Изоҳли луғат
· яна 5 та луғатда
сфт. 1. Гулдураган овоз ҳақида.
Алижон учинчи рота томонга бурилган ҳам эди, қарағайлар тепасидаги қоронғи осмонда моторлар гулдуроси янгради. — Ҳ. Ғулом, Тошкентликлар
Тепада гулдурос кўтарилиб, гўё тоғ кўчди-ю, уйдай-уйдай тошлар бир-бирига урилиб кетди. — Ҳ. Назир, Сўнмас чақмоқлар
2. кўчма Кучли; давомли.
Гулдурос қарсаклар зални титратиб юборди. — Ў. Ҳошимов, Қалбингга қулоқ сол
Яна гулдурос қарсаклар янгради. — К. Яшин, Ҳамза