«choʻzma» boʻyicha 43 ta natija
ot Xamirni yupqa yoyib, yuziga piyoz, baʼzan qiyma solib, yogʻda pishiriladigan tansiq ovqat, yupqa.
Choʻzma qilmoq.
Bir ohangaronlikning toʻyiga kelgan non, qatlama, choʻzmaning oʻziga toʻqqizta sandiq toʻlibdi. — M. Alaviya, Toʻylarimiz haqida
fl. 1. Tortib uzaytirmoq, uzaytmoq.
Rezinkani choʻzmoq. Xamirni choʻzmoq.
[Jayrona:] Polufabrikat magazinidan muzlatilgan chuchvara, guvalacha qilib tayyorlangan kotlet, yogʻli xamir, choʻzib qoʻyilgan lagʻmonlarni opkelib, pishirib yurgan odamman. — S. Ahmad, Jimjitlik
2. Urib, pachaqlab, chigʻirdan oʻtkazib yoki boshqa biror yoʻl bilan uzaytirmoq, yoymoq.
Simni bolgʻalab choʻzmoq.
Qoratoy qizil choʻgʻ boʻlgan temir parchasini bolgʻa bilan gurs-gurs urar, yassilar, choʻzar, qayirar edi. — Oybek, Tanlangan asarlar
3. koʻchma Bir gapni hadeb gapiravermoq, gap chaynamoq, ezmalik qilmoq.
Otang temirchi boʻlsa ham, gapni choʻzma. — Maqol.
— Gapni choʻzmang, — jerkindi Haqnazarov — O. Muxtor, Egilgan bosh
4. Qoʻlni, tana aʼzolarini yuqoriga yoki oldinga uzatmoq, choʻziltirmoq.
[Avaz] Qalamga qoʻl choʻzdi. — S. Siyoyev, Avaz
Tojiniso begim nola bilan koʻkka choʻzgan qoʻllarini yerga tashlab engashdi. Yoshlik.
Kresloga oʻtirib, oyogʻini oldinga choʻzdi. — Saodat
5. Qoʻl uzatib, biror narsani bermoq.
Qarasa, yuzlari shaftoliqoqiday burushiq bir kampir qandolatfurushga kumush tanga choʻzib turardi. — S. Siyoyev, Avaz
6. Uzaytirmoq (muddat, vaqt va shu kabilar haqida).
Oʻquv yilini avgustgacha choʻzmoq.
Oʻsha joyda elchixona xodimlari ozgina koyingan boʻlib, vizasini choʻzib berishdi. M. — M. Doʻst, Lolazor
7. Orqaga sudramoq, kechiktirmoq, paysalga solmoq.
Ekin kampaniyasini choʻzib yubormang.
Shoshilmaslikning ikkinchi, ham kuchli sababi, mumkin qadar toʻyni uzoqqa choʻzib, shu vositada Anvarni sogʻish edi. — A. Qodiriy, Mehrobdan chayon
8. Iqtisod qilib, tejab-tergab, koʻpga yetkazmoq.
Oz pul olsa ham, choʻzib-choʻzib, uch kunga yetkazdi.
Bu mablagʻni u [Toʻgʻonbek] ancha choʻzdi. — Oybek, Navoiy
ot Choʻzmoq feʼlining birgalik nisbati.
ot Yogʻda pishirilgan yupqa xamir taomlar.
ot tlsh. esk. Unli tovush va uning grafik belgisi (arab alifbosidan foydalanilgan vaqtlarda).
U [Saidakbar] harflarning choʻzgʻilarini egri-bugri yozardi. — S. Ayniy, Esdaliklar
sft. 1. ayn. Choʻzinchoq.
Choʻziq yuz. Choʻziq stol. Choʻziq supa,
Katalakdekkina hovli ekan, ikki-uch uy, oxirida nurab yotgan choʻziq ayvon — bor-yoʻgʻi shu. — X. Toʻxtaboyev, Yillar va yoʻllar
2. Uzoq davom etgan yoki etadigan, uzun, davomli (ovoz, tovush, hayqiriq va shu kabilar haqida).
Choʻziq ovoz.
Olislab borayotgan parovoz, nola chekkandek, choʻziq gudok chaldi. Oʻ. — Hoshimov, Ikki eshik orasi
3. tlsh. Uzoq, davomli talaffuz etiladigan.
qarama-qarshi, roʻpara – встречный – face to face. Kiši otruqï ašqa sunma elig – Kishi oldidagi ovqatga qoʻl choʻzma – Не протягивай руки к пище, находящейся перед [други
lag‘mon Xamirni choʻzib yoki uzun ingichka kesib tayyorlanadigan, yuziga qayla solib yeyiladigan ovqat. Kumush opam ham shu yerda edilar Lagʻmonni uncha xushlamas ekanlar
nina ayn. Igna. Shakarxonning angishvonasi teshilib, barmogʻiga nina kirib ketmaganda, qoʻshiq tong otguncha yangrashi turgan gap edi. I. Rahim, Chin muhabbat Chindan kol
temirchi Temirni bolgʻalab, undan turli buyumlar yasaydigan hunarmand. Ninachining ming urgani, temirchining bir urgani. Maqol Katta koʻcha. Oʻng tomonida Temirchilar bos
falon gum. olm. Narsa, shaxs yoki voqea-hodisa, ular haqidagi biror xususiyat, belgini aniq bildiruvchi soʻzlar oʻrnida ishlatiladi. Falon kishi. Falon narsa. Falon joy.
yupqa Qalin emas, koʻndalangiga ingichka; nozik. Yupqa gazlama. Yupqa teri. Yupqa qogʻoz. Yupqa tunuka. Yupqa shisha. U bir lahzada kosani tushirib, yupqa poʻstloq ichida
Qoʻqon podshosining qimmatbaho piyolasi sinib qoladi va uni tuzatishga hech kim qodir boʻlmaydi. Faqatgina bir kal shogird oʻzining aql-zakovati bilan bu muammo
Bu ertakda quyonning topqirligi va aqlliligi, shuningdek, doʻstlikning qadr-qimmati haqida hikoya qilinadi. Quyon aytgan ertak orqali doʻstlikning sinovlari va
