работы
Қидирув
«ишлари» бўйича 810 та натижа
Филтр
Луғат тури
Тилдан
Луғат мақолалари
474 та
Изоҳли луғат
· яна 7 та луғатда
от 1. 1 Инсон фаолияти билан боғлиқ, унинг меҳнати билан амалга ошадиган, бажариладиган нарса.
Далада иш кўп. Бор-ёʻғи бир кунлик иш қолди. Ишлайман деганга иш топилади. Хайрли иш. Машаққатли иш.
Ишлай десам — иш бўлмаса, деҳқончилик қилай десам — ер бўлмаса. — М. Исмоилий, Фарғона тонг отгунча
Ёʻлчи ишга разм солиб, қайдан бошлаш кераклигини ўйлади. — Ойбек,Танланган асарлар
— Ҳай Адол, қиз болаларни фронтга олмас эмиш. — Қизларни ҳам олаверса, даладаги иш кимга қолади. — И. Раҳим, Чин муҳаббат
2. Ишнинг ижроси, иш устидаги фаолият, меҳнат.
Ишдан қолдирмоқ. Ишга киришмоқ. Иш иштаҳа очар, дангаса ишдан қочар. — Мақол
Қари келса — ошга, ёш келса — ишга. — Мақол
Улар меъморга кўзлари тушиши билан, бир дақиқа ишни тўхтатиб, бош ирғаб салом беришди. — Мирмуҳсин,Меъмор
Устахона дарвозасидан киришимиз биланоқ сехларда иш қайнаётганлигининг гувоҳи бўламиз. — Газетадан
Қурбон ота ҳеч кимнинг эсига келмаган бир яхши ишни бошладилар. — А. Қаҳҳор, Қўшчинор чироқлари
3. Иш-фаолиятнинг маҳсули, ундан юзага келган (яратилган) нарса.
Рассомнинг кўргазмага қўйган ишлари. У яратган ишлар мутахассислар томонидан юқори баҳоланди.
Ёʻлчининг бажарган ишига кўз югуртириб, ўзича ўйлади: Девкор йигит экан. — Ойбек,Танланган асарлар
Бу ишинг бирор олимнинг қўлига тушиб қолса борми, диссертация ёқларди. — Т. Ашуров, Оқ от
4. Маълум ҳақ, эваз ҳисобига қилинадиган иш-фаолият, меҳнат.
Бечора иш қидириб, боши оққан томонга борар экан. — Ойбек,Нур қидириб
Тошкентда иш топсам, балки қоларман. — Ойбек,Танланган асарлар
5. Хизмат вазифаси; лавозим.
Ишга кирмоқ. Шу ишда ишлаб келяпти.
Сизни бўшатишадими, ёʻқми — сизни бу ишга ким тайинлаган бўлса, ўшандан сўранг. — Й. Ёқубов, Эр бошига иш тушса
Бу гап корхонага овоза бўлиб, Жонфиғонни ўша замониёқ ишдан ҳайдашибди. — А. Қаҳҳор, Қаноциз читтак
Дадамни илгари катта-катта ишларда ишлаган дейишади. — Э. Раимов, Ажаб қишлоқ
6. с. т. Бўш иш ўрни.
Кўп жойга учрадим, лекин иш ёʻқ деган жавоб олдим.
7. Меҳнат-фаолиятнинг муайян соҳаси, тури; касб.
Ҳаётда шундай одамлар бўладики, улар бутун умрларини фақат бир ишга, бирон касбга бағишлаган бўладилар. — Х. Ёдгоров, Ҳаёт тўлқинлари
Худо кўнглингизга солиб, шу ишни [сартарошликни] ихтиёр қилибсиз — кам бўлмайсиз. — Э. Раимов, Ажаб қишлоқ
8. Бурч.
Озодаликка доимий эътиборда бўлиш — барчанинг иши.
