fl. 1. Chuqur boʻlmoq, chuqur tortmoq.
[Qariyaning] Siyrak qoshlari bir-ikki past-baland boʻldi, peshonasidagi tolim-tolim ajinlari chuqurlashdi. — Yoshlik
2. koʻchma Kengaymoq, teranlashmoq.
Muhabbati chuqurlashdi. Bilimi ancha chuqurlashdi.
“Mashrab“, Mushtum kulgi majmualarimiz hajviyada uncha chuqurlasholmaydilar. — A. Qodiriy, Kichik asarlar
3. koʻchma Jiddiylashmoq, zoʻraymoq.
Muammo chuqurlashdi.
Marhumning shaxsi aniqlanib, maʼlumotlar birin-ketin koʻpaygan sari, masala yanada chuqurlashib, kalavaning uchi koʻrinay demasdi. — Yoshlik