Qidiruv

ot 1. Oʻzini tanitmaslik yoki himoya qilish uchun yuzga tutiladigan, kiyiladigan narsa; maska.

Karnaval niqobi.

Ungur qaziyotgan boyoqishlarning yuzlari chaqmoqdan yara, gʻurra boʻlib ketibdi, shuni tutib olib ishlashsin, deb qildim, — dedi Qudrat, temir niqobni chollarga uzatib. — M. Ismoiliy, Fargʻona tong otguncha.

Ey mohtob, ochgil niqob, Karnavalda yangrar soz. — T. Toʻla

2. Maxsus tikilgan jild, qoplama.

Uch derazali katta kabinet, baland suyanchiqli stullarga, yumshoq kreslolarga oq niqob yopilgan. — P. Qodirov, Uch yulduz

3. koʻchma Haqiqatni, haqiqiy hol, qiyofa va shu kabilarni pardalovchi, yashiruvchi narsa, vosita.

Niqobini olmoq.

Ha, uzoq yillar mobaynida [Erkinning otasi] bolshevik niqobida yurgan. — T. Malik, Iblis devori

[Mutavalli] Yuzidagi gʻazab va norozilik alomatlarini joʻrttaga yoʻqotib, yasama shodlik niqobini kiyib olibdi. — S. Ayniy, Esdaliklar

Bu hol [Homidning] sirini ochar, yuzidagi niqobini olishga, raqiblar ila yuzma-yuz kelishga majbur etar edi. — A. Qodiriy, Oʻtgan kunlar

Internet manzilidan nimtarmoqni manzillashtirish maqsadida bitlarni ajratib olish uchun qoʻllaniladigan bitlar niqobi. Niqob hajmi 32 bit boʻlib, u Internet manzilining tarmoq qismini va manzilning lokal qismining bir yoki bir necha bitini ajratib oladi. Baʼzan nimtarmoq niqobi deyiladi.inglizchaaddress maskruschaадресная маска

IP-manzilida tarmoq va bogʻlama tuzilmasini saqlovchi TCP/IP parametri.inglizchasubnetwork maskruschaмаска подсети

sft. Niqobi bor, niqob kiygan, niqoblangan.

ot ayn. Niqobli.

sft. Niqob kiymagan, yuzi ochiq.