«maʼyuslik» boʻyicha 14 ta natija
ot Maʼyus holat, maʼyus koʻrinish.
Otabek Zaynabning yuzidagi maʼyuslikni birinchi koʻrishdayoq sezdi. — A. Qodiriy, Oʻtgan kunlar
Mukarram negadir xafa, allaqanday narsa koʻzlariga maʼyuslik, yuzlariga soʻlgʻinlik koʻlankasini solardi. — S. Karomatov, Matonat.
sft. 1. kt. Noumid, tushkun holatli; tushkun.
[Otabek:] Bu yerda soʻzimni eshituvchi birov ham boʻlmadi, boʻlsalar ham, sening arzingni shu xonlar ijro qiladimi? deb, meni maʼyus qildilar. — A. Qodiriy, Oʻtgan kunlar
Qiz umid bilan koʻtargan boshchasini yana yostiqqa qoʻydi. Non ilinjida chaqnagan yirik koʻzlari maʼyus yumildi. — M. Ismoiliy, Fargʻona tong otguncha.
2. Ezilgan, gʻamgin holatli; xomush.
Uning maʼyus chehrasiga qarab turib, Javlon badtar ezilib ketdi. — L. Tojiyeva, Mehrim sizga, odamlar
Katta-kichik, yosh-qari erkak-ayollar oqimi koʻngildan yigʻlar, ularning koʻz yoshlarini maʼyus egilgan boshlari ifoda qilar edi. — P. Tursun, Oʻqituvchi
Oʻylarimda tolgan oʻychan tol Maʼyusgina egmish boshini. — H. Abdunazar, Anjir guli
Qishloq chollari murdalar qoshiga asta qadam tashlab kelishdi-da, tiz choʻkib, maʼyus holda ancha sukut qilishdi. — T. Rustamov, Mangu jasorat
Maʼyus boʻlib, maʼyuslik bilan, gʻamgin.
Bir oz jim qoldilar Oftob oyim entikib ogʻir nafas oldi va maʼyusona Kumushga qaradi. — A. Qodiriy, Oʻtgan kunlar.
fl. Maʼyus boʻlmoq, maʼyuslikka tushmoq.
— Kechqurun dalada olisdan oʻt koʻrsam, ovulim esimga tushadi, — maʼyuslanib dedi Oʻroz. — Oybek, Tanlangan asarlar
Baʼzi ota-onalar kasal bolani vrachga koʻrsatib davolash oʻrniga koyib, oʻsal qiladilar va bola battarroq maʼyuslanadi. — Fan va turmush
fl. Maʼyuslanmoq feʼlining orttirma nisbati.
fl. Maʼyuslantirmoq feʼlining majhul nisbati.
maʼyusona Maʼyus boʻlib, maʼyuslik bilan, gʻamgin. Bir oz jim qoldilar Oftob oyim entikib ogʻir nafas oldi va maʼyusona Kumushga qaradi. A. Qodiriy, Oʻtgan kunlar.
mung kt. Hazinlik, maʼyuslik. Anvar oʻz tengi bolalar bilan oz aloqa qilar, ularga kam aralashar va ortiqcha oʻynab-kulmas, hamisha uning koʻzida bir mung yotar edi. A. Q
ziqlik Tigʻizlik, tanglik, cheklanganlik (payt, vaqt haqida). Boyvachcha danakday nonni ogʻziga tashlab, vaqt ziqligini bildirmoqchi boʻldi. Oybek, Tanlangan asarlar Noch
ruhsizlan Ruhiy tushkunlik kayfiyatiga berilib umidsizlanmoq, dadillikni qoʻldan bermoq. — Shuncha odamning mislsiz qiynoqlarda jon berganini koʻrgan jangchilar, magʻlubi
sen 1 Oʻzidan kichiklarga yoki yaqin kishilarga murojaat tarzida yoki ularning nomi oʻrnida ishlatiladigan soʻz. Sen menga mana bu xatni oʻqib ber. Sen — Pushkinning sevg
ayb Rasm-qoidaga yoki odob-axloq meʼyorlariga xilof ish, xatti-harakat; gunoh. Oʻz aybiga iqror boʻlmoq. Aybini boʻyniga qoʻymoq. Aybini yashirgan oʻngmas. Maqol U Oyqizn
