Hayot Foundation loyihasi
Loyiha haqida
Oʻz
Oʻz

Qidiruv

«pesi» boʻyicha 78 ta natija

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Fransuzcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

76 ta
pes
Izohli lugʻat · yana 5 ta lugʻatda

ot 1. tib. Pigment yetishmasligi natijasida terida paydo boʻladigan oq dogʻ.

— Quymuchida tangadek pesi bor. — Pes emas. Yaraning oʻrni edi-ku. — A. Qahhor, Qoʻshchinor chiroqlari

2. Shunday kasali boʻlgan kishi.

[Mozordagi] Quduqning suvi faqat kasallarning, ayniqsa pes va koʻzi ogʻriganlarning shifolanishlariga va ziyoratchilarning tabarruk deb olib borishlariga sarf qilinar edi. — S. Ayniy, Esdaliklar.

3. soʻk. Yaramas, moxov.

Pes pesni qorongʻida topar. — Maqol

[Nor:] Paranjisi qursin, qaydanam shu pesni yopinib, suqmozorga bordim-u, oʻzimga dardisarni orttirdim-keldim. — Hamza, Paranji sirlari

[Yoʻlchi:] Gulnorni sevishimni bilardi-ya, pes chol. — Oybek, Tanlangan asarlar

Sovchi qoʻydim, bermadi. Otang qurgʻur pes ekan. — Folklor

Toʻliq maqola →
pesh
Izohli lugʻat · yana 3 ta lugʻatda

1. Baʼzi narsalarning oldinga qaragan tomoni, labi, cheti, qirgʻogʻi.

Ayvonning peshi.

— Ayajon, ayyomingiz muborak! — deb sovgʻa-salomni ayvonning peshiga qoʻydi-da, onasiga kiftini tutdi. — K. Yashin, Hamza

U qopidan ketmonini olib, peshini egovlay boshladi. — Sharq yulduzi

2. Kiyimning old etagi, bari.

Kamzulingning peshini bossam, gard boʻlar, Oshiqlik deganing qiyin dard boʻlar. — Qoʻshiqlar

Argʻunshoh tiz choʻkib, podshohning etaklarini yuziga surtmoqchi boʻlgandi, Shohrux uning qoʻlidan peshini tortib oldi. — B. Ahmedov, Ulugʻbek

Yenglari shimarilgan Komiljon, etagining peshini qayirib olgan Davronov eng oldinda borardi. — I. Rahim, Ixlos

  • Pesh keltirmoq Dalil qilib koʻrsatmoq, isbot sifatida foydalanmoq. — Agronom ilmi ham, yer haydasang — kuz hayda, kuz haydamasang — yuz hayda, deydi, — dedi xalq maqolini pesh keltirib Sotiboldi ota. — N. Safarov, Xadicha Ahrorova
  • Pesh qilmoq Maqtanib gapirmoq, dastak qilmoq, roʻkach qilmoq. Oʻz xizmatlarini pesh qilmoq.Xalqqa tuhmat qilmang. Siz mehnatkash xalqqa nima karomat koʻrsata qoldingizki, unga doʻstligingizni pesh qilasiz? — K. Yashin, HamzaKimdir pesh qilganda nayzaning kuchin, Alisher qalamni koʻrsatgan, xolos. — A. Oripov, Yurtim shamoli
Toʻliq maqola →

Hammasini koʻrish · 76 →

Taʼriflar ichida

1 ta
pes

pes tib. Pigment yetishmasligi natijasida terida paydo boʻladigan oq dogʻ. — Quymuchida tangadek pesi bor. — Pes emas. Yaraning oʻrni edi-ku. A. Qahhor, Qoʻshchinor chiro

Ertaklar

1 ta
Haq hukm
Xalq ogʻzaki ijodi

Ushbu ertakda bir kambagʻalning boshiga tushgan turli qiyinchiliklar va undan qutilish yoʻllari hikoya qilinadi. Qarzini toʻlay olmagan kambagʻal bir qator kuti