Поиск

sft. Yaxshi kesmaydigan, dami qaytgan, oʻtmaydigan.

Oʻtmas pichoq qoʻl kesar. — Maqol

Uning [Sotvoldining] yuzi qattiq, serqirra toshlarga uzoq vaqt ishqalangan yoki qandaydir oʻtmas tesha bilan yoʻnilganga oʻxshardi. — P. Tursun, Oʻqituvchi

1. maxs.esk.ayn.ayn. Yakka tuyoqlilarga mansub oʻtxoʻr, sutemizuvchi yirik ish-ulov hayvoni. Ot zavodi - ot naslini yaxshilash va nasldor, yuqori sifatli otlarni koʻpaytirish bilan shugʻullanuvchi maxsus xoʻjalik, korxona. Ot kuchi - 75 kg/m sekundga yoki 0,736 kvtga teng quvvat. Ot sporti - otda yurish, mashq qilish musobaqalarining umumiy nomi. Ot oʻyin - 1) sirk. 2) karusel

Oq

Qashqa

Yoʻrgʻa

Ot abzali

Otga taqa qoqmoq

Otga minmoq

Yaxshi otga bir qamchi, yomon otga ming qamchi — Maqol

Sidiqjon egarga yaxshiroq oʻrnashib, otning jilovini silkidi — Abdulla Qahhor, Qoʻshchinor chiroqlari

Uzoqdan ot yeldirib keluvchi otliqni koʻrgan Sodiq koʻchaning oʻrtasida toʻxtadi — Abdulla Qodiriy, Oʻtgan kunlar

80 ot kuchiga ega boʻlgan traktor

Olimpiada oʻyinlari dasturiga ot sportining bir necha turlari kiritilgan

-Shu, teatr degani nima, ot oʻyinimi? — Abdishukurdan soʻradi choyfurush Sadriddin boyvachcha — Oybek, Tanlangan asarlar

2. Otning boshiga oʻxshatib yasalgan shaxmat donasi, asp

Otni yurmoq. Ot bshgan shoh bermoq

3. q.ayn.q. Muchal yil hisobida yettinchi yil nomi. Ot yili - muchal yil hisobida yettinchi yil ( muchal). Ot mindirmoq - ot sovgʻa qilmoq, ot bilan mukofotlamoq. Ot solmoq - ot qoʻymoq 2. Ot qoʻymoq - 1) otning jilovini boʻsh qoʻyib yeldirmoq; 2) mingan otini biror kimsa tomon yoʻnaltirib hujum qilmoq. Otday boʻlib ketmoq - sogʻaymoq, kasallikni unutib yubormoq. Otdan tushsa ham, egardan tushmaydi - ilgarigi mavqei yoki martabasidan tushgandan keyin ham takabburligini tashlamagan kishi haqida. Otni qamchilamoq - qamchilamoq

Uning yili

Eshitganlar shoirga rahmat aytib, biri tun kiydirib, biri ot mindiribdi — Shukrullo, Saylanma

Bugun biz kanal qazish muddatini tezlatishga tashabbuskor boʻlgan ikki dongdor quruvchiga ot mindirmoqchimiz — Said Ahmad, Ufq

Kecha-kunduz togʻma-togʻ dushmanga qarshi ot qoʻyib, ypyui ochamiz — M. Muhamedov, Mashq

Ota, tashvish tortmang, sal oʻtmay otday boʻlib ketasiz — "Sharq yulduzi"

fl. 1. Koʻlni siltab yoki qulochkashlab, qoʻlidagi narsani uzoqqa yoki moʻljalga irgʻitmoq, uloqtirmoq.

