ovora

овора

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

ovora I

ot 1. Biror joyda qoʻnim topmagan; darbadar, sargardon.

Kamsitilgan, xoʻr tutilgan bechoralar. Qadr-u qiymat, shon-sharafsiz ovoralar. — F. Gʻulom, Tanlangan asarlar

Kim biladi, sen singari, oʻgʻlim ham bu kun Qaylardadir kezib yurar ovora, sarson. — A. Oripov, Yillar armoni

2. Biror ish, harakat bilan band, mashgʻul.

Kurayev bilan Nusratilla yuk orttirib joʻnatish bilan ovora. — A. Muxtor, Opa-singillar

Baʼzilar koʻchat oʻtqazishga yordamlashar, baʼzilar oz-ozdan boʻlsa ham tuproq tashish bilan ovora. — S. Zunnunova, Olov

Ikki jahon ovorasi Biror ishni na u yoqdi, na bu yoqdi qilolmay, ikki oʻrtada qiynalib qolgan, sarson boʻlgan, sarson-sargardon. Abdurahmonboy: — Oʻlik boʻlib goʻrda, tirik boʻlib sonda yoʻq, deb shuni aytar ekan, Mirzaqul ikki jahon ovorasi boʻlib qoldi. — N. Safarov, UygʻonishXolajon, siz ovora boʻlmay, bir oz oʻtiring, men siz bilan gapirishgani keldim. — S. Zunnunova, Olov
Ovora qilmoq 1. Kimsani biror ishga urintirib qiynab qoʻymoq; koyitmoq; Esonboyni umidvor qilib, uni ovora qilishning nima keragi bor edi? — Yoshlik

ovora II

ot 1. s. t. q. Ikkovara.

Toshkentlik Mirsoat zargarning toʻyiga kelgan kishilarga ikki ovoradan osh tortilib, non ulashtirilibdi. — M. Muhammadjonov, Turmush urinishlari

2. Kishilarni teng guruhlarga boʻlish, -tadan (ikkitadan, uchtadan).

Shirkat vakili yollanma ishchilarni ikki ovoradan qilib ajratdi. — S. Siyoyev, Yorugʻlik