от 1. Келгуси замон, келгусидаги ҳолат, ҳаёт; келажак.
На ҳозирги ҳолати, на истиқболи унга ҳеч нарса ваъда қилмас эди. — А. Қаҳҳор, Сароб
Анвар истиқболда қанчалик мушкулот ва хатар кўрмасин, бу жасоратни хуш қабул қилишга мажбур, чунки муҳаббатдан ҳам илгари йигитлик тақозоси шу эди. — А. Қодирий, Меҳробдан чаён
2. Келгусига оид, келажак билан боғлиқ нарса, иш ва шу кабилар
Якун ва истиқболлар. — Газетадан
Ўзаро манфаатли иқтисодий ҳамкорлик учун чинакам истиқболлар ҳам белгилаб олинди. — Газетадан
Бундан мақсад бу конларнинг қачон очилгани, қанча муддат фойдаланилгани ва, ниҳоят, уларнинг истиқболини аниқ белгилаш устида илмий иш олиб бориш эди. — С. Кароматов, Олтин қум
3. Қарши олиш, қаршилаш (ва унинг белгиси, ифодаси).
Йигитали қадамини тезлатди-ю, негадир қиз истиқболига ошиқмади. — Д. Нурий, Осмон устуни
Чўлбобо истиқболига аёллар ўринларидан турдилар, унга тўрдан жой кўрсатдилар. — Ҳ. Ғулом, Феруза
Умид узоқдан Ҳафиза келаётганини кўриб, истиқболига юра бошлади. — Мирмуҳсин, Умид
Икки солдат билан истиқболига чиқди. — С. Аҳмад, Уфқ