[Элликбоши:] Маҳалладаги йигитларнинг бари манга маълум. Билиш менинг ишим-да. — Ойбек, Танланган асарлар
9. Ҳал этилиши лозим бўлган нарса; масала, муаммо.
Ишнинг енгил кўчишига севинган она Отабекнинг бу шартига лом демасдан кўнди. — А. Қодирий, Ўтган кунлар
Ясовулбоши хон иккаласигина тушунадиган тилда ишни пишириб қўйган эди, шунинг учунми, муртини силаб кулди. — С. Сиёев, Ёруғлик
айниқса, кундалик иши қийин, коса косага тегганда, ғиди-биди гаплар кўпайса ўғлингга ҳам татимай қоладир. — А. Қодирий, Ўтган кунлар
10. Ўзгага, ўзга манфаатига қарашли юмуш; ҳожат.
Кел, қўзим, нима ишинг бор? — Ойбек,Танланган асарлар
Юрт ишига ярамаган бола қай ишга ярайди? — С. Аҳмад, Уфқ
11. Хос иш, хатти-ҳаракат.
Олдига қўйганни емак — ҳайвоннинг иши, оғзига келганни демак — нодоннинг иши. Ваъдага вафо — марднинг иши.
Аваз, йигитнинг иши таваккал, деб чап томонга бурилди. — С. Сиёев, Ёруғлик
12. Воқеа, ҳодиса.
Ўз уйида ўтирган қиз бир кечада ғойиб бўлсин, тавба! Жуда хунук иш, Олимхон ака? — Ойбек,Танланган асарлар
Низомжон унинг авзойидан жуда хунук иш бўлганини фаҳмлади-да, ёнига ўтирди. — С. Аҳмад, Уфқ
Бошинг соғ бўлса, ҳали Тошкентда кўп ажойиб ишларни кўрасан, йигитча! — Ойбек,Танланган асарлар
13. Аҳвол, ҳолат.
Ҳозир иш бошқа: Ёʻлчи қамоқда. — Ойбек,Танланган асарлар
Хўш, Содиқ полвон, ишлар қанақа, Тошкентда нима гаплар бор? — А. Қодирий, Ўтган кунлар
Ҳар ерда деҳқоннинг иши чатоқ. Ери бўлса, улови ёʻқ, улови бўлса, ери ёʻқ, кўпида иккиси ҳам ёʻқ. — Ойбек,Танланган асарлар
14. Гап-сўз, гап-сўз бўлган нарса(лар).
Нега десанг, мазмунидан ҳам кўриниб турибдики, бу иккинчи уйланишга Отабек бутунлай қарши бўлиб, фақат бу гап қудаларнинггина ишларидир. — А. Қодирий, Ўтган кунлар
15. ҳуқ. Суд ёки маъмурий органларда кўриладиган нарса, жараён.
Фотима устидан жиноий иш қўзғатилди. — Т. Ашуров, Оқ от
Шу телефон сабаб бўлдими бир-икки кундан кейин ишим бошқа терговчига ўтиб, тезлашиб кетди. — О. Ёқубов, Излайман
Ер тўғрисида бир чатоқ одам билан судлашиб юрган эди, суд ишни бунинг зарарига ҳукм қилганмикан, деб ўйлади. — Ойбек,Танланган асарлар
- Бошига иш тушмоқ Кимса учун нохуш, ташвишли ҳол юз бермоқ. Бошимга иш тушди. Фарзандим Низомиддин қатл этилди. Мирмуҳсин, — Меъмор
- Бўлар иш бўлди Юз берган иш-ҳодиса оқибатини тузатиб, ўнглаб бўлмаслигини қайд этади. Нимани гаплашаман! Бўлар иш бўлган-ку! Мен унинг юзига қаролмайман энди. — К. Яшин, Ҳамза
- Дунёнинг иш(лар)и Кишига боғлиқ бўлмаган, киши ихтиёридан ташқари иш(лар). Дунёнинг ишлари шунақа тескари экан, боши-охири ёʻқ.
