Поиск

ot 1. Yovvoyi hayvon, baliq, qush va shu kabilarni turli yoʻllar bilan tutish, ovlash yoki otish.

Baliq ovi. Bedana ovi. Mergan ovda bilinar, botir — yovda. — Maqol

Rahimov kuyovni tez-tez Toshkentga chorlab turardi. Kuyov ov ishqibozi edi. Mirvali koʻp qiyinchiliklar bilan bu togʻlarga oʻrgatgan kiyiklarni u qiyratardi. — S. Ahmad, Jimjitlik

2. Ov qilinadigan, ovlanadigan jonivor; ilvasin.

Ovga boy choʻl. Shu kunlarda Oloy togʻida ov kom.

3. koʻchma Qoʻlga tushirilishi moʻljallangan kimsa yoki narsa.

Yumaloq, qoragina odam qoʻlidagi toʻpponchani mahkam ushlagani holda gandiraklab, soʻkinib ovini qidira boshladi. — Oybek, Tanlangan asarlar

4. Ovchining oʻljasi.

Arslon ogʻzidan ov olinmas. — Maqol

Suvonjon, tuzoqqa ilingan ovni chiqarib yuborishdan qoʻrqqan ovchidek, qizni mahkam quchoqlaganicha, yongʻoq tomonga keta boshladi. — S. Anorboyev, Oqsoy

5. koʻchma Sodir boʻlishi kutilayotgan biror voqea-hodisa haqida.

Xalq qimirlab qoldi. Odamlar qulogʻi ovda. Turli-tuman mish-mish gaplar. Odamlar aniq bir tasavvurga ega boʻlmagani uchun har kim oʻz holicha fol ochardi. — Yoshlik

ot 1. Gapirish, qichqirish, kuylash, sayrash paytida oʻpkadan chiqayotgan havoning urilishi bilan tovush paychalarining tebranishidan hosil boʻladigan tovush; sado, sas.

Baland ovoz. Past ovoz. Mayin ovoz. Musichalarning kukulashgan ovozi eshitilar edi.

Anvar Muqaddamning ovozini eshitib, burilib qaradi-yu, uning vahimadan katta-katta ochilib turgan koʻzlarini qorongʻilikda aniq koʻrdi. — Oʻ. Hoshimov, Qalbingga quloq sol

Bu yerda ming turli qushlar ming turli ovoz bilan sayrab, anvoyi gylJShp ochilib, atrini sochib yotgan ekan. — S. Zunnunova, Olov

2. Tovushning kuylashdagi past-balandlik, jarangdorlik darajasi.

Ovozi yaxshi ashulachi. Ovozi oʻtkir.

Sharofning qon bosimi kuchayib, yurak urishi avjiga yetgan payt direktor hamdardona ovozda dedi: — Tushunaman, hammamiz ham yoshlikda oʻt-olov boʻlganmiz, koʻzimizga fil ham chumolicha koʻringan. — Yoshlik

3. Vokal musiqa asarida har bir kuychi uchun belgilangan partiya.

Ikki ovoz uchun yozilgan romans.

4. Narsalarning urilishi yoki harakatidan chiqadigan tovush.

Qarsak ovozi. Toʻqmoq ovozi. Shamol ovozi. Momaqaldiroq ovozi. Soat ovozi. Dutor ovozi.

Yigirma ol-tinchi koʻpi tongotarda gumburlab chalina-yotgan karnay ovozidan uygʻonib ketdim. — X. Toʻxtaboyev, Shirin qovunlar mamlakati

Uzoqdan har zamon toʻp ovozi eshitilar edi. — A. Qahhor, Oltin yulduz

5. koʻchma Fikr, mulohaza.

Sharq yozuvchilarining ovozi.