Tosh otmoq. Granat otmoq. Koʻpga kesak otma. — Matal

Yormat pichoqni sugʻurib olib, uzoqqa otdi. — Oybek, Tanlangan asarlar

2. Tashlamoq, irgʻitib yubormoq.

Tantiboyvachcha koʻrpachaga bemalol oʻtirib, doʻppisini bir chekkaga otdi. — Oybek, Tanlangan asarlar

3. Shiddat bilan biror tomonga, joyga tashlamoq yoki tashlanmoq, otilmoq.

Gulnor hushsizlangan kabi, boshini onaning tizzasiga otdi. — Oybek, Tanlangan asarlar

Bolakay, yastanib yotgan poyonsiz lolazordan yugurib kelib, oʻzini uning quchogʻiga otdi. — Sharq yulduzi

4. Koʻtarib yerga urmoq, yiqitmoq (kurashda).

U [Siddiqjon] hozir kurashda raqibini yonboshga olib otgan. — A. Qahhor, Qoʻsh-chinor chiroqlari

Qoʻtosni otmadi, zoʻr bilan uni maydonning chetiga — qattiq yerga sudradi. — A. Qahhor, Sarob

5. s. t. Chekmoq; tortmoq.

Chori ota barmoqlari titrab, nos otdi. — S. Nurov, Narvon

Shu vaqtda kimdir, burnaki otgandek, qayta-qayta apshurdi. — Oybek, Navoiy

6. Tortmoq, ichmoq (ichimlik haqida).

Esonboy chorpoyaga chiqib, u bilan yonma-yon oʻtirganda, chol jinday otib olganini sezdi. — Yoshlik

7. koʻchma kam qoʻll. Uloqtirib tashlamoq, tark etmoq, yigʻishtirmoq.

Qoʻlingdan kelgancha chiqar yaxshi ot, Yaxshilik qil, bolam, yomonlikni ot! — Ergash Jumanbulbul oʻgʻli

8. koʻchma Chiqarmoq, yozmoq, yoymoq (asosan oʻsimlik haqida).

Chechak otmoq. Palak otmoq. Kurtak otmoq.

Hademay karnay-gullar, juda hafsala bilan chiroyli qilib tortilgan iplarga chirmashib, katta-katta yaproqlar otdi. — A. Qahhor, Qoʻshchinor chiroqlari

Zilol suvli sharshara yonida ikki bahaybat chinor, Bobur zamonidan guvohlik berib, shox otib turibdi. — H. Hasanov, Ekvatordan oʻtganda

9. Biror qurol vositasida oʻq, tosh, snaryad va shu kabilar uzmoq.

Sopqon otmoq. Kamalak otmoq. Minomyot(dan) otmoq. Otgan oʻq qaytmas. — Maqol

Yotib qolguncha, otib qol. — Maqol

Tanklarimiz dushmanning oldingi okoplaridan oʻtib, tankka qarshi otadigan batareyani toʻpga tuta boshladi. — A. Qahhor, Oltin yulduz

10. Otish quroli vositasida urib shikastlamoq yoki oʻldirmoq.

Oʻrdak otmoq. Quyon otmoq.

[Yoʻlchi] Tishini qisirlatib dedi: — Toʻpning ogʻziga qoʻyib, otib yuboringlar meni, qonxoʻrlar! — Oybek, Tanlangan asarlar

Baʼzan qiziqsinib, biz ham kaptar otib koʻrmoqchi boʻlardik. — Shukrullo, Saylanma

11. Kuch bilan itarib, itqitib chiqarmoq; uchirib yubormoq.

Shisha probkasini otib yubordi. Vulqon yuz tonnalab olovlangan togʻ jinslarini havoga otdi.

Suv dam oqizib ketadi, dam chetga otadi. — S. Ahmad, Ufq

12. koʻchma Qoʻymoq, tashlamoq.

Shior otmoq. Masalani oʻrtaga otmok-

Dastlab bu gapni dadangiz oʻzlari oʻrtaga otdilar. — Oybek, Tanlangan asarlar

13. Uchmoq, sirgʻanmoq.

Yaxmalak otmoq. Konki otmoq Mening yoshligimda birga oshiq oʻynab, yaxmalak otib oʻsgan bir ogʻaynim bor. — Shukrullo, Saylanma

1. blunt

2. unmarketable

3. dull, stupid (zehn)

ot Oʻtmas boʻlish holati.

fl. ayn. Oʻtmaslashmoq.