Поиск

sft. 1. Nur, yogʻdu beradigan; yogʻduli.

Nurli quyosh. Nurli energiya (fizika).

2. koʻchma Yorugʻ, ravshan, porloq.

Dadang urushda gʻolib boʻlib, omon-eson qaytsin. Bu nurli kunlarni koʻrib yayrasin. — Oydin, Hikoyalar

ot 1. Yorugʻlik manbaidan taralgan va ingichka tola koʻrinishida tasavvur etiladigan ziyo, yogʻdu.

Quyosh nuri. Oy xira nur sochmoqda.

2. fiz. Musbat yoki manfiy zarralar, elektromagnit tebranishlar oqimi.

Rentgen nurlari. Katod nurlari.

3. Umuman, yorugʻlik, ziyo; yorugʻlik energiyasi.

Elektr nuri.

Baliq tirik suv bilan, Giyoh yashar nur bilan, Dengiz ravshan dur bilan, Inson erkin u bilan. — Q. Muhammadiy

4. koʻchma Haqiqat, baxt-saodat, erkinlik, maʼrifat ramzi.

Bilim nuri.

Koʻcha jangi boshlangandi. Zulmat bilan nur toʻqnashgan, hayot-mamot urushi bormoqda. — Sh. Toshmatov, Erk qushi

5. Nur (erkaklar ismi).

sft. 1. Nur bermaydigan yoki yoritilmagan; xira.

Hamidjon oyning nursiz yorugʻi tushib turgan derazadan koʻchaga qaradi. — Oʻ. Umarbekov, Choʻlda bir kun

2. koʻchma Qoni qochgan, rangpar; xira (yuz, koʻz haqida).

— Kunimiz qursin, Jumagul. Sen ham halak, men ham, — derdi chol nursiz koʻzlaridan oqqan yoshni artib. — J. Sharipov, Xorazm

Uning [afgʻon choyfurushning] azaldan kulga oʻxshash nursiz yuzi battar qorayib ketganday koʻrindi. — A. Muxtor, Opa singillar

3. koʻchma Badiiy jihatdan boʻsh, qizigʻi yoʻq, mazmunsiz.

Nursiz asar.

4. koʻchma Roʻshnolikdan yiroq, ogʻir.

Tiyrak Hamidning nursiz hayotini bezagan birdan-bir narsa onasi Komila opaning soʻzlagan ertaklari boʻldi. — Oʻzbek adabiyoti

fl. 1. Eskirib yemirilmoq, buzilmoq.

Boʻtaboy bahor yomgʻirida nuragan oʻchoqni yaxshilab suvadi. — S. Ahmad, Hukm

Kelgan kishi, ovoz chiqmagandan keyin, eshik yonidagi nurab qolgan devor ustidan moʻralay boshlaydi. — T. Obidov, Yusufjon qiziq

2. Tabiiy kuch (shamol, zilzila, atmosfera yogʻinlari va shu kabilar) taʼsirida yemirilmoq, oʻzgarmoq.

3. koʻchma Ichdan zil ketmoq, yemirilmoq.

Maʼrifat va bilimga mushtoq, bu yigit, nurab ketgan eski dunyodan koʻrgan jafolarini xotirlab, oʻtmishga laʼnatlar aytar edi. — N. Safarov, Sulton boʻzchining nevaralari

sft. 1. Yuzidan nur yogʻilib turadigan, fayzli (keksalar haqida).

Salim ota nuroniy, xushchaqchaq kishi edi. — Gazetadan

2. Keksa, oqsoqol; veteran.

Markaz binosida nuroniylar kengashi, nogironlar jamiyati joylashgan. — Gazetadan

fl. Yemirmoq, buzmoq, yoʻq qilmoq.

Yillar — asrlarni quvib oʻtadi. Tomirsiz ishlarni yuvib oʻtadi. Ammo yuvolmaydi, nuratolmaydi, Biz qoʻygan gʻishtlarni qulatolmaydi. — Gʻ. Gʻulom