Қидирув

фл. Сув ёки бошқа суюқликни эмиб, шимиб ҳўл бўлмоқ, нам тортиб юмшамоқ; бўкмоқ.

Сувда ивиган нон. Кийимларим ёмғирда ивиб кетди.

Султон товоқдаги қаймоқни шимиб, ивиб қолган нон бурдаларини лунжига тўлдириб чайнай бошлади. — Ҳ. Ғулом, Машъал

Сафаров, папирос найчасининг ивиган жойини тиши билан узиб, пуфлаб ташлади-да, ўйчан жавоб берди. — А. Қаҳҳор, Қўшчинор чироқлари

от Ўз-ўзидан ивиб қолган нарса (асосан сут ҳақида).

от Ивитиб тайёрланган.

от с. т. Қатиқ ивитиш учун сутга солинадиган озгина қатиқ; томизғи, оқлиқ.

Сутга ивитқи солмоқ.

сфт. 1. Супуриб-сидирилмаган, йиғиштирилмаган, бетартиб ҳолдаги.

Ивирсиқ уй.

Шипи паст, деворлари юпқа, торгина дўконхона ҳар вақтдагидай ивирсиқ. — Ойбек, Танланган асарлар

2. Саранжом-саришта бўлмаган, уй-рўзғорни бетартиб тутадиган; пала-партиш.

Ивирсиқ хотин.

а stagnant