- Иш бермоқ 1. Асқатмоқ, кунга (эҳтиёжга) ярамоқ. Уни машиналар билан ковлаб бўлмайди, фақат кетмон, белкуракларгина иш бериши мумкин. — Ж. Абдуллахонов, ТўфонАммо тоққа чиқишда Бобурнинг ўсмирлиги жуда иш берди. — П. Қодиров, Юлдузли тунларЁрматгами ё бошқа бир собиқ қаролга узоқ иш бериб ийиғи чиққан, пешонаси қийшиқ этикни кийди. Ойбек, — Танланган асарлар
- Иш битмайди Мақсадга эришиб бўлмайди, натижа чиқмайди. Ҳа, колхозга киргандан кейин унча-мунча ваъз айтишни ҳам билиш керак бўлади, бусиз иш битмайди. — А. Қаҳҳор, Қўшчинор чироқлариУрушнинг оти ўчсин, уруш бўлмасин, дейиш билан иш битмайди. — Газетадан
- Иш катта Бирор иш-нарсанинг ҳажм, даража ва бошқалар эътибори билан меъёридан ортиқ, зўр ҳолатини қайд этади. Ишлар катта-ку, уста! Дўконларни ҳам қуриб юборибсиз! — А. Қодирий, Ўтган кунларЭҳҳе, иш катта-ку. Омад тилайман — Ойбек,Танланган асарлар
- Ишкўрган Ҳаёт, иш (амал) тажрибаси катта, кўпни кўрган, кўп воқеа-ҳодисалар, қийинчиликларни бошидан кечирган. Қўшин ичида энг иш кўрган, қилич чопган баҳодирларни саралаб, қоровул тузиб, буни Шайх Темурга, Зуннун Арғунбекка топширди. Ойбек, — НавоийМирзо саройидан бизга етиб келган маълумотлар шуни кўрсатадики, фарғоналиклар биздан кам, иш кўрган сарбозлари оз, кишилари қўрқувда. — Мирмуҳсин,Меъмор
- Иш кўрмоқ 1. Муайян ёʻл билан иш олиб бормоқ; иш тутмоқ. Унинг ёр-дўстлари беҳисоб, ўйлаб иш кўриш лозим, ҳазратим. — К. Яшин, ҲамзаМухбирликда ҳам ошначилик, қўшничилик билан иш кўриладими? — ГулдастаМан шу ердан қочиришда сир очилиб қоладими, деб жуда қўрққан эдим. Лекин жуда қулай фурсатда иш кўрдик. — Ойбек,Танланган асарлар
- Иш кўрсатмоқ 1. Намунали, қойил қоладиган иш қилмоқ. учала хатимга ҳам Сени мудофаа қилишда айрим иш кўрсатганим учун орден олдим, деб жавоб қайтардилар. — А. Қаҳҳор, Олтин юлдузДучор келганини кўкка отарман, Иш кўрсатиб, ёрим олиб кетарман. — АлпомишКеча тўйда кайфи ошиб, роса иш кўрсатибди. Иш ташламоқ Оммавий суратда ишни тўхтатмоқ.Бундан уч йил бурун Симхоев заводидаги ерлик ишчилар иш ташладилар. — М. Исмоилий, Фарғона тонг отгунча
- Иш тутмоқ Маълум ёʻл-ёʻриқ, шарт-шароит ва шу кабилар билан ҳисоблашган ҳолда иш олиб бормоқ, иш юритмоқ. Азизим, сиз отдан тушсангиз ҳам, эгардан тушмайсиз. Орқа-олдига қараб иш тутмоқ керак. — Ж. Шарипов, ХоразмСизга жон керак бўлса, шундоқ иш тутасиз, розимисиз? — К. Яшин, ҲамзаИнсоф юзасидан иш тутинг, бойвачча ака. — К. Яшин, Ҳамза
- Иш чиқармоқ 1. Бирор натижага эришмоқ, бирор иш қила олмоқ. Бу боришдан бирор иш чиқара олдими, ёʻқми — бу тўғрида биз келаси фаслларнинг бирида ўрганармиз. — А. Қодирий, Ўтган кунларБеш марта қарши атака қилиб, ҳеч иш чиқара олмагандан кейин қутурган, энди қуршовда қолиб, жон талвасасига тушган душман — А. Қаҳҳор, Олтин юлдузШеригингга эҳтиёт бўл, ёнидан жилма. Яна бирон иш чиқариб ўтирмасин.
