманг. Сулаймоннинг қарғиши етти пуштимга етади, айланай. — А. Кўчимов, ҲалқаМирбадалбек, ҳушёр бўлинг, менинг қоним етти пуштингизга сачрайди! — П. Қодиров, Юлдузли тунлар
- Пушти паноҳ (тўғриси пушту паноҳ) Дўстим бор, душманим бор, маҳалла-кўй, гузарим бор, қариган чоғимда кенжагинамнинг хотини менга пушти паноҳ, қўл-оёқ бўлармикин, деган эдим. — Ғ. Ғулом, Танланган асарларСуянган тоғлари, пушти паноҳлари эшони Судурни бошлаб келишди. — Ш. Холмирзаев, Қил кўприк
- Пушти кўтармаслик Ёқтирмаслик, тоқат қилолмаслик. Ойиси этагидан тутган боладек юрадиганларни пуштим кўтармайди. — О. Мухтор, Аёллар мамлакати ва салтанати