сфт. 1. Талаб ёки харидор ёʻқлиги туфайли савдо-сотиқ, касб-ҳунар ва шу кабиларнинг тўхтаб қолиш, юришмаслик, товарнинг ўтмаслик ҳолати.
Нима қилиб зерикиб ўтирибсиз, савдо касодми? — Ойбек, Болалик
Касб-кори касод бўлган уста Замоннинг тирикчилиги яна оғирлашиб қолди. — Ш. Тошматов, Эрк қуши
Йигитали, магазинда КООП [кооператив] уни кўпайиб кетгач, тегирмони касод бўлиб, уйда ўтириб қолган отаси ҳозир пенсиядалигини эшитган эди. — Д. Нурий, Осмон устуни
Бандайи, ёраб, Муқимийдек бўлиб хор-у касод, Суд-у савдодин қолиб, бозоридин айрилмасин. — Муқумий.
2. шв. Касофат, зарар.
Уйқунинг касоди кўпдир кишига, Бувишим, ғафлатдан кўтар бошингни! — Равшан
- Бозор касод Бозорда молларнинг ёки баъзи молларнинг сотилмаётганлик ҳолатини, ўтмаётган (кетмаётган)лигини билдиради. Бозор касод, мол-туёқнинг нархи пастлаб кетган. — Ш. Тошматов, Эрк қушиБозорлар касод бўлиб, ҳеч ким узангини ўз нархига ҳам сўрамай қўйди. — М. Муҳаммаджонов, Турмуш уринишлари
- Касод мол Сотилмай (ўтмай) ётган мол. Шу ойда [Рамазон ойида] барча дўкондорлар то саҳаргача савдо-сотиқ қилар касод молларини кечалари пуллар эди. — М. Муҳаммаджонов, Турмуш уринишлари