- Иш юритмоқ (ёки юргизмоқ) Эл, юрт улуғлари! Худо ёʻлига кўзингизни очинг! ҳақиқатга қараб иш юритинглар! — К. Яшин, Ҳамза— Ҳовлиқма, зимдан иш юргиз! — секингина сўзлаб ҳовлида қолди — Қоратой. Ойбек, Танланган асарлар
- Ишга солмоқ 1. Ишга жалб қилмоқ; ишлатмоқ. Ўрмонжон акам шуни ҳам ишга солдилар, одам қилдилар. — А. Қаҳҳор, Қўшчинор чироқлариАммо Асрора [Дилдорани] ноз-фироқларига қарамай, турткилаб-турткилаб ишга соларди. — С. Аҳмад, УфқЭлчи ҳозир ўз подшоҳининг топшириғини бажариш учун бутун айёрлигини ишга солар, тилёғламалик қилиб, Тўмарисни кўкларга кўтарар эди. — М. Осим, Аждодларимиз қиссасиЧол бутун қуввайи нутқини ишга солиб, яна ялинди. — Ойбек,Танланган асарлар
- Ишдан чиқмоқ 1. Иш-меҳнат қобилиятини ёʻқотмоқ. Раҳматли эрим мардикор эди касалга чалиниб, эртароқ ишдан чиқиб қолди. — Ойбек,Танланган асарларНекқадам қариган, ишдан чиққан эди. — С. Айний, ҚулларТо адирнинг этагига етгунча, Турғунойнинг кавуши ишдан чиқди, адирга маҳсичан чиқишга тўғри келди. — А. Қаҳҳор, МастонЛекин у ўйлаганча бўлмади, икки киши занг босиб кетган ишдан чиққан бешотарни олиб келиб берди. — Ж. Шарипов, Хоразм
- Ишдан қолмоқ 2. Чалғиш ва бошқа сабаб билан ишни мўлжалдагича қила олмаслик. Мариянинг бахтига қарши, амаки сил касаллигига учраб, ишдан қолди. — Ойбек, Танланган асарлар;Тан билан бўлиб, анча ишидан қолди.
- Ишдан қўймоқ (ёки қолдирмоқ) Бажариб турган иш-вазифасидан вақтинча чалғитмоқ, уни бажаришга халақит бермоқ. Ёʻлчи Шоқосимни ишдан қўймаслик учун, икки-уч минутда воқеани сўзлаб берди. — Ойбек,Танланган асарлар
- Иши бўлмаслик Аралашмаслик, эътибор бермаслик. — Сенинг ишинг бўлмасин, — деб ғазаб билан жавоб берди амакиси. — П. Турсун, Ўқитувчимеҳмонлар кимлар ва нима учун келганликлари билан иши бўлмай сўзлаб кетди. — А. Қаҳҳор, Асарлар
- Иши ёʻқ Эътибор бермайди. Унинг атрофидагилар билан иши ёʻқ, ўз иши билан машғул.Хоннинг ўлик-тирик билан иши ёʻқ эмиш. Жони ҳалак, дейдилар. — С. Сиёев, Ёруғлик
- Иши нима Сизларни кўролмас экан. Бўлмаса, буларнинг иши нима? — П. Турсун, Ўқитувчи
- Иши тушмоқ Кимсага бирор илтимос, ҳожат билан мурожаат қилмоқ. Бир жойдаги одаммиз, яна бир-биримизга ишимиз тушади, отахон! Ойбек, — Танланган асарларАнварга иши тушиб, унинг шафқатини кўрган Сафар бўзчи кабилар бу хабардан жуда ҳам хурсанд. — А. Қодирий, Меҳробдан чаён