— Sizga oʻxshash dallollarga hojat yoʻq. Siz xalq boʻronini toʻsmoqchimisiz? Ovozini boʻgʻmoqchimisiz? — Oybek, Tanlangan asarlar

6. Ichki his-tuygʻular nidosi, amri.

Gʻulomjon yuragida portlagan gʻazab uvvosiga emas, insof ovoziga quloq soldi. — M. Ismoiliy, Fargʻona tong otguncha

Lekin qamoq ham shoirning irodasini bukolmadi, ovozini soʻndirolmadi. — Saodat

7. Davlat va jamoatchilik tashkilotlarida saylov oʻtkazish yoki biror masalani hal qilishda saylovchilar yoki majlis ishtirokchilaridan har birining alohida fikri, oʻz fikrini bayon etish huquqi va usuli.

Hal qiluvchi ovoz. Maslahat ovozi.

Rais har ikkala taklifni oʻrtaga tashlaganda, Xolmatjon sakkiz ovoz ortiq oldi. — S. Ahmad, Ufq

ot Koʻchmanchi chorvadorlar oʻrnashgan joy; qishloq.

Hasan qaygʻichini Xivaning katta-kichigi, olis ovullardan keluvchilar ham taniydi. — S. Siyoyev, Yorugʻlik

Kolxozda ishlar tugagach, ovulda odamlar uch oy dam olishadi. — Yoshlik

ot Ov ishi bilan shugʻullanuvchi, ov qiluvchi kishi.

Miltiq koʻtargan bilan ovchi boʻlmas. — Maqol

Ovchi boʻlish uchun qizi-qishning oʻzi kifoya qilmaydi, nishonga toʻgʻri ura bilishi ham zarur. — Shukrullo, Saylanma

sft. 1. Ov qilinadigan qush va hayvonlar serob joy.

Tirikchiligini shikordan topadigan har bir ovchi shikor uchun ovloqqa yolgʻiz bir oʻq bilan chiqsin. — Fan va turmush

2. Markazdan uzoq, chet joy; kimsasiz yer.

Ovloqda yashamoq.

Toshkentning shunday biqinida yetti uxlab tushga kirmaydigan ajoyib ovloq joylar borligi hammani hayratga solar edi. — M. Mansurov, Yombi

Joʻralari bilan shu ovloq orolchada oʻtkazgan baxtiyor kunlari yodiga tushdi. — A. Koʻchimov, Halqa

3. Pastqam, xilvat joy, odamdan xoli joy; pastqamlik, xilvat.

Sevargul to onasi ovloq koʻchaning muyulishida koʻzdan pana boʻlguncha qarab turdi. — N. Qilichev, Chigʻiriq

Kimyoxon ikki-uch kun Azizaxonning yoʻlini poyladi, nihoyat, ovloqroq bir joyda uchrashdi ham. — N. Aminov, Qahqaha

Ularni odamlar nigohidan na quyuq bogʻlar, na tun zulmati, na biron ovloq goʻsha yashira oladi. — O. Muxtor, Buxorolik bir yigit

4. rvsh. shv. Kishilardan xoli; tanho.

Oyjamol ovloq oʻtirgan paytda qiziga gap tashlab koʻrdi. — Yodgor

ot 1. Biror joyda qoʻnim topmagan; darbadar, sargardon.

Kamsitilgan, xoʻr tutilgan bechoralar. Qadr-u qiymat, shon-sharafsiz ovoralar. — F. Gʻulom, Tanlangan asarlar

Kim biladi, sen singari, oʻgʻlim ham bu kun Qaylardadir kezib yurar ovora, sarson. — A. Oripov, Yillar armoni

2. Biror ish, harakat bilan band, mashgʻul.

Kurayev bilan Nusratilla yuk orttirib joʻnatish bilan ovora. — A. Muxtor, Opa-singillar

Baʼzilar koʻchat oʻtqazishga yordamlashar, baʼzilar oz-ozdan boʻlsa ham tuproq tashish bilan ovora. — S. Zunnunova, Olov