Поиск

sft. 1. Xijolatga soladigan; xijolatli, noqulay.

Har ikkisi ham bir-birining avzoyini koʻrib, oʻngʻaysiz holatda qoldilar. — Oydin, Oʻzidan koʻrsin

Oraga oʻngʻaysiz jimlik choʻkdi. — S. Mahkamov, Shogird

Elmurod bu oʻngʻaysiz savolga dagʻalroq qilib javob berdi. — P. Tursun, Oʻqituvchi

2. s. t. kam qoʻll. Bir ish-harakat uchun yaxshi imkon bermaydigan; noqulay.

Jarning narigi tomoni bir tepadan iborat boʻlib bu tepa, qoʻrgʻonsiz ham, dushmanning hujumiga oʻngʻaysiz edi. — A. Qodiriy, Oʻtgan kunlar

sft. 1. Biror jihatdan mos keladigan, foydalanish uchun qulay, bop, yaxshi.

Yayov yurish uchun bu yoʻl juda oʻngʻay.

U sersoqol, tund rus jangchisi yaqinida oʻziga oʻngʻay oʻrin tanlab, pisib yotdi. — Oybek, Quyosh qoraymas

Keyin [Nuri] bir necha kun oʻylab, Yoʻlchi bilan maxfiy uchrashuvga qaror qildi. Bu orzu kundan-kunga kuchaysa ham, oʻngʻay fursatni kutdi. — Oybek, Tanlangan asarlar

2. Oson bajariladigan; oson, yengil.

Begonaning qoniga qoʻl urib, yarasiga malham boʻlish, uning azob chekayotgan yuz-koʻziga qarash oʻngʻay ishmi! — Shuhrat, Shinelli yillar

Kishining dilini bilish oʻngʻay emas man gʻaribga yoʻl koʻrsating [dedi Yormat] — Oybek, Tanlangan asarlar

[ Navoiy:] Yodgorning poytaxtga tez va oʻngʻay kirganligi gʻoyat taajjub. — Uygʻun va I. Sulton, Alisher Navoiy

ot Oʻngʻaysiz holat, noqulay ahvol.

Anvarning Raʼnoga aytmoqchi boʻlgan soʻzi, ehtimol, uning oʻziga ham oʻngʻaysizlik berar edi. — A. Qodiriy, Mehrobdan chayon

— Uylarida kimlar bor ekan? — dedi Saodatxon oʻrtadagi oʻngʻaysizlikni koʻtarish uchun. — S. Zunnunova, Yangi direktor

fl. Oʻngʻaysiz holga tushmoq, xijolat tortmoq.

Avaz otasiga tik gapirganidan endi bir oz oʻngʻaysizlandi. — P. Qodirov, Qora koʻzlar

Asqar ota shuncha xotinning ichida yakka oʻzi boʻlganligidan nechukdir oʻngʻaysizlanar va har qaysiga alohida-alohida yaxshimisiz, der va duo qilar edi. — A. Qahhor, Xotinlar

fl. Oʻngʻaysizlanmoq feʼlining orttirma nisbati.

ot 1. Oʻngʻay, qulay sharoit.

Ishga oʻngʻaylik tugʻdirmoq.

Men uni bir oyga qolmay rasvosini chiqaraman. Uning yengil tabiatli boʻlishi mening ishimga ancha oʻngʻaylik beradi. — H. Shams, Dushman

2. Osonlik, yengillik.

[Sokina:] Men buni oʻngʻaylik bilan boqib oʻstirayotganim yoʻq. — I. Ahmedov, O. Tolipov, Kim aybdor?