Qidiruv

ot 1. Saqlash, asrash, himoya qilish qobiliyati yoki qudratiga ega boʻlgan kimsa, narsa; himoya; homiy.

Issiqdan panoh topmoq.

Boshiga ogʻir kunlar kelganda, Xoʻjand ahli yana shu eski qalʼaga panoh izlab keldi. — M. Osim, Karvon yoʻllarida

Panoh boʻldi bizga bu oʻrmon, Koʻplar bizday asrar bunda jon. — X. Saloh, Izlar va hislar

2. koʻchma Himoya, homiylik.

Mulla Fazliddin Quvada turgan paytlarida Tohirga xam-savod oʻrgatgan edi. Endi jiyani panoh istab borsa, qanoti tagiga olishi mumkin. — P. Qodirov, Yulduzli tunlar

Zaynab qoldi bechora yakka, Kimsa kelmas unga koʻmakka, Pa bir panoh, na bir oshiyon, Na bir gʻamxoʻr, na bir mehribon. — H. Olimjon, Zaynab va Omon

Barcha ulugʻlarga yalindim, yolvordim, yigʻladim, siqtadim. Mana endi oxirida sizning panohingizga keldim. — J. Sharipov, Xorazm

3. koʻchma Himoyachi, yaqin kishi, doʻst.

Yigitlar maktubin bitganda qondan, Kelinlar firoqdan chekkanda yohu, Uning ham panohi qaytmadi jangdan. Oʻn toʻqqiz yoshida beva qoldi. — A. Oripov, Yillar armoni

Bahor, qatra yoshim aylagil qabul, Onam boshiga ham bordingmikan, ayt?! Uning oromgohi bundan olis joy, Olisda yotibdi mening panohim. — A. Oripov, Yillar armoni

ot Himoya, panoh boʻla oluvchi.

U odam Jahongirni panohkorday bilib qolgan edi. — Sharq yulduzi

a shelterless

ot Podshohlar, xonlar epiteti.

Oʻz ustozini bilmagan bu bepadar, olampanohning ham betlariga oyoq qoʻyishdan toymay, ustozining qiblagohi uchun muvofiq koʻrilgan qizini yoʻldan ozdirib, bu kun kechasi uni qochirib, mening hovlimga olib keldi. — A. Qodiriy, Mehrobdan chayon

— Olampanoh — Hofiz Koʻykiy shohga qimtinibgina murojaat qildi. — X. Sultonov, Bir oqshom ertagi

ot Baxt-u saodat ato etuvchi, saodatbaxsh; podshoh.

Lutf-u karamingiz nuridan koʻngullarimiz charogʻon oʻlib, lashg-u nahor duoi joningizni qilmoq ila xurram-u shodmiz, davlatpanoh! — S. Siyoyev, Yorugʻlik