Qidiruv

ot 1. Tannoz ayollarga xos serish va harakat, qiliq; ishva, karashma.

Noz qilmoq.

Soʻz bilan, noz bilan, hangoma bilan yigitlarning koʻkragiga oʻt soladi qirgʻiz qizlari. — Oybek, Tanlangan asarlar

Dilbar qizning qiligʻi, nozi yaxshi, Soʻzning ozi, mashshoqning sozi yaxshi! — Yo. Mirzo

2. Oʻz qadrini oshirish uchun qilinadigan nooʻrin talab, ortiqcha erkalik; tarang qilish.

Qizi borning nozi bor. — Maqol

Kasali nima, ozib ketibdi kelinchak onamiz?— Mugʻambirlik, erkalik, noz! — Oybek, Tanlangan asarlar

[Nuri] Yoʻlchini yodlarkan, uning yuragida endi gʻazab qoʻzgʻalar edi Kim u? Nega muncha noz qiladi, kekkayadi? — Oybek, Tanlangan asarlar

3. Nozik; jizzaki.

Boshim toz, koʻnglim noz. — Uygʻun

4. koʻchma Mayinlik.

Gumarda noz, Yellarda noz, Kel, chamanda qil parvoz! — T. Toʻla, Oromijon

sft. 1. Yuksak mahorat va sanʼat bilan juda bejirim qilib ishlangan; nafis, latif.

Iskandarov havas va taajjub bilan binolarga, boy jihozlarga, ayniqsa, nozik sanʼat buyumlariga, eshik va derazalarga nazar tashlab qoʻyardi. — Oybek, Nur qidirib

2. Ingichka; yupqa, harir.

Nozik ip.

Dutorning nozik torlaridan chiqqan Navo kuyi oʻz nolasiga tushunguvchi Otabekdek yigitlarga juda muhtoj edi. — A. Qodiriy, Oʻtgan kunlar

3. Yupqa, harir.

U gunafsha gulli nozik batis koʻylak kiyib, choyshabni tomogʻigacha tortib, jurnal oʻqib yotardi. — Oydin, Hikoyalar

4. Bejirim, latif; xipcha.

Momiq paxtalar uning nozik barmoqlariga oʻzi ilashib chiqar, chanoqlar hayratdan ogʻiz ochib, silkinib qolardi. — Oʻ. Hoshimov, Qalbingga quloq sol

Iigit mahbubasining nozik qoʻllaridan tutib, oʻziga tortardi. — S. Anorboyev, Oqsoy

Murzin uning parishon sochlarini, nozik boʻyniga yopishgan mayin, jonsizgina soch tolalarini tomosha qilardi. — Shuhrat, Shinelli yillar

5. Zaif, nimjon.

Nozik maysa.

Ukamni durustroq joyga oʻrnashtiring, oʻzi nimjon, nozikroq bola., shamollab-netib qolmasin. — P. Tursun, Oʻqituvchi

Nozik, rang-barang parvonalar, kapalaklar lampa atrofida aylanar edilar. — Oybek, Tanlangan asarlar

6. Muloyim, mayin va yoqimli, nazokatli.

Nozik tabassum.

Dilxiroj

oʻzining mayda qadami, nozik harakatlari bilan davraga kirib keldi. — M. Ismoiliy, Fargʻona tong otguncha

Xalq koʻnglini ovlagan, Ulfatda doim. Ovozi jonga yoqar, Nozik, muloyim. — Q. Muhammadiy

U kuyning sehriga berilib, intizor koʻzlarini nozik yumdi, boshini quyi soldi. — Shuhrat, Shinelli yillar

7. Salga sinadigan, uziladigan, yirtiladigan; boʻsh, moʻrt.

Nozik buyum. ya Olimovning qoʻlidagi yuklar hammanikidan ogʻirroq, nozikroq edi. — H. Nazir, Soʻnmas chaqmoqlar

8. koʻchma Oʻziga xos qiyinchiliklari boʻlgan, alohida mahorat, malaka, bilim talab etadigan.

Gʻoʻza sugʻorish — nozik ish. — Oybek, Oltin vodiydan shabadalar.

9. koʻchma Oʻz ishini mayda ikir-chikirlarigacha yaxshi biladigan; usta.

Sekretarning otasi nozik gulchi edi. — Oybek, Oltin vodiydan shabadalar

10. koʻchma Alohida ehtiyotkorlik talab etadigan; qaltis.

Nozik masala. Nozik payt. Nozik ahvol.

Asrora oʻylab qarasa, koʻngil ishi nozik narsa ekan. — S. Ahmad, Ufq

— Keyingi paytda zamon nozik boʻlib qoldi, — afsus bilan bosh chayqardi Oʻsar buxgalter. — A. Koʻchimov, Halqa

Boʻlmasa, selpo raisligiday nozik lavozimda oʻn-oʻn besh yil muqim ishlash osonmi?!Oʻ. — Hoshimov, Qalbingga quloq sol

11. koʻchma Alohida eʼtibor, mulozamat, takalluf talab etadigan, izzattalab.

Nozik mehmon.

— Xoʻjayin band, oldilarida nozik odam bor. Majlis qilishyapti, — dedi sekretar. — S. Abduqahhor, Sanamay sakkiz dema

12. koʻchma Qichiqli; injiq.

Boboqulning koʻzlaridagi nozik kinoya uning izzat-nafsiga xanjardek qadaldi. — Oybek, Navoiy

13. Nozik (xotin-qizlar ismi).

ot 1. Nazorat qilib turuvchi; nazoratchi, qarovchi, mudir.

Qiroatxonaning bir noziri boʻlib, gazetxon, kitobxon oʻquvchilardan yigirma tiyindan haq olib turardi. — M. Muhammadjonov, Turmush urinishlari

2. Bajarilayotgan ish-harakatning toʻgʻriligini, mavjud qonun, qaror va nizomlarga rioya qilib amalga oshirilishini nazorat qiluvchi mansabdor shaxs, inspektor.

Soliq idorasi noziri.

3. esk. Vazir, ministr.

Valixon mergan parini Buxoroga eltishni, oliy hazratlarining oʻzlariga sovgʻa qilishni, evaziga tezroq nozir yoki qushbegi boʻlishni xayolidan oʻtkazdi. — Sh. Toshmatov, Erk qushi

sft. 1. Ishvali, serishva; tannoz.

Yulduzxonning nozli koʻzlaridagi sirli maʼno Muhiddinni maftun etdi. — R. Fayziy, Choʻlga bahor keldi

— Voy, siz eplayolmasangiz, kim eplay olardi? — juvon Xoʻjabekovning koʻzlariga nozli boqdi-da, yerga qarab oldi. — S. Anorboyev, Oqsoy

2. Ortiqcha erkalik talab qiluvchi, nozi bor.

n [C] poynak, suv/gaz quvurining joʻmragi

ot ayn. Noz-karashma.