- Ишнинг белига тепмоқ Ишнинг бажарилишига, меъёрида бўлишига халал бермоқ (тўсқин бўлмоқ). Ҳеч нарса топилмагач, уйини тинтиш учун ҳовлига киришган эди, бурчакда тинимсиз вакиллаб турган ит ишнинг белига тепди. — МуштумҚочиб қаерга ҳам борарди Шунчаки ишнинг белига тепганига ачинасан киши. — С. Анорбоев, Оқсой
- Ишнинг кўзини билмоқ Ишнинг бажарилиш, битиш ёʻл-ёʻриғини яхши билмоқ. Қайнатам ишнинг кўзини биладиган одам. Хизматкорлари бари яхши ишлайди. Ойбек, — Танланган асарларИшчан, жуда-жуда ишчан одам. Ишнинг кўзини билади бутун ҳисоб-китоб ишларини шу эплаб турипти. — А. Қаҳҳор, Қўшчинор чироқлари
- Кўнгил иши Киши ички дунёсига, кўнгли-дилига боғлиқ иш(лар). Асрора ўйлаб қараса, кўнгил иши нозик нарса экан. — С. Аҳмад, Уфқ
- Нима иши бор Дахлдор эмаслик, алоқа, муносабати ёʻқликни қайд этади. Қаердадир қамишзорда бир номаълум девонани ит ғажиб кетган бўлса, бунда кимнинг нима иши бор? — А. Мухтор, Қорақалпоқ қиссасиСенинг кўнглинг, сенинг умидинг билан кимнинг нима иши бор! — П. Турсун, Ўқитувчи.— Менинг нима ишим бор. —Албатта, ишинг бўлмасин. — А. Қодирий, Ўтган кунлар
- Оллонинг (ёки худонинг, тақдирнинг, фалакнинг) иши Умуман, инсон (бандаси)га хос бўлмаган иш. Чирқилланг, тоғнинг қушлари, Бу иш оллонинг ишлари. — Юсуф ва АҳмадБу ишлар фалакнинг иши — Юсуф ва АҳмадҲаммаси ҳам тақдирнинг иши, амаки, бу ерда сиз билан менинг ҳеч бир ихтиёримиз ёʻқ. — А. Қодирий, Ўтган кунлар
- Ўз ишини қилмоқ (ёки кўрсатмоқ) Муайян омил, сабаб билан боғлиқ юз берадиган иш, нарса-ҳодиса рўй бермоқ, амалга ошмоқ, рўёбга чиқмоқ. орадан ўтган ўн йил ўз ишини қилган — эшон анчайин кексайган, ҳатто юз териси ҳам олачипор бўлиб кетган эди. — П. Турсун, ЎқитувчиУнинг ҳам, бунинг ҳам айрилгиси келмас эди. Лекин вақт ўз ишини қилди — ойни ғарб уфқидан тортиб кириб кетди. Демак, тонг отди. — М. Исмоилий, Фарғона тонг отгунчаИтнинг инстинкт ва рефлекслари ўз ишини кўрсатган эди. — О. Мўминов, Хиёбондаги уч учрашув
- Ўтган ишга салавот Ўтган иш ўтди, бўлар иш бўлди (бўлиб ўтган иш ҳақидаги гапни тўхтатиш, унга қайтмасликни қайд этади). Хўш, ўтган ишга салавот. Қалай, экинларимиз дурустми? — Ойбек,Танланган асарлар
- Қўлидан иш келмоқ Муайян иш(лар)ни ўзича уддаламоқ, қила олмоқ. Дуруст, сен самолёт ясолмайсан, кетмон чополмайсан лекин қиламан десанг, қўлингдан иш келади. — А. Қаҳҳор, Асрор бобо
Изоҳли луғат
· яна 6 та луғатда
фл. 1. Иш билан машғул бўлмоқ; меҳнат қилмоқ.
