Поиск

fl. 1. Oqarmoq feʼlining orttirma nisbati.

Uyni oqartirmoq.

Peshindan beri yogʻa-yotgan hoʻl qor tom boʻgʻotlarini, ariq boʻylarini oqartirdi. — H. Gʻulom, Mashʼal

Ogʻir mehnat va oiladagi baxtsizlik Mastura xolaning sochlarini bevaqt oqartirib, musichaday yuvosh qilib qoʻygan. — A. Koʻchimov, Halqa

2. maxs. Qalay yugurtirmoq, qalay yugurtirib, metall buyumlar sirtini qoplamoq.

Mis togʻorani oqartirmoq.

3. Turli ashyolarning oqlik darajasini kuchaytirish uchun baʼzi texnologik jarayonlarni amalga oshirmoq.

4. koʻchma Bilim-maʼrifat bermoq, ongini oshirmoq.

Qora ellarni oqartirmoqlik uchun Belni mahkam bogʻlab ishlov kun, bu kun. — Hamza

fl. 1. Oq tusga kirmoq, oq tus olmoq.

Qor yogʻib, yerlar oqarib qolibdi.

Biz mehnatda topdik baxtimiz, Mehnatda soch oqarsa, mayli! — Yo. Mirzo, Oʻgʻil mehri

Turgʻun: Yoʻq. Aksincha, oqaribsiz. Jindek ozib, yana ham chiroyli boʻlibsiz. — N. Safarov, Hayot maktabi

Chinni piyolasimon chanoqlar oqarib koʻzga tashlanadi. — S. Qodirov, Tong yulduzlari

2. Qonsizlanib yoki qoni qochib, qizillikni yoʻqotmoq, rangi oʻchmoq, boʻzarmoq.

Uning rangi oqarib ketdi.

Umri bir oqardi, bir qizardi-yu, meni quchoqlab yigʻladi. — A. Qahhor, Xotinlar

Sobirga qaragan edi, u bir oqardi-yu, engashib, portfelini titkilashga tushdi. — A. Koʻchimov, Halqa

3. Oʻngmoq, rangini yoʻqotmoq, aynimoq (koʻpincha, boʻyalgan narsalar haqida).

Ustidagi gimnastyorkasi yomgʻirda yuvilib, oftobda oʻngib, oqarib ketgan edi. — I. Rahim, Chin muhabbat

Dehqon nigohi jiddiy, oliyjanob, ustida chakmon, oyogʻida oqarib ketgan mahsi. — Fan va turmush

4. Yorugʻ boʻlmoq, yorishmoq.

Kechasi soat toʻrtdanoq sharq tomon oqara boshladi. Hademay tun oqaradi.

Adir tomondan ufq, xuddi parda orqasidan chiroq yoqqandek, oqarib kelyapti. — S. Ahmad, Hukm

Mashhar tongi asta-sekin oqarib kelar, Koʻz oldimda sodir boʻldi Ulugʻ Qiyomat. — A. Oripov, Yillar armoni

ot Paykal egatlariga yoki umuman paykalga shohariqdan suv olib taratish uchun xizmat qiladigan muvaqqat ariq.

Bir ozdan keyin suv taralgan kartaning oʻqarigʻi boshiga kelib toʻxtadi. — Gazetadan

Oʻqariq yoqalarida keta-ketguncha tut daraxtlari. Paykallardagi har bir egat ipga chizib qoʻyganday tekis. — S. Nurov, Narvon

Nasim bugʻdoypoyada oʻqariq qazishdan erta qaytdi. — T. Murod Qoʻshiq

альбинизм

просвещение, просветительный