Далада ишлаяпти. Боғда ишлаяпти.
Шунақа, эшон, деҳқон қишин-ёзин ишлайди-ю, кузга бориб илиги қурийди. — М. Исмоилий, Фарғона тонг отгунча.
Миянгизни толиқтирадиган даражада қаттиқ ишламанг. — С. Сиёев, Ёруғлик
Меъмор учун бу ерда ишлаётганлар ичида Зулфиқор-у Заврак, Ғаввос Муҳаммаддан яқинроқ одам ёʻқ эди. — Мирмуҳсин, Меъмор
2. Бирор лавозимда фаолият кўрсатмоқ, хизмат қилмоқ.
Директор бўлиб ишламоқ. Университетда ишламоқ.
Ҳозир Питнакдаги боғчада тарбиячи бўлиб ишлаётир. — С. Сиёев, Ёруғлик
Ҳаётда хотин-қизларнинг энг биринчи фазилати, майли, у қандай лавозимда ишламасин, уй тутишни билиши, оналик бурчини ўтай олишидадир. — Газетадан
3. Ишлов бермоқ.
Терини ишламоқ.
4. Ижод этмоқ; яратмоқ.
Расм ишламоқ. Филм яхши ишланибди. Ҳайкал ишламоқ.
Бош соврин тавсия этилди — турнир ғолиби тошкентлик усталар ишлаган катта чинни вазани олади. — Газетадан
5. Ҳаракатда бўлмоқ, юрмоқ, юриб турмоқ; амал қилмоқ.
Тегирмон ишлаяпти. Станок ишлаяпти.
У, дала шийпонига етиб келганда, телефон ишлаётгани тўғрисида хабар қилди. — Ш. Рашидов, Бўрондан кучли
6. Хизмат қилмоқ, фаолият кўрсатмоқ.
Музейлар ҳар куни ишлайди. Душанба кунлари касса ишламайди.
Институтда мароқли учрашувлар клуби ишлаб турипти. — Газетадан
Ҳозир шаҳарда кўплаб кулолчилик ва наққошлик устахоналари ишлаб турипти. — Газетадан
7. физиол. Ўз вазифасини нормал бажармоқ.
Чап қўлим ишламайди.
-Бектемирдан кўнглим тўқ, — деди Али тажанг, —
калласи ишлайди. — Ойбек, Қуёш қораймас
8. с.т. Меҳнат қилиб топмоқ.
Пул ишламоқ. Бугун юз сўм ишладим.
Ўтган йил бир юз ўн саккиз меҳнат куни ишладим. — А. Қаҳҳор, Қўшчинор чироқлари
- Ишлаб чиқариш Муайян ижтимоий муносабатлар шароитида киши меҳнати туфайли жамиятнинг яшаши ва тараққий этиши учун зарур бўлган моддий бойликлар яратиш. Рационализаторлар томонидан яратилган янгиликлар ишлаб чиқаришда кенг қўлланмоқда. — Газетадан
- Ишлаб чиқармоқ Маҳсулот тайёрламоқ. Стендларга талабалар ўйлаб топган, ясаган, ижод қилган ва ишлаб чиқарган турли буюмлар тартиби билан қўйилган. — ГазетаданХива шаҳар бадиий совға буюмлар фабрикаси ишлаб чиқараётган маҳсулотларни халқ амалий санъатининг нодир намуналари деса бўлади. — Газетадан
- Ишлаб чиқмоқ Тайёрламоқ, яратмоқ. Пахта териш машинасининг янги моделини ишлаб чиқдик.Кейинги ярим йил давомида қўйилган вазифаларни ҳаётга татбиқ этиш билан боғлиқ чора-тадбирлар ишлаб чиқилди. — Газетадан
- Ўз устида ишламоқ Ўз савияси, малакасини ошириш ёʻлида меҳнат қилмоқ, ишламоқ. Каллали бола экан, мана, ўз устида ишлаб, кўтарилиб кетди. — Қайта ишлаш Қайта, бир неча марта ишловдан ўтказишБир грамм соф радий олиш учун бир неча тонна уран рудасини қайта ишлашга тўғри келади. — Фан ва турмуш.
фавқулодда вазиятлар зонасида одамларнинг ҳаётини асраб қолиш ва соғлиғини сақлаш, юридик ҳамда жисмоний шахсларнинг мол-мулкини, атроф табиий муҳитни муҳофаза қилиш, фавқулодда вазиятларни бартараф этиш ва уларга хос бўлган хавфли омиллар таъсирини ёʻқотиш ёки имкон қадар камайтиришга қаратилган ҳаракатлар.
сув остидаги авария-қутқарув, монтаж ва бошқа ишларни ҳамда уларнинг моддий, илмий-техник ва тиббий таъминотини қамраб олувчи ишлаб чиқариш фаолияти соҳаси.
гражданские судебные делаcivil judicial case, civil court case
Таърифлар ичида
228 таё'л ишлари
Қурилиш-монтаж ишлари
унинг ишлари юришмади.
унинг ишлари юришиб кетди.
хўжалик ишлари бўйича маслаҳатлар.
1) тупроқ қо'рг'он 2) ер қазиш ишлари
Эртаклар
91 та
Халқ оғзаки ижоди
Абдуазиз бой отасидан қолган мол-мулкни совуриб, қирқта жўрасидан ёрдам сўрайди, аммо улар ёрдам бермайди. Кейинчалик у карвон билан сафарга чиқиб, қудуқд
Халқ оғзаки ижоди
Бу эртак ўгай она зулмига учраган ақлли боланинг саргузаштлари ҳақида. У ўзининг зукколиги билан қийин вазиятлардан чиқиб, бахтли ҳаёт кечиришга мувафф
Халқ оғзаки ижоди
Бир чол ва кампир ўзларининг ягона ўғлини уйлантиришга қарор қилишади. Келин уйга келганидан сўнг, у ҳеч қандай уй ишига қўл урмайди ва чол-кампир у
Халқ оғзаки ижоди
Бу эртакда шаҳзода ўз севгилисининг "аттанг"ни топиб келиш шартини бажариш учун саргузаштларга дуч келади. У тушида кўрган чолнинг армонини рўёбга
Халқ оғзаки ижоди
Бу эртакда подшоҳнинг ўғил фарзанд кўриш истаги ва бу истакнинг амалга ошиши учун қилинган ҳийла-найранглар тасвирланади. Шунингдек, оддий деҳқоннинг о
Халқ оғзаки ижоди
Бектемир ботир ҳақидаги ушбу эртакда қаҳрамоннинг жасорати, садоқати ва севги ёʻлидаги курашлари тасвирланган. Эртакда йигитнинг қийинчиликларга қарамай, ў
Шева материаллари
17 та
Фарғона вилояти · Чорси эгов
юзи япалоқ, аммо то'ртқиррали, тишлари бир-бирини кесишган (катак) эгов
Андижон вилояти · майда тишли арра
тароқнинг майда тишларини арралаш учун ясалган арра
Андижон вилояти · чўпса эгов
Тишлари ўйиб-ўйиб ясалган эгов тури
Фарғона вилояти · тишаш
арра қилинадиган тунука бо'лакнинг қирг'ог'ини эговлаб тишлар чиқариш; арра тишларини о'ткир қилиш
Андижон вилояти · чўпса
Тишлари ўйиб-ўйиб ясалган эгов тури; пичоқ қинининг ёғочини қириб ишлайдиган асбоб
Фарғона вилояти · чорқирра болг'а
"чорси болг'а" ма'носида. Тунукасозликда — тунукадан ясалаётган идишларга сим босиш ва қайириш, қулоқ қадаш, қалин нарсаларнинг қулпагини (замогини) боси